Sigingo 9:29 - Mbeti ti Nzapa - Tënë so amu fini

²⁹ Moïse akiri tënë na lo: “Gi so mbi yeke sigigi na ya ti gbata ni, mbi yeke yoro maboko ti mbi na mbage ti KOTA GBIA ti sambela lo. Fade bekpa na pembe ti bekpa ni ayeke kai. Tongaso, mo yeke hinga, mo tene, sese ayeke ti KOTA GBIA.

Sigingo 9:29 Iomraidhean Croise

1 Agbia 8:22

Na pekoni, Salomon aluti na dawa ti gbalaka ti *KOTA GBIA, na dawa ti bongbi ti azo ti Israel kue, lo yoro maboko ti lo na nduzu ti sambela,

1 Agbia 8:38

tongana mbeni zo, wala azo ti Israel so kue ayeke azo ti mo, tongana zo oko oko ahinga sioni ti lo nga na pasi so lo yeke baa, tongana lo sambela mo, lo voro tere ti lo na mo si lo yoro maboko ti lo na mbage ti kota da so ti sambela mo,

Esdras 9:5

Na ngbonga ti mungo *sandaga ti lakui, mbi londo na ya ti vundu ti mbi. Abongo ti mbi na yongoro bongo ti mbi so a suru so angba na tere ti mbi. Mbi ti na sese na likunu ti mbi, mbi yoro maboko ti mbi na nduzu na *KOTA GBIA Nzapa ti mbi,

Mbeti ti Job 11:13

Ti mo, tongana mo leke be ti mo mbirimbiri, yoro maboko ti mo na mbage ti lo si mo sambela lo.

Abia (Psaumes) 135:6

Ye so kue be ti KOTA GBIA aye, lo yeke sara ni na yayu nga na sese, na ya ti akota ngu-ingo nga na ya ti akota du so ali mingi.

Abia (Psaumes) 143:6

Mbi yoro maboko ti mbi na mbage ti mo, mbi laa na dawa ti mo tongana sese so aye ngu. Luti kete

Abia (Psaumes) 50:12

Tongana nzara ti kobe asara fade mbi, ka mbi tene tënë ni na mo? Biani, dunia na aye so kue ayeke na ya ni ayeke ti mbi.

Sigingo 19:5

Fadeso, tongana ala ma tënë ti mbi si ala bata tënë ti *mbuki ti mbi, fade ala yeke ga azo ti mbi wani na popo ti amara kue. Biani, sese kue ayeke ti mbi.

Sigingo 20:11

Biani, na ya ti lango omene, mbi KOTA GBIA, mbi sara yayu, sese, kota ngu-ingo na aye so kue ayeke na ya ni. Me na lango mbarambara ni, mbi wu tere ti mbi. Ndani laa mbi sara tufa na ndö ti lango ti wungo tere si mbi zia ni nde ndali ti mbi.

Sigingo 8:22

Moïse akiri tënë: “E lingbi ti sara tongaso pepe, ngbanga ti so asandaga so e yeke ya na KOTA GBIA, Nzapa ti e so ayeke sioni ye mingi na le ti azo ti Ezipte. Tongana ala baa e na yango mara ti asandaga tongaso, fade ala yeke bo e na têne!

Sigingo 8:6

Faraon atene: “Kekereke.” Moïse atene: “Nzoni! Mbi yeke sara tongana ti so mo hunda. Tongaso, fade mo yeke hinga, mo tene, mbeni nzapa ti lingbi na KOTA GBIA, Nzapa ti e ayeke daa pepe.

Sigingo 9:33

Moïse alondo na ndo ti gbia Faraon nga na ya ti gbata ni, lo sigigi. Lo yoro maboko ti lo na mbage ti KOTA GBIA si lo sambela. Tongaso bekpa na pembe ti bekpa akai; ngu-Nzapa akiri apika pepe.

Ésaïe 1:15

Tongana ala yoro maboko ti ala na nduzu ti sambela, mbi yeke bi le ti mbi na ngonda. Ataa ala sambela tongana nyen, mbi yeke ma ala pepe, ngbanga ti so maboko ti ala atuku mene mingi.

1 Korente 10:26

Biani, sese na aye so kue ayeke na ndö ni ayeke ti *Kota Gbia.

1 Korente 10:28

Me tongana mbeni zo atene na ala: “Kasa ti nyama ni ayeke ti nyama so azo aya na *sandaga na anzapa nde”, ala te ni pepe, ndali ti zo so atene tënë ni na ala so, tongaso si be ti zo ni agi ti lo pepe.

Ndia ti fani use ni 10:14

Yayu so akono ahon ndoni, sese na aye so kue ayeke na ndö ni ayeke ti KOTA GBIA Nzapa ti ala.