Sigingo 7:2 - Mbeti ti Nzapa - Tënë so amu fini

² Atënë so kue mbi mu yanga na mo daa, fade mo yeke tene ni na Aaron, ita ti mo. Na pekoni, lo laa lo yeke tene peko ni na Faraon titene Faraon azia lege na azo ti Israel ti sigigi na ya ti kodro ti lo.

Sigingo 7:2 Iomraidhean Croise

1 Agbia 22:14

Mishe akiri tënë, atene: “*KOTA GBIA ayeke na fini! Tënë so KOTA GBIA ayeke tene na mbi, gi ni laa mbi yeke tene ande!”

Sigingo 4:15

Fade mo yeke tene tënë na lo, mo yeke zia na yanga ti lo tënë so lo lingbi ti tene. Ti mbi, fade mbi yeke na ala use kue na ndembe so ala yeke tene tënë; mbi yeke fa na ala ye so ala lingbi ti sara.

Sigingo 4:16

Lo laa lo yeke tene tënë na iri ti mo na azo; lo yeke tene peko ti tënë ti yanga ti mo na azo. Ti mo, mo yeke duti tongana nzapa ti lo.

Sigingo 5:1

Na pekoni, Moïse na Aaron ague, awara gbia Faraon si ala tene na lo: “Tënë so KOTA GBIA, Nzapa ti Israel atene ayeke so: ‘Zia azo ti mbi ague na benyama si ala sara matanga kâ ti gonda na mbi.’ ”

Sigingo 6:29

lo tene na lo: “Mbi laa mbi yeke KOTA GBIA! Atënë so kue mbi tene na mo so, gue, mo tene peko ni na Faraon, gbia ti Ezipte.”

Sigingo 7:6

Moïse na Aaron asara ye ni tongaso; ala sara ye ni alingbi gi na yanga so KOTA GBIA amu na ala.

Jérémie 1:17

Ti mo, ayeke nzoni mo leke tere ti mo! Londo, mo tene na ala atënë so kue mbi yeke mu yanga na mo ti tene. Ayeke nzoni mbeto ti ala asara mo pepe; tongaso pepe, mbi yeke sara titene mbeto ti ala agbu mo na dawa ti ala.

Jérémie 1:7

Me KOTA GBIA atene na mbi: “Mo tene pepe: ‘Mbi de maseka mingi.’ Fade mo yeke gue na mbage ti azo so kue mbi yeke tokua mo na ala; mo yeke tene na ala atënë so kue mbi mu yanga na mo ti tene.

Ezekiel 3:10

Lo kiri lo tene na mbi: “Molenge ti zo, atënë so kue mbi yeke tene na mo so, mo zi mê ti mo ti ma ni, mo bata atënë ni kue na be ti mo.

Ezekiel 3:17

“Molenge ti zo, mbi zia mo sanziri ndali ti azo ti Israel. Tongana mo ma mbeni tënë na yanga ti mbi, fade mo yeke gboto mê ti ala na iri ti mbi.

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Awatokua 20:27

Biani, aye so kue Nzapa aleke na be ti lo so, mbi fa na ala awe, mbi honde ye oko pepe.

Ndia ti fani use ni 4:2

Tënë so mbi yeke fa na ala, alingbi ala zia mbeni tënë na ndö ni pepe, ala zi nga mbeni tënë na ya ni pepe; me alingbi ala sara ye alingbi na atënë kue ti yanga ti KOTA GBIA Nzapa ti ala.