Sofonii 1:10 - Mbeti ti Nzapa - Tënë so amu fini

¹⁰ So tënë ti yanga ti KOTA GBIA laa: na lango ni so, azo ayeke ma dekongo na yanga ti gbagba Ti-asusu; azo ayeke ma kota dekongo na ya ti Fini Vaka, ala yeke ma go ti aye so ati ngangu na ndö ti akete hoto.

Sofonii 1:10 Iomraidhean Croise

2 Samuel 5:7

Me David amu ngangu gbagba ti *Sion, so ti tene Gbata ti David.

2 Samuel 5:9

David aduti na ya ti ngangu gbagba ni; ndani laa lo di iri ti gbata ni “Gbata ti David”. Lo sara ambeni gbagba angoro ni, ti londo na ndo so a iri ni Milo, ngbii asi na mbage ti ya ti gbata ni.

2 Agbia 22:14

Wayango-sandaga Hilkia, na Ahikam, na Akbor, na Shafan nga na Asaya ague, awara Hulda, wayanga-Nzapa so ayeke lango na Fini Vaka ti Jérusalem. Lo yeke wali ti Shalum; Shalum ayeke molenge ti Tikva, molenge ti Haras. Shalum ayeke zo ti batango abongo ti ya ti kota da ti Nzapa. Azo ni afa peko ti tënë ni na wayanga-Nzapa ni.

2 Mbai 3:1

Salomon ato nda ti sara kota da ti *KOTA GBIA na Jérusalem, na ndö ti hoto ti Moria. Kâ laa KOTA GBIA afa tere ti lo lani na babâ ti lo David; kâ laa David aleke mbeni ndo ndali ni na ndö ti lakere ti Ornan, zo ti mara ti Yebus.

2 Mbai 32:22

Tongaso laa KOTA GBIA asoo Ezekias na azo ti Jérusalem na kuâ, na maboko ti Senakerib, gbia ti Asirii nga na maboko ti awato ti ala kue. Na pekoni, lo mu na ala siriri mbage na mbage kue.

2 Mbai 33:14

Na pekoni, Manase asara ngangu gbagba na tere ti Gbata ti David, na mbage ti gigi; gbagba ni ayo na nduzu mingi. Gbagba ni ahon na mbage ti Do, na ndo so li ti ngu ti Gihon ayeke daa, angoro vaka ti Ofel, ahon na popo-hoto ti Sedron, ague ngbii asi na yanga ti gbagba so iri ni Ti-asusu. Manase azia amakonzi ti aturugu na ya ti agbata ti Juda so kue ngangu gbagba ayeke na tere ni.

2 Mbai 34:22

Hilkia na azo so gbia asoro ala so ague na ndo ti Hulda, wayanga-Nzapa so ayeke lango na Fini Vaka ti Jérusalem. Lo yeke wali ti Shalum; Shalum ayeke molenge ti Tokehat, molenge ti Hasra. Shalum ayeke zo ti batango abongo ti ya ti kota da ti Nzapa. Azo ni afa peko ti tënë ni na wayanga-Nzapa ni.

Néhémie 12:39

E kiri e hon na ndö ti yanga ti gbagba so iri ni Ti-Efraim, na ndö ti yanga ti gbagba so iri ni Ti-Yeshana nga na ndö ti yanga ti gbagba so iri ni Ti-asusu. Na pekoni, e londo na kota da ti Hananeel so ayo na nduzu nga na kota da so iri ni Ngbangbo, e hon yanga ti gbagba so iri ni Ti-ataba si e gue, e luti na yanga ti gbagba so iri ni Ti-aturugu.

Néhémie 3:3

Azo ti Senaa asara yanga ti gbagba so iri ni Ti-asusu. Ala leke akadere ni si ala zia ale ti kadere ni daa, na angbongboro wen ti kangango na ni nga na akerere ni.

Ésaïe 59:11

E kue, e yeke toto tongana *a-urse, e yeke dema tongana *ambipa. E zia fade be ti e ti ku titene Nzapa asara nzoni ye, me ye oko pepe. E yeke ku fade titene Nzapa asoo e, me lo ngba yongoro na e.

Jérémie 39:2

Na lango gumbaya ti nze osio ni ti ngu baleoko na oko ni, azo ti Babilone akoro mbeni du na ya ti gbagba ti gbata ni.

Jérémie 4:31

Mbi ma mbeni go; go ni akpa ti wali so ya ti lo ayeke so ti du si lo yeke dema tere ti lo. Go ni akpa ti wali so ayeke du kozo molenge ti lo; go ni so ayeke go ti *Sion, pendere gbata: lo wu pupu gbaa si lo yeke dema; lo yoro maboko ti lo na nduzu si lo tene: “Ti mbi awe! Azo ti fango zo afâ mbi awe!”

Ezekiel 6:13

Fade kuâ ti ala ayeke lango na sese gbani gbani na popo ti ayanda ti ala, kuâ ni ayeke lango na sese angoro tere ti agbalaka ti ala, na ndö ti akota hoto na akete hoto kue, na gbe ti akeke so akugbe ni angba fini ni nga na gbe ti akeke so kue kugbe ni ayeke gbani gbani, na ando so kue ala yeke zö ayombo so fion ni anzere na ayanda ti ala kue. Tongaso, fade ala yeke hinga atene, mbi laa mbi yeke KOTA GBIA.

Amos 8:3

Na lango ni so, abia so azo ayeke he na yangbo ti gbia ayeke ga abia ti demango tere. Gba ti akuâ ayeke si singo na ndo kue, a yeke bi akuâ ni na ando kirikiri si ndo ayeke de ngii”; so tënë ti yanga ti Kota Gbia NZAPA laa!

Sofonii 1:15

Lango ni ayeke lango ti ngonzo, lango ti ye ti ngangu na ti kota mbeto, lango so ye kue ayeke buba na lango ti kota kpale; lango so ndo ayeke vuko pitipiti, lango ti vukongo ndo, lango ti mbinda na ti vuko mbinda.

Sofonii 1:7

Ala azo, ala kai kpoo na dawa ti Kota Gbia NZAPA, ngbanga ti so *lango ti KOTA GBIA aga nduru awe. KOTA GBIA aleke mbeni *sandaga awe, lo iri azo ti tengo kobe ti sandaga ni si ala leke tere ti ala awe.