Sigingo 7:9 - Mbeti ti Nzapa - Tënë so amu fini

⁹ “Tongana Faraon ahunda na ala ti sara mbeni ye ti dongo be, fade mo Moïse, mo tene na Aaron ti mu keke ti lo, ti bi na sese na dawa ti Faraon; fade keke ni ayeke ga ngbo.”

Sigingo 7:9 Iomraidhean Croise

Sigingo 10:13

Moïse ayoro keke ti lo na ndö ti Ezipte si KOTA GBIA atokua mbeni pupu ti To na ndö ti kodro ni. Pupu ni aya na kota lâ kue nga na bi kue. Na ndaperere, pupu ti To ni aga na agbadola awe.

Sigingo 4:17

Ti keke ni, mu na maboko ti mo! Fade mo yeke sara aye ti kpene na ni.”

Sigingo 4:2

Tongaso KOTA GBIA ahunda lo, atene: “Nyen laa ayeke na maboko ti mo so?” Moïse akiri tënë: “Keke laa.”

Sigingo 4:20

Tongaso Moïse amu wali ti lo na amolenge ti lo ti koli, lo zia ala na ndö ti lele si lo kiri na sese ti Ezipte. Lo mu na maboko ti lo keke so Nzapa atene na lo ti mu ni so.

Sigingo 4:3

KOTA GBIA atene: “Bi ni na sese!” Moïse abi keke ni na sese si aga ngbo. So Moïse abaa ngbo ni, lo kpe.

Sigingo 7:8

KOTA GBIA atene na Moïse na Aaron:

Sigingo 9:23

Moïse ayoro keke ti lo na nduzu. KOTA GBIA atokua bekpa na pembe ti bekpa: bekpa asungba na ndö ti sese, na pekoni, KOTA GBIA asara si pembe ti bekpa atuku na ndö ti kodro ti Ezipte.

Ésaïe 7:11

“Mo hunda na KOTA GBIA, Nzapa ti mo mbeni ye so afa atene, ye ni ayeke si biani. Mo hunda titene ye ni alondo yongoro na ndo ti akuâ wala yongoro na nduzu kâ si aga.”

Ezekiel 29:3

Mo tene na lo: Tënë so Kota Gbia NZAPA atene ayeke so: Mbi yeke ga na tere ti mo, Faraon, gbia ti Ezipte. Mo yeke tongana kota sioni nyama so akpa ngunde si alango na ya ti angu ti Nil. Mo tene: ‘Ngu ti Nil ayeke ti mbi; mbi wani laa mbi sara ni.’

Matthieu 12:39

Jésus akiri tënë na ala: “Azo ti fadeso ayeke azo ti sioni, ala ye ti ma yanga ti Nzapa pepe. Ala yeke hunda ti baa mbeni ye ti kpene; me fade ala yeke baa mbeni ye ti kpene oko pepe, gi ye ti kpene so asi ando na wayanga-Nzapa Jonas so alingbi awe.

Jean 10:38

Me tongana mbi yeke sara ni, ataa ala yeda na tënë ti mbi pepe, ayeke nzoni ala yeda na aye so mbi yeke sara si ala hinga so mbi na Babâ, e ga oko.”

Jean 2:18

Amakonzi ti azuife ahunda lo, atene: “Ye ti kpene wa laa mo yeke sara ti fa na e so, Nzapa laa amu na mo lege ti sara ye so?”

Jean 6:30

Ala kiri tënë na lo, atene: “Nyen laa mo yeke sara titene e baa si e ma na be na mo? Ye so mo yeke sara ande ayeke nyen?