Sigingo 9:9 - Mbeti ti Nzapa - Tënë so amu fini

⁹ Mburu ti wâ ni ayeke ga tongana fuku ti sese si ayeke mu ndö ti kodro ti Ezipte kue. Na pekoni, na ya ti kodro ti Ezipte kue, mburu ti wâ ni ayeke sara ka ti sanzo na tere ti azo nga na tere ti anyama.”

Sigingo 9:9 Iomraidhean Croise

Mbeti ti Job 2:7

Tongaso Satan alondo ahon na le ti KOTA GBIA. Na pekoni, lo pika Job na sioni kobela ti ka ti sanzo. Ka ni amu tere ti lo kue, alondo na gbe ti gere ti lo ngbii asi na li ti lo.

Sigingo 9:10

Moïse na Aaron amu mburu ti wâ ni si ala gue na ndo ti gbia Faraon. Moïse atuku mburu ti wâ ni na nduzu; mburu ti wâ ni asara si aye asuku na tere ti azo nga na tere ti anyama si aga aka ti sanzo.

Sigingo 9:8

KOTA GBIA atene na Moïse na Aaron: “Ala mu mburu ti wâ ti fur asi ya ti maboko ti ala. Fade Moïse ayeke tuku ni na nduzu na dawa ti Faraon.

Ndia ti fani use ni 28:27

KOTA GBIA ayeke tokua aka ti sanzo na tere ti ala, tongana ti so lo tokua ni lani na tere ti azo ti Ezipte; lo yeke tokua kobela ti sukungo tere na tere ti ala, koto-mo-lango, sarango tere nga na ambeni kobela nde nde so ayeke kai pepe.

Ndia ti fani use ni 28:35

Fade KOTA GBIA ayeke pika ala na asioni kobela ti ka ti sanzo so ayeke kai pepe. Aka ni ayeke gbu ala na likunu ti ala nga na ngbonda ti ala; na pekoni, ayeke mu tere ti ala kue, ti londo na gbe ti gere ti ala ngbii asi na li ti ala.

Aye so Nzapa afa 16:2

Kozo ange ni ague, lo tuku ye ti ya ti kopo ti lo na ndö ti sese. Ambeni sioni ka so aso mingi amu tere ti azo so kue ayeke lani na nzoroko ti nyama ni na tere ti ala, ala so ayeke voro limo ti nyama ni.