Sigingo 9:18 - Mbeti ti Nzapa - Tënë so amu fini

¹⁸ Ndani laa, kekereke gi na oko ngbonga so, mbi yeke sara titene *pembe ti bekpa atuku ngangu ngangu. Mara ti ye tongaso ade ti si laoko pepe na Ezipte, ngbene ye so kodro ni abaa gigi ngbii asi fadeso.

Sigingo 9:18 Iomraidhean Croise

1 Agbia 19:2

Tongaso Yezabel atokua mbeni zo na Élie ti tene na lo: “Kekereke gi na oko ngbonga so, tongana mbi sara na mo mara ti ye so mo sara na awayanga ti nzapa Baal so pepe, ayeke nzoni anzapa asara ye ti ngangu mingi na mbi!”

1 Agbia 20:6

Biani kekereke, gi na oko ngbonga so, fade azo ti kua ti mbi ayeke gue ti gi ya ti yangbo ti mo, ti gi nga ya ti ada ti agbenyogbia ti mo. Tongaso aye so kue mo baa ane na le ti mo, fade ala yeke zia maboko na ndö ni si ala yeke mu ti gue na ni.’ ”

2 Agbia 7:1

Élisée akiri tënë: “Ala ma tënë ti *KOTA GBIA si! Tënë so KOTA GBIA atene ayeke so: ‘Kekereke, gi na oko ngbonga so, na yanga ti gbata ti Samarii, fade azo ayeke vo kilo baleoko na use ti farini na le ti nginza oko; ala yeke vo kilo baleuse na osio ti *orze na le ti nginza oko.’ ”

2 Agbia 7:18

Biani, Élisée atene lani na gbia, atene: “Kekereke, gi na oko ngbonga so, fade azo ayeke vo kilo baleoko na use ti farini na le ti nginza oko, ala yeke vo kilo baleuse na osio ti orze na le ti nginza oko na gara ti Samarii.”

Mbeti ti Job 37:13

Nzapa atokua ala ti pika azo ti ndö ti sese, wala ti fa na ala nzoni be ti lo.

Mbeti ti Job 38:22

Mo gue ngbii mo si na ndo so a bata *neze daa? Ndo so a bata *apembe ti bekpa daa, mo baa ni awe?

Mbeti ti Job 38:23

Mbi bata ni ndali ti ngoi ti ye ti vundu, ndali ti ngoi ti tiri nga na ngoi ti bira.

Abia (Psaumes) 83:15

Tongana ti so wâ ayeke gbi gbako, tongana ti so menga ti wâ ayeke gbi ahoto,

Sigingo 10:14

Agbadola ni amu ya ti Ezipte kue, ala duti na ndo kue. Ala wu ahon ndoni: kozoni, azo ti Ezipte ade ti baa mara ti gba ti agbadola tongaso laoko pepe; ala yeke kiri ti baa mara ni tongaso laoko pepe.

Sigingo 10:6

Ala yeke si singo na ya ti ayangbo ti mo, na ya ti ada ti azo ti gbe ti mo kue nga na ya ti ada ti azo ti Ezipte kue. Ye ni ayeke duti mbeni kota kpale so, ngbene ye na ngoi ti akotara ti mo ngbii asi fadeso, zo ade ti baa ni laoko pepe.’ ” Na pekoni, Moïse alondo na ndo ti Faraon, asigigi.

Sigingo 11:6

Na ya ti kodro ti Ezipte kue, fade toto ayeke hon ndoni. Mara ti toto tongaso ade ti duti daa laoko pepe; mara ti toto tongaso ayeke kiri ti duti daa laoko pepe.

Sigingo 9:17

Ataa so kue, mo ngba ti kanga lege na azo ti mbi titene ala gue.

Aye so Nzapa afa 16:21

Akota *pembe ti bekpa so nengo ni aga nduru na kilo baleosio, alondo na nduzu si atuku na ndö ti azo. Azo ni azonga Nzapa ngbanga ti apembe ti bekpa ni, nga ngbanga ti so apembe ti bekpa ni asara ngangu na ala ahon ndoni.