Sigingo 7:10 - Mbeti ti Nzapa - Tënë so amu fini

¹⁰ Moïse na Aaron ague na ndo ti Faraon si ala sara ye ni gi tongana ti so KOTA GBIA amu yanga na ala. Aaron abi keke ti lo na dawa ti Faraon nga na dawa ti azo ti gbe ti lo si keke ni aga ngbo.

Sigingo 7:10 Iomraidhean Croise

Abia (Psaumes) 135:9

Lo sara aye ti kpene na aye ti dongo be na popo ti azo ti mo, Ezipte, na gbia Faraon na azo ti kua ti lo kue.

Sigingo 12:28

Na pekoni, ala kiri si ala to nda ti sara ye ni; ala sara ni alingbi gi na yanga so KOTA GBIA amu lani na Moïse na Aaron.

Sigingo 4:3

KOTA GBIA atene: “Bi ni na sese!” Moïse abi keke ni na sese si aga ngbo. So Moïse abaa ngbo ni, lo kpe.

Sigingo 7:15

Na kota ndaperere, mo gue, mo wara Faraon na ndembe so lo yeke gue na yanga ti *bale ti Nil. Mo luti mo ku lo na yanga ti ngu ni. Keke so lani aga ngbo so, mo mu ni na maboko ti mo.

Sigingo 7:20

Moïse na Aaron asara tongana ti so KOTA GBIA amu yanga na ala. Aaron ayoro keke ti lo na nduzu si na le ti Faraon na azo ti gbe ti lo, lo pika ngu ti Nil si ngu ni kue aga mene.

Sigingo 7:6

Moïse na Aaron asara ye ni tongaso; ala sara ye ni alingbi gi na yanga so KOTA GBIA amu na ala.

Sigingo 7:9

“Tongana Faraon ahunda na ala ti sara mbeni ye ti dongo be, fade mo Moïse, mo tene na Aaron ti mu keke ti lo, ti bi na sese na dawa ti Faraon; fade keke ni ayeke ga ngbo.”

Amos 9:3

Tongana ala gue, ahonde tere ti ala na li ti hoto ti Karmel, mbi yeke gue ti gi ala si mbi yeke gboto ala kâ. Tongana ala linda na gbe ti kota ngu-ingo titene le ti mbi abaa ala pepe, mbi yeke tokua sioni ngbo ti gue ti te ala kâ.

Marc 16:18

ala yeke gbu angbo na maboko ti ala wala ala yeke nyon sioni yoro, me sioni ye oko ayeke si na ala pepe; ala yeke zia maboko ti ala na ndö ti azo ti kobela si kobela ti azo ni ayeke kai.”

Nzoni Tënë so Luc asu na mbeti 10:19

Ala ma! Mbi mu na ala ngangu ti do angbo na akparakongo na gere ti ala; mbi mu nga na ala ngangu ti hon ndö ti wato. Mbeni ye ti sarango sioni na ala ayeke daa pepe.