Sigingo 8:7 - Mbeti ti Nzapa - Tënë so amu fini

⁷ Fade akongba ni ayeke londo na ndo ti mo nga na ya ti yangbo ti mo ti hon; ala yeke londo na ndo ti azo ti gbe ti mo nga na ndo ti azo ti kodro ti mo ti hon. Ala yeke ngba gi na ya ti bale ti Nil.”

Sigingo 8:7 Iomraidhean Croise

Sigingo 7:11

Me gbia Faraon airi azo ti hingango nda ti aye nga na anganga; azo ti mazi ti Ezipte so asara gi mara ti ye so na lege ti mazi ti ala.

Sigingo 7:22

Me azo ti mazi ti Ezipte asara gi mara ti ye so na lege ti mazi ti ala. Be ti Faraon angba ti kpengba, lo ma Moïse na Aaron pepe, alingbi na tënë so KOTA GBIA atene.

Sigingo 8:18

Me na lango ni so, fade mbi yeke sara si ti sese ti Goshen, ye ni ayeke duti nde: ndo so azo ti mbi aduti daa so, asioni vuma ni ayeke si kâ pepe. Tongaso si mo hinga, mo tene, mbi KOTA GBIA, mbi yeke na ya ti kodro so.

Matthieu 24:24

Biani, fade amesii ti mvene na awayanga-Nzapa ti mvene ayeke ga si ala yeke sara akota ye ti kpene na aye ti dongo be ti handa na azo. Tongana lege ayeke daa, ataa azo so Nzapa asoro ala, ala yeke handa ala.

2 Timothée 3:8

Azo ni so ake taa-tënë gi tongana ti so Yanes na Yambres ake ando tënë ti Moïse. Li ti azo ni so aga kirikiri si mabe ti ala ayeke ye oko pepe.

Aye so Nzapa afa 13:14

Lo handa azo ti ndö ti sese na lege ti aye ti kpene so lo sara na dawa ti nyama ti kota ngu-ingo; lo sara ni na ngangu so a mu na lo. Lo tene na azo ti leke mbeni limo ndali ti nyama ti kota ngu-ingo so awara ka ti yongoro zeme si lo ngba na fini so.