Sigingo 7:19 - Mbeti ti Nzapa - Tënë so amu fini

¹⁹ KOTA GBIA akiri atene na Moïse: “Tene na Aaron, mo tene: Mu keke ti mo, yoro maboko ti mo na ndö ti angu ti Ezipte, na ndö ti abale, na ndö ti angu so ayeke sua na ya ti adu, na ndö ti angu ti *alende, na ando so kue ngu ayeke daa. Fade angu ni ayeke ga mene. Tongaso fade mene ayeke mu ya ti kodro ti Ezipte kue, ya ti asembe so a sara na keke nga na asembe so a sara na têne.”

Sigingo 7:19 Iomraidhean Croise

Tongo nda ti aye 1:10

Nzapa adi iri ti holengo ndo ni “sese” si lo di iri ti gba ti angu ni “akota ngu-ingo”. Nzapa abaa so ye ni ayeke nzoni.

2 Agbia 4:29

Élisée atene na Gehazi: “Leke tere ti mo; mu keke ti mbi ti wayanga-Nzapa, mo gue! Tongana mo wara mbeni zo na lege, mo bara lo pepe. Tongana mbeni zo abara mo, mo yeda pepe. Fade mo yeke zia keke ti mbi na ndö ti le ti molenge-koli ni.”

Sigingo 10:12

KOTA GBIA atene na Moïse: “Yoro maboko ti mo na ndö ti Ezipte titene agbadola aga amu ya ti kodro ni kue; ala yeke te akugbe ti kasa so kue angba na peko ti pembe ti bekpa so.”

Sigingo 10:21

KOTA GBIA atene na Moïse: “Yoro maboko ti mo na nduzu! Ayeke nzoni ndo avuko pitipiti na ndö ti sese ti Ezipte, vukongo ndo so zo ayeke tatara ndo tatarango daa!”

Sigingo 14:16

Ti mo, mu keke ti mo, mo yoro ni na nduzu na ndö ti kota ngu-ingo; mo kangbi ya ti ngu ni mbage na mbage titene azo ti Israel ahon na popo ni na ndö ti kuru sese.

Sigingo 14:21

Moïse ayoro maboko ti lo na ndö ti kota ngu-ingo. KOTA GBIA atokua mbeni kota pupu ti To so aga aya na ndö ti kota ngu-ingo na bi ni kue si akangbi ya ti kota ngu-ingo ni. Lege azi na ya ni, ndo ni aga kuru sese.

Sigingo 14:26

KOTA GBIA atene na Moïse: “Yoro maboko ti mo na ndö ti kota ngu-ingo titene ngu ni akiri na ndö ti azo ti Ezipte, na ndö ti apusu ti mbarata ti ala nga na ndö ti azo ti kpengo na mbarata ti ala.”

Sigingo 4:9

Tongana ala ke ti yeda na aye ti kpene use so, tongana ala ma yanga ti mo pepe, fade mo to ngu ti Nil, mo tuku na ndö ti kuru sese. Fade ngu ni ayeke ga mene na ndö ti kuru sese ni.”

Sigingo 8:16

KOTA GBIA atene na Moïse: “Kekereke na kota ndaperere, mo londo mo gue, mo luti na dawa ti Faraon na ndembe so lo yeke gue na yanga ti *bale ti Nil. Fade mo tene na lo, mo tene: ‘Tënë so KOTA GBIA atene ayeke so: Zia lege na azo ti mbi titene ala gue, avoro mbi.

Sigingo 9:33

Moïse alondo na ndo ti gbia Faraon nga na ya ti gbata ni, lo sigigi. Lo yoro maboko ti lo na mbage ti KOTA GBIA si lo sambela. Tongaso bekpa na pembe ti bekpa akai; ngu-Nzapa akiri apika pepe.

Ésaïe 19:10

Azo so ayeke kpo bongo, ngangu ayeke na ala pepe; azo so ayeke sara kua ti nginza, be ti ala awoko kue.

Ésaïe 5:25

Ndani laa ngonzo ti *KOTA GBIA alondo tongana wâ na tere ti azo ti lo. Lo yo maboko ti lo na nduzu ti pika ala. Ahoto ayingi, kuâ ti azo ni alango na ndö ti lege tongana zende. Ataa so kue, ngonzo ti KOTA GBIA akai pepe, maboko ti lo angba gi na nduzu.

Habakuk 3:8

KOTA GBIA, be ti mo aso na tere ti akota ngu? Ngonzo ti mo alondo na tere ti akota ngu? Ngonzo ti mo ti wâ alondo na tere ti kota ngu-ingo? Tongana mo ko na ndö ti ambarata ti mo, apusu ti mbarata ti mo ayeke gue na mo ti so benda.