Sigingo 9:10 - Mbeti ti Nzapa - Tënë so amu fini

¹⁰ Moïse na Aaron amu mburu ti wâ ni si ala gue na ndo ti gbia Faraon. Moïse atuku mburu ti wâ ni na nduzu; mburu ti wâ ni asara si aye asuku na tere ti azo nga na tere ti anyama si aga aka ti sanzo.

Sigingo 9:10 Iomraidhean Croise

Sigingo 9:11

Azo ti mazi ti Ezipte alingbi ti luti na dawa ti Moïse pepe ndali ti aye so asuku na tere ti ala so. Biani, asukungo ye ni amu tere ti ala kue nga na tere ti azo ti Ezipte kue.

Sigingo 9:8

KOTA GBIA atene na Moïse na Aaron: “Ala mu mburu ti wâ ti fur asi ya ti maboko ti ala. Fade Moïse ayeke tuku ni na nduzu na dawa ti Faraon.

Sigingo 9:9

Mburu ti wâ ni ayeke ga tongana fuku ti sese si ayeke mu ndö ti kodro ti Ezipte kue. Na pekoni, na ya ti kodro ti Ezipte kue, mburu ti wâ ni ayeke sara ka ti sanzo na tere ti azo nga na tere ti anyama.”

Ndia ti fani use ni 28:27

KOTA GBIA ayeke tokua aka ti sanzo na tere ti ala, tongana ti so lo tokua ni lani na tere ti azo ti Ezipte; lo yeke tokua kobela ti sukungo tere na tere ti ala, koto-mo-lango, sarango tere nga na ambeni kobela nde nde so ayeke kai pepe.