Sigingo 7:3 - Mbeti ti Nzapa - Tënë so amu fini

³ Ti mbi, mbi yeke sara si be ti Faraon akpengba; mbi yeke sara aye ti kpene na aye ti dongo be mingi na kodro ti Ezipte.

Sigingo 7:3 Iomraidhean Croise

Néhémie 9:10

Mo sara aye ti dongo be na aye ti kpene na tere ti Faraon na azo ti kua ti lo, nga na tere ti azo ti kodro ti lo kue, ngbanga ti so mo hinga lege ti sarango ye ti ala so ala sara na baba na tere ti akotara ti e. Mo sara si iri ti mo awu si angba ti wu laso.

Abia (Psaumes) 135:9

Lo sara aye ti kpene na aye ti dongo be na popo ti azo ti mo, Ezipte, na gbia Faraon na azo ti kua ti lo kue.

Abia (Psaumes) 78:12

Na Ezipte, na sese ti Soan, na le ti akotara ti ala, Nzapa asara ye ti kpene:

Sigingo 11:10

Biani, Moïse na Aaron asara aye ti dongo be so kue na le ti Faraon, me KOTA GBIA akpengba be ti lo si lo ke ti zia lege na azo ti Israel ti londo na kodro ti lo ti gue.

Sigingo 11:9

KOTA GBIA atene na Moïse: “Gbia Faraon aye ti ma ala pepe; tongaso si aye ti dongo be so mbi yeke sara awu mingi na Ezipte.”

Sigingo 14:4

Mbi yeke sara titene be ti Faraon akpengba si lo tumba peko ti ala. Tongaso, fade mbi yeke fa gonda ti mbi na ndö ti Faraon nga na ndö ti aturugu ti lo kue. Tongaso si azo ti Ezipte ahinga atene mbi laa mbi yeke KOTA GBIA.” Nilaa azo ti Israel asara ye ni tongaso.

Sigingo 3:20

Tongaso, mbi yeke yoro maboko ti mbi ti pika sese ti Ezipte na lege ti aye ti kpene nde nde. Na pekoni, gbia ni ayeke zia lege na ala titene ala gue.

Sigingo 4:21

KOTA GBIA atene na Moïse: “Na kiringo ti mo na Ezipte, mbi mu na mo ngangu ti sara aye ti dongo be. Fade mo yeke sara ni na dawa ti Faraon. Me ti mbi, mbi yeke sara titene be ti lo akpengba si lo yeke ke ti zia lege na azo ti Israel ti gue.

Sigingo 4:29

Moïse na Aaron ague, abongbi *akangba ti Israel kue.

Sigingo 4:7

KOTA GBIA akiri atene: “Kiri na maboko ti mo ni na ndö ti kate ti mo, na gbe ti bongo ti mo.” Moïse asara ye ni. So lo kiri lo zi ni, maboko ti lo ni akiri aga nzoni.

Sigingo 7:13

Ataa so kue, be ti Faraon angba ti kpengba alingbi na tënë so KOTA GBIA atene. Lo ma Moïse na Aaron pepe.

Sigingo 9:16

Me mbi zia mo, mo ngba na fini titene mbi fa ngangu ti mbi na mo, titene na lege ti mo, azo agonda iri ti mbi na ndö ti sese kue.

Amato 21:1

Tënë ti be ti gbia ayeke na ya ti maboko ti KOTA GBIA tongana kete ngu so ayeke sua. KOTA GBIA ayeke hon na atënë ti be ni na ndo so kue be ti lo wani aye.

Ésaïe 51:9

Zingo, zingo hio si! Maboko ti *KOTA GBIA, mo fa ngangu ti mo! Zingo tongana ti so mo sara ando, tongana ti so mo sara na ngoi ti azo ti giriri. Mo laa mo fâ ando Rahab pepe? Mo laa mo kpo ando kota sioni nyama so akpa ngunde so pepe?

Mishe 7:15

Sara titene e baa aye ti kpene ti mo tongana ti so mo sara ando na ndembe ti sigingo ti e na kodro ti Ezipte.

Jean 4:48

Jésus atene na lo: “Tongana ala baa ye ti kpene na ye ti dongo pepe, fade ala yeke ma na be oko pepe!”

Awatokua 2:22

“Azo ti Israel, ala ma tënë so! Jésus, zo ti Nazaret ayeke mbeni zo so Nzapa afa na le ti ala so ni laa ni tokua lo. Nilaa Nzapa asara akota ye, na aye ti dongo be na aye ti kpene na lege ti lo. Ala wani, ala baa aye ni, ngbanga ti so aye ni kue asi gi na popo ti ala.

Awatokua 7:36

Moïse laa amu azo ni na Ezipte, lo sigigi na ala. Lo sara aye ti kpene na aye ti dongo be na Ezipte, na kota Ngu-bengba nga na ya ti benyama so ala sara ngu baleosio daa.

Rome 15:19

na lege ti aye ti kpene nga na lege ti aye ti dongo be so Yingo-Vuru asara. Tongaso, ti londo na Jérusalem ngbii asi na sese ti Ilirii, mbi tambula ti fa Nzoni Tënë kue ti Christ na azo.

Rome 9:18

Tongaso, Nzapa ayeke baa mawa ti zo so lo ye ti baa mawa ti lo, zo so lo ye ti sara si be ti lo akpengba, lo yeke sara ni.

Ndia ti fani use ni 4:34

Mbeni nzapa nde atara laoko ti gue ti zi azo ti lo na gbe ti mbeni mara nde awe? Oko pepe, me KOTA GBIA Nzapa ti ala, azo ti Israel, ague, azi ala na sese ti Ezipte; ala wani abaa na le ti ala. Lo zi ala na lege ti ngangu ti maboko ti lo nga na lege ti maboko ti lo so lo yoro; na lege ti akota pasi, aye ti kpene na aye ti dongo be, akota ye ti ngangu nga na aye so ayeke zia mbeto na be ti zo.

Ndia ti fani use ni 7:19

ala wani abaa na le ti ala akota pasi, aye ti kpene na aye ti dongo be so KOTA GBIA asara lani. Ala dabe ti ala nga na ngangu ti maboko ti lo nga na maboko ti lo so lo yoro ti sara si ala sigigi na ya ti kodro ni. Fade KOTA GBIA Nzapa ti ala ayeke sara legeoko tongaso na amara nde so kue ala, azo ti Israel, ala ngba ti sara mbeto ti ala so.