Sigingo 8:19 - Mbeti ti Nzapa - Tënë so amu fini

¹⁹ Mbi yeke zi azo ti mbi na ya ti ye ti vundu so ayeke si na azo ti mo so. Ye ti kpene so ayeke si kekereke.’ ”

Sigingo 8:19 Iomraidhean Croise

Tongo nda ti aye 41:24

Angengo ali ti ble ni ate akonongo ni kue. Mbi fa peko ti abango-li ni na azo ti nganga, me zo oko na popo ti ala ti fa nda ni na mbi ayeke daa pepe.”

Abia (Psaumes) 8:3

Na lege ti atënë so asigigi na yanga ti akete molenge na ala so angba ti nyon me, mo fa ngangu ti mo na le ti awato ti mo. Ngangu ti mo ni ayeke tongana ngangu gbagba so ayeke kanga yanga ti awato so amu ngangu ti ala kue ti sara sioni.

Sigingo 10:23

Na ya ti lango ota, zo oko abaa mba ti lo pepe, lo yeke londo nga na ndo so lo yeke daa ti hon na mbeni ndo nde pepe. Me lumiere ayeke na ndo so azo ti Israel kue ayeke duti daa.

Sigingo 10:7

Azo ti gbe ti Faraon atene na lo: “Zo so ayeke ngba tongana kuku ti gbungo e ngbii asi lawa? Zia lege na azo ti Israel titene ala gue, avoro KOTA GBIA, Nzapa ti ala. Kodro ti Ezipte ayeke gue ti buba laa; ade mo hinga ni pepe?”

Sigingo 11:7

Me na ndo ti azo ti Israel kue, fade mbo oko ayeke dekongo na li ti mbeni zo wala na li ti mbeni nyama pepe. Tongaso si ala hinga atene, mbi KOTA GBIA, mbi sara kangbi na popo ti azo ti Ezipte na azo ti Israel.’

Sigingo 7:13

Ataa so kue, be ti Faraon angba ti kpengba alingbi na tënë so KOTA GBIA atene. Lo ma Moïse na Aaron pepe.

Sigingo 7:4

Me lo yeke ma ala pepe. Tongaso, mbi yeke fâ ngbanga ti ngangu na ndö ti azo ti Ezipte si mbi yeke zi azo ti mbi, azo ti Israel, na kodro ti Ezipte ti sigigi na ala na lege ti molongo ti amara ti ala oko oko.

Sigingo 7:5

Na ndembe so mbi yeke yoro maboko ti mbi na ndö ti Ezipte si mbi yeke zi azo ti Israel na popo ti ala ti sigigi na ala, na ndo so laa azo ti Ezipte ayeke hinga atene, mbi laa mbi yeke KOTA GBIA.”

Sigingo 9:26

Gi na sese ti Goshen oko, ndo so azo ti Israel aduti daa laa pembe ti bekpa atuku daa pepe.

Sigingo 9:4

Me KOTA GBIA ayeke sara kangbi na popo ti anyama ti azo ti Israel na anyama ti azo ti Ezipte. Mbeni nyama oko ti azo ti Israel ayeke kui pepe.’ ”

Daniel 2:19

Na bi, na ya ti mbeni ye tongana bango-li, Nzapa afa na Daniel nda ti ye ti ndima ni. Tongaso Daniel alondo ti gonda Nzapa so ayeke na yayu;

Matthieu 12:28

Me tongana mbi yeke tumba asioni yingo na ngangu ti Yingo ti Nzapa, andaa *Kodro-gbia ti Nzapa asi na ala awe.

Nzoni Tënë so Luc asu na mbeti 11:20

Me tongana mbi yeke tumba asioni yingo ni na ngangu ti Nzapa, andaa kodro-gbia ti Nzapa asi na ala awe.

Jean 11:47

Tongaso afarizien na akota wayango-sandaga airi *Kota Bongbi ti Fango Ngbanga, ala tene: “Fade e yeke sara nyen? Koli so ayeke sara aye ti kpene mingi!

Awatokua 4:16

ala tene: “Fade e yeke sara nyen na azo so? Azo ti Jérusalem kue ahinga atene, na lege ti ala laa ye ti kpene so asi, e lingbi ti bere ni pepe.

1 Samuel 6:3

Ala kiri tënë, atene: “Tongana ala ye ti kiri na sanduku ti mbuki ti Nzapa ti Israel, ayeke nzoni ala kiri na ni senge pepe. Me ala mu mbeni ye na Nzapa ti Israel ndali ti sioni ti ala, azo ti Filistii. Tongaso fade kobela ti ala akai si ala hinga ndani so maboko ti Nzapa ti Israel angba ti sara ngangu na ala.”

1 Samuel 6:9

Fade ala yeke baa: tongana sanduku ti mbuki ni amu lege ti gue na sese ti Israel na mbage ti gbata ti Bet-Shemesh, andaa KOTA GBIA wani laa asara titene asioni ye so kue asi na e. Tongana sanduku ni amu mbeni lege nde, fade e hinga, e tene, Nzapa laa asara asioni ye so na e pepe. Me ye ti gigi laa asi na e so.”