Sigingo 7:14 - Mbeti ti Nzapa - Tënë so amu fini

¹⁴ KOTA GBIA atene na Moïse: “Gbia Faraon angba ti sara ngangu li; lo ke ti zia lege na azo ti Israel ti gue.

Sigingo 7:14 Iomraidhean Croise

Sigingo 10:1

KOTA GBIA atene na Moïse: “Gue na ndo ti Faraon, ngbanga ti so mbi laa mbi sara si li ti lo akpengba, lo na azo ti gbe ti lo titene mbi sara aye ti kpene so na popo ti ala.

Sigingo 10:20

Me KOTA GBIA akpengba be ti Faraon si lo ke ti zia lege na azo ti Israel ti gue.

Sigingo 10:27

Me KOTA GBIA akpengba be ti Faraon si Faraon ake ti zia lege na azo ti Israel ti gue.

Sigingo 10:4

Tongana mo ngba ti ke, kekereke, mbi yeke tokua agbadola na ndö ti sese ti mo.

Sigingo 3:19

Me mbi hinga so gbia ti Ezipte ayeke zia lege na ala pepe titene ala gue, gi tongana a gbu lo na ngangu si.

Sigingo 4:23

Mbi mu yanga na mo ti zia lege na lo ti gue ti voro mbi, me mo ke. Ndani laa, mbi yeke fâ kozo molenge ti mo ti koli.’ ”

Sigingo 7:13

Ataa so kue, be ti Faraon angba ti kpengba alingbi na tënë so KOTA GBIA atene. Lo ma Moïse na Aaron pepe.

Sigingo 7:15

Na kota ndaperere, mo gue, mo wara Faraon na ndembe so lo yeke gue na yanga ti *bale ti Nil. Mo luti mo ku lo na yanga ti ngu ni. Keke so lani aga ngbo so, mo mu ni na maboko ti mo.

Sigingo 8:11

So Faraon abaa atene ye ni aga nzoni kete, lo sara ngangu li. Lo ma Moïse na Aaron pepe, alingbi na tënë so KOTA GBIA atene.

Sigingo 8:15

Azo ti mazi ni atene na Faraon: “So maboko ti Nzapa laa ayeke sara kua so!” Me be ti Faraon angba ti kpengba. Lo ma Moïse na Aaron pepe, alingbi na tënë so KOTA GBIA atene.

Sigingo 8:2

Aaron ayoro maboko ti lo na ndö ti angu ti Ezipte si akongba asigigi amu ya ti kodro ni kue.

Sigingo 9:2

Tongana mo ngba ti ke, tongana mo ngba ti gbanzi ala,

Sigingo 9:34

So Faraon abaa so ngu-Nzapa, pembe ti bekpa na bekpa ni akai awe, lo kiri lo sara gi oko sioni: lo na azo ti gbe ti lo, ala ngba ti sara ngangu li.

Sigingo 9:7

Faraon atokua azo ti gue ti baa ye ni. Na popo ti anyama ti azo ti Israel, mbeni oko akui pepe. Me Faraon angba ti sara ngangu li si lo ke ti zia lege na azo ti Israel ti gue.

Ésaïe 1:20

Me tongana ala ke si ala sara ngangu li, ala yeke kui ande kuâ ti yongoro zeme.” Tënë so asigigi na yanga ti KOTA GBIA laa.

Jérémie 8:5

Biani, azo ti Jérusalem agirisa lege awe; ngbanga ti nyen si ala ngba ngbango na ndö ti sioni lege so ala mu ni so? Ala gbu tënë ti anzapa ti mvene ti ala ni ngangu; ala ke ti kiri na mbi.

Jérémie 9:6

Ndani laa, tënë so KOTA GBIA so ayeke na ndö ti dunia kue atene ayeke so: “Mbi yeke kporo ala na ya ti wâ ti zi sioni ti ala tongana ti so a yeke kporo wen; mbi yeke tara be ti ala. Nyen laa mbi yeke sara na azo ti mbi, nyen?

Zakarii 7:12

Ala kiri akpengba be ti ala ngangu tongana diaman; ala ke ti ma atënë ti ndia na atënë ti KOTA GBIA; atënë so KOTA GBIA so ayeke na ndö ti dunia kue afa na ala na lege ti Yingo ti lo si akozo wayanga-Nzapa afa peko ni so. Tongaso ngonzo agbu KOTA GBIA mingi, lo so lo yeke na ndö ti dunia kue so.

Ndia ti fani use ni 2:30

Me Sihon, gbia ti Heshebon, ake titene e hon na ndo ti lo. Andaa KOTA GBIA Nzapa ti ala, azo ti Israel asara lani si li ti lo akpengba si be ti lo akpengba, tongaso si lo lingbi ti zia lo na maboko ti ala; nilaa ye ni asi lani tongaso.

Ahebro 12:25

Ala sara hange! Zo so ayeke tene tënë na ala, ala ke ti ma tënë ti lo pepe. Ando na sese so, azo ti Israel awara sioni, ngbanga ti so ala ke ti ma tënë ti zo so ayeke fa na ala peko ti tënë ti yanga ti Nzapa, ti gboto mê ti ala. Ti e, tongana e ke lo so alondo na yayu si ayeke tene tënë na e, fade e yeke kpe ngbanga ti Nzapa tongana nyen?

1 Samuel 6:6

Ngbanga ti nyen laa ala ye ti kpengba be ti ala tongana ti Faraon na azo ti Ezipte ando so? Ala dabe ti ala na ye so Nzapa asara na ala ngbii si ala zia lege na azo ti Israel ti gue so!