Sigingo 7:16 - Mbeti ti Nzapa - Tënë so amu fini

¹⁶ Mo tene na Faraon, mo tene: ‘KOTA GBIA, Nzapa ti ahebro atokua mbi ti tene na mo, atene: Zia lege na azo ti mbi titene ala gue, avoro mbi na benyama.’ Me mo ye ti ma pepe ngbii asi laso.

Sigingo 7:16 Iomraidhean Croise

Sigingo 10:3

Moïse na Aaron ague na ndo ti Faraon si ala tene na lo: “Tënë so KOTA GBIA, Nzapa ti ahebro atene ayeke so: ‘Mo yeke ke ti sara tere ti mo kete na dawa ti mbi ngbii asi lawa? Zia lege na azo ti mbi titene ala gue, avoro mbi.

Sigingo 13:15

Lani Faraon akpengba be ti lo si lo ke ti zia lege na e ti gue. Tongaso KOTA GBIA afâ akozo molenge-koli kue ti kodro ti Ezipte, akozo molenge-koli ti zo na ti anyama. Ndani laa e yeke ya akozo molenge-koli ti anyama na *sandaga na KOTA GBIA. Me akozo molenge ti e ti koli, e yeke kiri ti vo ala vongo.’

Sigingo 14:5

Azo atene na Faraon, gbia ti Ezipte, atene: “Baa azo ti Israel akpe awe.” Be ti Faraon na be ti akota zo ti gbe ti lo akiri asanze ndali ti azo ni si ala tene: “Nyen laa e sara si e zia lege na azo ti Israel si ala hon so? Ala yeke kiri ti sara kua ti ngbaa na e pepe!”

Sigingo 3:12

Nzapa atene na lo: “Fade mbi yeke na mo. Ye so ayeke fa atene mbi laa mbi tokua mo ayeke so: Tongana mo zi azo ti Israel na sese ti Ezipte mo sigigi na ala, fade mo na ala ayeke voro mbi na ndö ti hoto so.”

Sigingo 3:13

Moïse atene na Nzapa: “Nzoni ma! Fade mbi yeke gue ti wara azo ti Israel si mbi yeke tene na ala: ‘Nzapa ti akotara ti ala atokua mbi na ala’. Me tongana ala hunda mbi, atene: ‘Iri ti lo ayeke nyen?’ Fade mbi yeke tene na ala nyen?”

Sigingo 3:18

“Azo ti Israel ayeke ma ande mo; tongaso mo na akangba, ala yeke gue na ndo ti gbia ti Ezipte si ala yeke tene na lo: ‘KOTA GBIA, Nzapa ti ahebro afa tere ti lo na e. Fadeso, mu na e lango ota, e gue na benyama, e mu *sandaga na KOTA GBIA, Nzapa ti e.’

Sigingo 4:22

Tongaso, fade mo yeke tene na lo: Tënë so KOTA GBIA atene ayeke so: ‘Israel ayeke kozo molenge ti mbi ti koli.

Sigingo 4:23

Mbi mu yanga na mo ti zia lege na lo ti gue ti voro mbi, me mo ke. Ndani laa, mbi yeke fâ kozo molenge ti mo ti koli.’ ”

Sigingo 7:4

Me lo yeke ma ala pepe. Tongaso, mbi yeke fâ ngbanga ti ngangu na ndö ti azo ti Ezipte si mbi yeke zi azo ti mbi, azo ti Israel, na kodro ti Ezipte ti sigigi na ala na lege ti molongo ti amara ti ala oko oko.

Sigingo 8:1

KOTA GBIA atene na Moïse: “Tene na Aaron, mo tene: ‘Yoro maboko ti mo nga na keke ti mo na ndö ti *abale, na ndö ti angu so ayeke sua na ya ti adu nga na ndö ti angu ti *alende; mo sara si akongba asigigi amu ya ti Ezipte kue.’ ”

Sigingo 8:20

KOTA GBIA asara ye ni tongaso: gba ti asioni vuma ali na ya ti yangbo ti gbia Faraon, na ya ti ada ti azo ti gbe ti lo na ti azo ti kodro ti Ezipte kue. Asioni vuma ni abuba kodro ni kue.

Sigingo 9:1

KOTA GBIA atene na Moïse: “Gue na ndo ti Faraon si mo tene na lo, mo tene: ‘Tënë so KOTA GBIA, Nzapa ti ahebro atene ayeke so: Zia lege na azo ti mbi titene ala gue, avoro mbi.

Sigingo 9:13

KOTA GBIA atene na Moïse: “Kekereke na kota ndaperere, mo londo mo gue, mo luti na dawa ti Faraon. Fade mo tene na lo: ‘Tënë so KOTA GBIA, Nzapa ti ahebro atene ayeke so: Zia lege na azo ti mbi titene ala gue, avoro mbi.

Ésaïe 45:13

Mbi laa mbi soro koli so na lege ti mbirimbiri. Alege so kue lo yeke hon daa, mbi yeke sara si aga kpangbara. Lo laa lo yeke kiri ti leke Jérusalem, gbata ti mbi. Azo ti mbi so a gbu ala, a gue na ala na kodro wande, lo laa lo yeke zia lege na ala ti kiri. Ala yeke mu na lo mbeni ye oko pepe, wala ala yeke futa nga lo pepe. Tënë so KOTA GBIA so ayeke na ndö ti dunia kue atene laa.”

Jérémie 50:33

Tënë so KOTA GBIA so ayeke na ndö ti dunia kue atene ayeke so: “Azo ti Israel nga na azo ti Juda, azo asara sana na ala. Azo so lani agbu azo ti Israel na azo ti Juda si ague na ala na kodro wande, azo ni agbanzi ala, ala ke ti zia lege na ala ti gue.