Sigingo 8:14 - Mbeti ti Nzapa - Tënë so amu fini

¹⁴ Azo ti mazi ti Ezipte aye nga ti sara angungu na lege ti mazi ti ala, me ala ha gbaa. Angungu ni angba na ndö ti azo nga na anyama.

Sigingo 8:14 Iomraidhean Croise

1 Agbia 18:26

Awayanga ti nzapa Baal amu bagara so a mu na ala si ala leke lo ti mu na *sandaga. Na pekoni, ala sambela Baal, ti londo na ndaperere ngbii asi na bekombite, ala tene: “Baal, mo kiri tënë na e!” Me ala ma mbeni go oko pepe, zo oko akiri tënë na ala pepe. Ala yeke dodo na tere ti gbalaka so ala leke so.

1 Agbia 18:29

So bekombite ahon awe, ala to nda ti sara ye tongana azo so mbeni yingo agbu ala. Ala sara ye ni ngbii asi na ngbonga ti mungo sandaga. Me ala ma mbeni go oko pepe, zo akiri tënë na ala pepe, ye oko asara nga pepe.

Sigingo 7:21

Asusu ti ya ti bale ni akui, ngu ni afun si azo ti Ezipte alingbi ti nyon ni pepe. Mene amu ya ti kodro ti Ezipte kue.

Sigingo 8:13

Moïse na Aaron asara ye alingbi na ni: Aaron ayoro maboko ti lo si na keke ti lo, lo pika fuku ti sese ni. Fuku ti sese ni aga angungu si angungu ni atuku na ndö ti azo nga na anyama. Na ya ti kodro ti Ezipte kue, fuku ti sese aga angungu.

Sigingo 8:15

Azo ti mazi ni atene na Faraon: “So maboko ti Nzapa laa ayeke sara kua so!” Me be ti Faraon angba ti kpengba. Lo ma Moïse na Aaron pepe, alingbi na tënë so KOTA GBIA atene.

Sigingo 8:24

Faraon atene: “Fade mbi yeke zia lege na ala titene ala gue na benyama, ala mu sandaga na KOTA GBIA, Nzapa ti ala. Me ala gue yongoro pepe! Ala sambela ndali ti mbi.”

Sigingo 9:11

Azo ti mazi ti Ezipte alingbi ti luti na dawa ti Moïse pepe ndali ti aye so asuku na tere ti ala so. Biani, asukungo ye ni amu tere ti ala kue nga na tere ti azo ti Ezipte kue.

Ésaïe 19:11

Amakonzi ti gbata ti Soan ayeke azo ti buba mingi, azo ti ndara so ayeke mu wango na Faraon, ala yeke bongbi ti azo so li ti ala ayeke daa pepe. Asara tongana nyen laa ala tene na Faraon: “Mbi yeke molenge ti azo ti ndara, molenge ti agbia ti giriri”?

Ésaïe 34:2

Ngonzo ti *KOTA GBIA ayeke tuku na ndö ti amara kue, sioni ngonzo ti lo ayeke tuku na ndö ti aturugu ti ala kue. Lo zia ala titene a fâ ala, ahunzi ala, lo zia ala titene a fâ ala kue.

Ezekiel 39:11

“Na lango ni so, fade mbi yeke mu na Gog mbeni ndo na Israel titene a lu kuâ ti lo daa. Ndo ni ayeke na popo-hoto ti Azo-ti-hongo-na-lege, na mbage ti To ti kota ngu ti Gba-ti-ingo. Ndo ni ayeke kanga lege na azo so ayeke hon na lege. A yeke lu kuâ ti Gog na ti gba ti azo ti lo kâ. A yeke di iri ti ndo ni ‘Popo-hoto ti Gba-ti-azo-ti-Gog’.

Joël 2:20

Wato ti ala so alondo na Banga si aga, fade mbi yeke tumba lo yongoro na tere ti ala; mbi yeke tumba lo titene lo gue na ndo so ngu ayeke daa pepe si ye oko ayeke daa pepe. Aturugu so ayeke na dawa ti lo, mbi yeke bi ala na ya ti kota ngu-ingo so ayeke na mbage ti To; aturugu so ayeke na peko ti lo, mbi yeke bi ala na ya ti kota ngu-ingo ti Mediterane na mbage ti Do; fade kuâ ti ala ayeke fun sioni, ayeke fun amu ndo kue. Biani, lo sara akota ye.”