Sigingo 7:11 - Mbeti ti Nzapa - Tënë so amu fini

¹¹ Me gbia Faraon airi azo ti hingango nda ti aye nga na anganga; azo ti mazi ti Ezipte so asara gi mara ti ye so na lege ti mazi ti ala.

Sigingo 7:11 Iomraidhean Croise

Tongo nda ti aye 41:8

So ndo ahan awe, be ti Faraon agi lo mingi. Tongaso lo tokua titene a iri azo ti nganga kue ti Ezipte nga na azo ti ndara. Lo fa peko ti abango-li ti lo ni na ala, me zo oko ti fango na lo nda ni ayeke daa pepe.

Sigingo 7:12

Zo oko oko abi keke ti lo na sese si keke ni aga ngbo. Me keke ti Aaron amene akeke ti ala kue.

Sigingo 7:22

Me azo ti mazi ti Ezipte asara gi mara ti ye so na lege ti mazi ti ala. Be ti Faraon angba ti kpengba, lo ma Moïse na Aaron pepe, alingbi na tënë so KOTA GBIA atene.

Sigingo 8:18

Me na lango ni so, fade mbi yeke sara si ti sese ti Goshen, ye ni ayeke duti nde: ndo so azo ti mbi aduti daa so, asioni vuma ni ayeke si kâ pepe. Tongaso si mo hinga, mo tene, mbi KOTA GBIA, mbi yeke na ya ti kodro so.

Sigingo 8:3

Me azo ti mazi ti Ezipte asara gi mara ti ye so na lege ti mazi ti ala. Ala nga asara si akongba asigigi amu ya ti kodro ni kue.

Sigingo 8:7

Fade akongba ni ayeke londo na ndo ti mo nga na ya ti yangbo ti mo ti hon; ala yeke londo na ndo ti azo ti gbe ti mo nga na ndo ti azo ti kodro ti mo ti hon. Ala yeke ngba gi na ya ti bale ti Nil.”

Daniel 2:2

Tongaso lo mu yanga titene a iri azo ti nganga, azo ti mazi, azo ti yoro na azo nde nde so ayeke baa nda ti aye. Lo iri ala titene ala fa na lo bango-li so lo baa so. So ala si awe, ala gue na dawa ti gbia

Daniel 2:27

Daniel akiri tënë na lo, atene: “Ye ti ndima so gbia ayeke tene tënë ni so, ataa azo ti nganga, ataa azo ti mazi, ataa azo ti yoro, azo ti bango nda ti aye, ala lingbi ti fa ni pepe.

Daniel 4:6

‘Beltasar, mo yeke makonzi na li ti azo ti bango nda ti aye kue; mbi hinga, mbi tene, yingo ti anzapa so ayeke nde si ayeke nzoni kue asi mo singo; mbeni ye ti ndima akara mo pepe. Mbi baa li ti mbi, ayeke nzoni mo fa na mbi nda ni.

Daniel 5:11

Na ya ti kodro ti mo so, mbeni koli ayeke daa so yingo ti anzapa so ayeke nde si ayeke nzoni kue asi lo singo. Lani so babâ ti mo angba gbia, azo abaa lo tongana zo so le ti lo ahan mingi, so ahinga ye mingi si ayeke na ndara tongana anzapa. Ndani laa, babâ ti mo Nabukodonosor azia lo makonzi na li ti azo ti nganga, azo ti yoro, azo ti mazi na azo ti bango nda ti aye.

Daniel 5:7

Lo dekongo ngangu si lo mu yanga titene azo airi azo ti nganga ti Babilone, azo ti mazi, azo ti yoro na azo ti bango nda ti aye ti ga. So azo ti bango nda ti aye ni aga awe, gbia atene na ala, atene: “Zo so ayeke diko mbeti so si lo fa na mbi nda ni, fade a yeke yu na lo bongo ti agbia so abe bengo; a yeke zia na go ti lo ye ti go so ayeke na lôro si lo yeke duti oko ti akota zo ota ti ya ti govoroma ti kodro ni.”

Matthieu 24:24

Biani, fade amesii ti mvene na awayanga-Nzapa ti mvene ayeke ga si ala yeke sara akota ye ti kpene na aye ti dongo be ti handa na azo. Tongana lege ayeke daa, ataa azo so Nzapa asoro ala, ala yeke handa ala.

Galasii 3:1

Ala azo ti Galasii, so buba ti nyen? Zo wa laa aturne li ti ala, zo wa? Andaa, a fa na ala polele tënë ti kuâ ti Christ na ndö ti keke ti kroa!

Efeze 4:14

Fade e yeke kiri ti duti tongana akete molenge pepe so *mapo ti atënë nde nde ayingi ala, so pupu ti azo ti mvene nga na fango ye ti ala na lege ti mayere ahon na ala kirikiri tongana ngo na le ti ngu.

2 Tesalonike 2:9

Na gango ti Zo ti sioni so, fade Satan ayeke sara aye ti ngangu nde nde: Zo ti sioni ayeke sara akota ye, aye ti kpene na aye ti dongo be ti handa na azo.

2 Timothée 3:8

Azo ni so ake taa-tënë gi tongana ti so Yanes na Yambres ake ando tënë ti Moïse. Li ti azo ni so aga kirikiri si mabe ti ala ayeke ye oko pepe.

2 Timothée 3:9

Me fade ala yeke gue yongoro pepe, ngbanga ti so azo kue ayeke hinga buba ti ala tongana ti so azo ahinga ando buba ti Yanes na Yambres so.

Aye so Nzapa afa 19:20

A gbu nyama ni na wayanga-nzapa ti mvene so asara aye ti kpene na dawa ti lo so. Na lege ti aye ti kpene laa lo wara lege ti handa azo so awara nzoroko ti nyama ni si avoro limo so akpa nyama ni so. A mu ala use kue si a bi ala na fini le ti ala na le ti kota wâ ti *sufre.

1 Samuel 6:2

Azo ti Filistii airi awayango-sandaga na azo ti bango nda ti aye si atene na ala: “Nyen laa e lingbi ti sara na sanduku ti mbuki ti KOTA GBIA so? Ala fa na e lege so e lingbi ti kiri na ni na ndo so lani ayeke daa.”