Sigingo 9:23 - Mbeti ti Nzapa - Tënë so amu fini

²³ Moïse ayoro keke ti lo na nduzu. KOTA GBIA atokua bekpa na pembe ti bekpa: bekpa asungba na ndö ti sese, na pekoni, KOTA GBIA asara si pembe ti bekpa atuku na ndö ti kodro ti Ezipte.

Sigingo 9:23 Iomraidhean Croise

Tongo nda ti aye 19:24

Na ndembe ni so laa KOTA GBIA asara titene wâ na *sufre alondo na nduzu, atuku na ndö ti Sodome na Gomore tongana ti so ngu-Nzapa ayeke pika so.

Mbeti ti Job 37:13

Nzapa atokua ala ti pika azo ti ndö ti sese, wala ti fa na ala nzoni be ti lo.

Abia (Psaumes) 147:17

Lo fâ ya ti *apembe ti bekpa ti lo nduru nduru si lo bi ni. So lo sara si de asara mingi mingi so, zo wa laa alingbi ti gbu le ni, zo wa?

Abia (Psaumes) 148:8

Ala wâ na *pembe ti bekpa, *neze na guru ti le ti ngu, ala sepela lo! Ala, na kota pupu so ayeke sara ye na peko ti yanga ti lo, ala sepela lo!

Abia (Psaumes) 18:13

Mbeni wâ aza, avuru ndo kue na dawa ti lo, ambinda, *apembe ti bekpa na ale ti wâ asigigi daa.

Abia (Psaumes) 29:3

Go ti KOTA GBIA atoto amu ndö ti angu kue. Nzapa ti gonda asara si bekpa asungba, KOTA GBIA amu ndö ti akota ngu kue.

Abia (Psaumes) 77:18

Mbinda atuku gba ti ngu. Na le ti nduzu, bekpa atoto si ale ti kokora ti mo ahon na ndo kue.

Sigingo 19:16

Na ota lango ni, na kota ndaperere, bekpa asungba na li ti hoto ni, wâ ti bekpa aza si gba ti nengo mbinda akanga li ti hoto ni. Azo ama toto ti adidi ti akoli-taba so atoto ngangu. Na ya ti bâbâ ni, tere ti azo kue ado na mbeto.

Sigingo 20:18

Azo ti Israel kue ama sungbango ti bekpa na toto ti adidi ti koli-taba. Ala kue abaa wâ ti bekpa na guru ti wâ so ayeke sigigi na li ti hoto; tere ti ala kue ado na mbeto si ala luti yongoro.

Sigingo 9:18

Ndani laa, kekereke gi na oko ngbonga so, mbi yeke sara titene *pembe ti bekpa atuku ngangu ngangu. Mara ti ye tongaso ade ti si laoko pepe na Ezipte, ngbene ye so kodro ni abaa gigi ngbii asi fadeso.

Sigingo 9:24

Pembe ti bekpa atuku, bekpa asungba abongbi na pembe ti bekpa si atuku ngangu ngangu. Ngbene ye so Ezipte abaa gigi si aga mara, azo ti kodro ni ade ti baa mara ti tukungo ti pembe ti bekpa tongaso laoko pepe.

Ésaïe 30:30

KOTA GBIA ayeke sara titene azo ama go ti lo so ayeke toto ngangu, lo yeke sara titene azo abaa maboko ti lo so lo yo na nduzu ti pika na azo. Lo yeke fa sioni ngonzo ti lo na popo ti menga ti wâ so ayeke gbi ye kue, na popo ti kota ngu-Nzapa, nga na popo ti *apembe ti bekpa so atuku.

Ezekiel 38:22

Mbi yeke fâ ngbanga na li ti mo na lege ti sioni kobela ti bubango kodro nga na lege ti tukungo mene. Mbi yeke tokua ngangu ngu-Nzapa, *pembe ti bekpa, wâ nga na *sufre na ndö ti mo, na ndö ti aturugu ti mo nga na ndö ti gba ti amara so ayeke na tere ti mo.

Josué 10:11

Na ndembe so ala yeke kpe na dawa ti azo ti Israel si ala londo na Bet-Horon ti zu na gbe ni, KOTA GBIA asara si angbongboro *pembe ti bekpa alondo na nduzu kâ atuku na ndö ti ala ngbii ala si na ni na Azeka si ala kui. Ala so apembe ti bekpa afâ ala ayeke mingi ahon ala so azo ti Israel afâ ala na yongoro zeme.

Aye so Nzapa afa 16:18

Tongaso, wâ ti bekpa aza, ambeni go atoto ngangu, bekpa asungba si sese ayingi ngangu. Ti londo na ndembe so zo ayeke na ndö ti sese ngbii asi laso, sese ade ti yingi tongaso laoko pepe.

Aye so Nzapa afa 16:21

Akota *pembe ti bekpa so nengo ni aga nduru na kilo baleosio, alondo na nduzu si atuku na ndö ti azo. Azo ni azonga Nzapa ngbanga ti apembe ti bekpa ni, nga ngbanga ti so apembe ti bekpa ni asara ngangu na ala ahon ndoni.

Aye so Nzapa afa 8:7

Kozo ange ni ahuru tatalita ti lo. *Pembe ti bekpa na wâ so abongbi na mene atuku na ndö ti sese. Na ndö ti sese kue, mbeni mbage oko na popo ti ambage ota ti sese ni agbi. Ti akeke ti dunia kue, mbeni oko na popo ti akeke ota agbi; afini pere kue agbi.