Sigingo 8:11 - Mbeti ti Nzapa - Tënë so amu fini

¹¹ So Faraon abaa atene ye ni aga nzoni kete, lo sara ngangu li. Lo ma Moïse na Aaron pepe, alingbi na tënë so KOTA GBIA atene.

Sigingo 8:11 Iomraidhean Croise

Sigingo 4:21

KOTA GBIA atene na Moïse: “Na kiringo ti mo na Ezipte, mbi mu na mo ngangu ti sara aye ti dongo be. Fade mo yeke sara ni na dawa ti Faraon. Me ti mbi, mbi yeke sara titene be ti lo akpengba si lo yeke ke ti zia lege na azo ti Israel ti gue.

Sigingo 7:13

Ataa so kue, be ti Faraon angba ti kpengba alingbi na tënë so KOTA GBIA atene. Lo ma Moïse na Aaron pepe.

Sigingo 7:14

KOTA GBIA atene na Moïse: “Gbia Faraon angba ti sara ngangu li; lo ke ti zia lege na azo ti Israel ti gue.

Sigingo 8:12

KOTA GBIA atene na Moïse: “Tene na Aaron, mo tene: Yoro keke ti mo, mo pika na fuku ti sese. Fade fuku ti sese ni ayeke ga angungu na ya ti kodro ti Ezipte kue.”

Sigingo 8:13

Moïse na Aaron asara ye alingbi na ni: Aaron ayoro maboko ti lo si na keke ti lo, lo pika fuku ti sese ni. Fuku ti sese ni aga angungu si angungu ni atuku na ndö ti azo nga na anyama. Na ya ti kodro ti Ezipte kue, fuku ti sese aga angungu.

Sigingo 8:3

Me azo ti mazi ti Ezipte asara gi mara ti ye so na lege ti mazi ti ala. Ala nga asara si akongba asigigi amu ya ti kodro ni kue.

Sigingo 8:9

KOTA GBIA asara ye so Moïse ahunda na lo. Akongba ni akui na ya ti ada, na ya ti agbagba nga na ya ti ayaka.