Sigingo 8:15 - Mbeti ti Nzapa - Tënë so amu fini

¹⁵ Azo ti mazi ni atene na Faraon: “So maboko ti Nzapa laa ayeke sara kua so!” Me be ti Faraon angba ti kpengba. Lo ma Moïse na Aaron pepe, alingbi na tënë so KOTA GBIA atene.

Sigingo 8:15 Iomraidhean Croise

Sigingo 14:5

Azo atene na Faraon, gbia ti Ezipte, atene: “Baa azo ti Israel akpe awe.” Be ti Faraon na be ti akota zo ti gbe ti lo akiri asanze ndali ti azo ni si ala tene: “Nyen laa e sara si e zia lege na azo ti Israel si ala hon so? Ala yeke kiri ti sara kua ti ngbaa na e pepe!”

Sigingo 4:21

KOTA GBIA atene na Moïse: “Na kiringo ti mo na Ezipte, mbi mu na mo ngangu ti sara aye ti dongo be. Fade mo yeke sara ni na dawa ti Faraon. Me ti mbi, mbi yeke sara titene be ti lo akpengba si lo yeke ke ti zia lege na azo ti Israel ti gue.

Sigingo 7:4

Me lo yeke ma ala pepe. Tongaso, mbi yeke fâ ngbanga ti ngangu na ndö ti azo ti Ezipte si mbi yeke zi azo ti mbi, azo ti Israel, na kodro ti Ezipte ti sigigi na ala na lege ti molongo ti amara ti ala oko oko.

Sigingo 8:14

Azo ti mazi ti Ezipte aye nga ti sara angungu na lege ti mazi ti ala, me ala ha gbaa. Angungu ni angba na ndö ti azo nga na anyama.

Sigingo 8:16

KOTA GBIA atene na Moïse: “Kekereke na kota ndaperere, mo londo mo gue, mo luti na dawa ti Faraon na ndembe so lo yeke gue na yanga ti *bale ti Nil. Fade mo tene na lo, mo tene: ‘Tënë so KOTA GBIA atene ayeke so: Zia lege na azo ti mbi titene ala gue, avoro mbi.

Sigingo 8:28

Ataa so kue, Faraon akiri asara ngangu li si lo ke ti zia lege na azo ti Israel ti gue.

Sigingo 8:8

Moïse na Aaron alondo na ndo ti Faraon asigigi. Moïse atoto na KOTA GBIA ndali ti akongba so lo tokua ala na tere ti Faraon so.

Amato 26:11

Zo ti buba so akiri na ndö ti asarango ye ti buba ti lo, lo yeke tongana mbo so akiri ti te kobe so lo de ni na sese awe.

Amato 29:1

Zo so a gboto mê ti lo si lo ngba ti sara ngangu li, fade a yeke kinda lo gi hio tongaso, mbeni ye ti sara titene lo kiri lo ga nzoni ayeke daa pepe.

Zo ti bongbingo azo 8:11

Zo so asara sioni, a yeke fâ ngbanga na li ti lo hio pepe. Ndani laa azo ayeke na nzara ti sara sioni.

Ésaïe 26:10

Me tongana a de ngbanga na li ti azo ti sioni pepe, ala yeke manda ti sara ye ti mbirimbiri pepe. Ataa kodro so a yeke sara ka ye na legeni, azo ti sioni ni ayeke sara sioni, ala yeke baa ngangu ti mo KOTA GBIA pepe.

Osée 6:4

KOTA GBIA akiri tënë na ala: “Mo Efraim, fade mbi yeke sara nyen na mo? Mo Juda, fade mbi yeke sara nyen na mo? Yengo so ala ye na mbi ayeke tongana mbinda ti ndaperere, ayeke tongana ngu ti pere ti ndaperere so ayeke hon hongo.

Ahebro 3:15

Mbeti ti Nzapa atene: “Laso, tongana ala ma go ti Nzapa, ala kpengba be ti ala pepe tongana ti so akotara ti ala asara ngangu li.”

Ahebro 3:8

ala kpengba be ti ala pepe tongana ti so akotara ti ala asara ngangu li si ala tara be ti Nzapa na ngoi so ala yeke ando na benyama.

Aye so Nzapa afa 16:9

Ngangu ndo-wâ agbi azo; ala zonga iri ti Nzapa so ayeke na ngangu na ndö ti asioni ye so kue, me ala ke ti zia ngbene lege ti sarango ye ti ala, ala ke ti gonda Nzapa.

1 Samuel 6:12

Amama ti bagara ni amu gi taa lege ti guengo na Bet-Shemesh; ala tambula mbage na mbage pepe. Na guengo ni ala yeke toto. Agbia ti azo ti Filistii amu peko ti ala ngbii asi na katikati ti Bet-Shemesh.

1 Samuel 6:3

Ala kiri tënë, atene: “Tongana ala ye ti kiri na sanduku ti mbuki ti Nzapa ti Israel, ayeke nzoni ala kiri na ni senge pepe. Me ala mu mbeni ye na Nzapa ti Israel ndali ti sioni ti ala, azo ti Filistii. Tongaso fade kobela ti ala akai si ala hinga ndani so maboko ti Nzapa ti Israel angba ti sara ngangu na ala.”

1 Samuel 6:6

Ngbanga ti nyen laa ala ye ti kpengba be ti ala tongana ti Faraon na azo ti Ezipte ando so? Ala dabe ti ala na ye so Nzapa asara na ala ngbii si ala zia lege na azo ti Israel ti gue so!

1 Samuel 6:9

Fade ala yeke baa: tongana sanduku ti mbuki ni amu lege ti gue na sese ti Israel na mbage ti gbata ti Bet-Shemesh, andaa KOTA GBIA wani laa asara titene asioni ye so kue asi na e. Tongana sanduku ni amu mbeni lege nde, fade e hinga, e tene, Nzapa laa asara asioni ye so na e pepe. Me ye ti gigi laa asi na e so.”