Sigingo 9:26 - Mbeti ti Nzapa - Tënë so amu fini

²⁶ Gi na sese ti Goshen oko, ndo so azo ti Israel aduti daa laa pembe ti bekpa atuku daa pepe.

Sigingo 9:26 Iomraidhean Croise

Sigingo 10:23

Na ya ti lango ota, zo oko abaa mba ti lo pepe, lo yeke londo nga na ndo so lo yeke daa ti hon na mbeni ndo nde pepe. Me lumiere ayeke na ndo so azo ti Israel kue ayeke duti daa.

Sigingo 11:7

Me na ndo ti azo ti Israel kue, fade mbo oko ayeke dekongo na li ti mbeni zo wala na li ti mbeni nyama pepe. Tongaso si ala hinga atene, mbi KOTA GBIA, mbi sara kangbi na popo ti azo ti Ezipte na azo ti Israel.’

Sigingo 12:13

Me ti ada so ala yeke lango daa, mene ayeke duti tongana mbeni nzoroko ndali ti ala. Fade mbi yeke baa ni si mbi yeke hon hongo na ndö ti ada ni, mbi yeke luti pepe. Tongaso kpale so ayeke buba ndo ayeke wara ala pepe, na ndembe so mbi yeke fâ azo ti Ezipte.

Sigingo 8:19

Mbi yeke zi azo ti mbi na ya ti ye ti vundu so ayeke si na azo ti mo so. Ye ti kpene so ayeke si kekereke.’ ”

Sigingo 9:4

Me KOTA GBIA ayeke sara kangbi na popo ti anyama ti azo ti Israel na anyama ti azo ti Ezipte. Mbeni nyama oko ti azo ti Israel ayeke kui pepe.’ ”

Sigingo 9:6

Lango oko na pekoni, KOTA GBIA asara ye ni: anyama kue ti azo ti Ezipte akui, me na popo ti anyama ti azo ti Israel, mbeni oko akui pepe.

Jérémie 23:6

Na ngoi ti lo, fade a yeke soo kodro-gbia ti Juda, mbeni ye ti sioni ti si na Israel ayeke duti daa pepe. Iri so fade azo ayeke iri na lo laa: ‘KOTA GBIA ayeke mbirimbiri ti e.’

Amos 4:7

“So angba na ala nze ota titene ala to nda ti fâ ale ti kobe ti ala, mbi laa, mbi gbanzi ngu-Nzapa na ala. Mbi sara si ngu-Nzapa apika na mbeni gbata si na mbeni gbata, ngu ni apika pepe. Mbi sara si ngu-Nzapa apika na ndö ti mbeni yaka si mbeni yaka angba na holengo ni, ngbanga ti so ngu ayeke daa pepe.