Sigingo 7:7 - Mbeti ti Nzapa - Tënë so amu fini

⁷ Na ngoi so Moïse na Aaron ague, atene tënë na Faraon so, ngu ti Moïse ayeke balemiombe, ngu ti Aaron ayeke balemiombe na ota.

Sigingo 7:7 Iomraidhean Croise

Tongo nda ti aye 41:46

Joseph ayeke na ngu baleota na ndembe so lo si na tere ti Faraon, gbia ti Ezipte. Na pekoni, lo sigigi lo tambula na ya ti kodro ti Ezipte kue.

Abia (Psaumes) 90:10

Lango ti fini ti e ayeke si na ngu balembarambara; ti azo so ayeke na ngangu, ayeke si na ngu balemiombe, me ye so e yeke wara daa ayeke pasi na mawa. Ngu ayeke hon hio mingi si e nga, e yeke hon hongo.

Sigingo 2:23

Aninga mingi na pekoni, gbia ti Ezipte akui. Kua ti ngbaa ahon ngangu ti azo ti Israel, ala yeke dema si ala yeke toto; toto ti ala ni asi na Nzapa.

Sigingo 7:8

KOTA GBIA atene na Moïse na Aaron:

Wungo ti azo 33:39

Aaron ayeke na ngu ngbangbo oko na baleuse na ota si lo kui.

Awatokua 7:23

So ngu ti Moïse alingbi baleosio awe, lo leke na be ti lo ti gue ti baa a-ita ti lo, azo ti Israel.

Awatokua 7:30

“Ngu baleosio na pekoni, na ya ti benyama, nduru na hoto ti Sinai, mbeni *ange asi na Moïse na ya ti mbeni wâ so ayeke za na ya ti kete keke ti ki.

Ndia ti fani use ni 29:5

Kobe ti ala ti tengo ni ayeke lani mapa pepe, ngu ti ala ti nyongo ni ayeke vin wala angangu samba pepe. Aye so kue asi titene ala hinga atene, lo yeke KOTA GBIA Nzapa ti ala.

Ndia ti fani use ni 31:2

“Fadeso mbi yeke na ngu ngbangbo oko na baleuse; mbi yeke na ngangu mbeni pepe ti fa lege na ala. *KOTA GBIA atene na mbi: ‘Mo yeke fâ ngu ti Jourdain so pepe.’

Ndia ti fani use ni 34:7

Moïse ayeke na ngu ngbangbo oko na baleuse si lo kui. Me lo de ngangu, le ti lo angba ti baa ndo nzoni mingi.

Josué 24:5

Aninga na pekoni, mbi tokua Moïse na Aaron si mbi sara si akpale nde nde ati na ndö ti azo ti Ezipte. Na pekoni, mbi sara si ala azo ti Israel, ala londo na Ezipte, ala sigigi.