Sofonii 1:1 - Mbeti ti Nzapa - Tënë so amu fini

¹ So ayeke tënë ti *KOTA GBIA so asi na Sofonii, molenge ti Kushi; Kushi ayeke molenge ti Gedalia; Gedalia ayeke molenge ti Amaria; Amaria ayeke molenge ti Ezekias. KOTA GBIA atene tënë ni na ngoi so Yosias, molenge ti Amon ayeke gbia ti Juda.

Sofonii 1:1 Iomraidhean Croise

2 Agbia 21:18

Manase akui, lo hon na peko ti ababâ ti lo si a lu lo na ndo so a lu apendere kongo daa na ya ti yangbo ti lo; iri ti ndo ni ayeke “Ndo ti apendere kongo ti Uza”. Molenge ti lo Amon laa aga gbia na peko ti lo.

2 Agbia 21:26

A lu lo na sende ti kuâ ti lo so ayeke na ndo so a iri ni “Ndo ti apendere kongo ti Uza”. Molenge ti lo Yosias laa aga gbia na peko ti lo.

2 Mbai 33:20

Manase akui, lo hon na peko ti ababâ ti lo si a lu lo na ndo ti lo. Molenge ti lo Amon laa aga gbia na peko ti lo.

Jérémie 1:2

Tënë ti KOTA GBIA asi na Jérémie na ngoi ti Yosias, molenge ti Amon so ayeke gbia ti Juda; tënë ni asi na lo mbirimbiri na ndembe so Yosias ayeke le-gbia na ya ti ngu baleoko na ota ni.

Jérémie 22:11

Biani, tënë so KOTA GBIA atene ayeke so; tënë ni ayeke ndali ti Shalum, molenge ti Yosias, gbia ti Juda, lo so lo le-gbia na peko ti babâ ti lo si lo sigigi na ndo so lo hon awe; KOTA GBIA atene: “Fade lo yeke kiri na ndo so pepe;

Jérémie 25:3

“Ti londo na ngu baleoko na ota ti lengo-gbia ti Yosias, molenge ti Amon, gbia ti Juda, ngbii asi laso, na ya ti ngu baleuse na ota kue, tënë ti KOTA GBIA asi na mbi si mbi mu ngoi ti mbi kue ti tene tënë ni na ala, me ala ma pepe.

Ezekiel 1:3

Na kodro ti azo ti Babilone, na tere ti bale ti Kebar, tënë ti KOTA GBIA asi na mbi Ezekiel, molenge ti wayango-sandaga Buzi. Kâ, maboko ti KOTA GBIA agbu mbi.

Osée 1:1

Tënë ti *KOTA GBIA asi na Osée, molenge ti Beeri na ngoi so Ozias, Yotam, Ahaz na Ezekias ayeke agbia ti Juda. Gi na oko ngoi so Yeroboam, molenge ti Yoas ayeke gbia ti Israel.

2 Timothée 3:16

Atënë kue ti Mbeti ti Nzapa alondo na yanga ti Nzapa wani. Atënë ni ayeke nzoni ti fa ye na zo, ti ke na zo sioni so lo sara, ti kiri zo na nzoni lege, ti fa na zo ye so ayeke mbirimbiri

2 Pierre 1:19

Na ndö ni kue, tënë so awayanga-Nzapa atene so ayeke taa kpengbango tënë; tënë ni ayeke tongana lamba so ayeke za na ya ti vukongo ndo. So ayeke na legeni titene le ti ala angba na ndö ni ngbii ndo ahan si tongoro ti ndaperere aza na be ti ala.