Sigingo 6:8 - Mbeti ti Nzapa - Tënë so amu fini

⁸ Na pekoni, mbi yeke sara titene ala li na ya ti kodro so mbi deba yanga ti mbi ti mu na Abraham, na Isaac nga na Jacob. Mbi yeke mu kodro ni na ala, azo ti Israel titene aga ti ala. Mbi laa mbi yeke KOTA GBIA!’ ”

Sigingo 6:8 Iomraidhean Croise

Tongo nda ti aye 14:22

Abram akiri tënë na lo, atene: “Baa, maboko ti mbi so mbi yeke yoro na mbage ti KOTA GBIA, Nzapa so ayeke na yayu kâ na ndö ti aye kue, lo so lo sara yayu na sese so.

Tongo nda ti aye 15:18

Gi na lango ni so KOTA GBIA asara *mbuki na popo ti lo na Abram, lo tene: “Mbi yeke mu ande kodro so na ahale ti mo. Kodro ni ayeke londo na ngu ti Ezipte ague ngbii asi na *bale ti Efrate.

Tongo nda ti aye 26:3

Mo duti na kodro ni; mbi yeke ande na mo si mbi yeke sara tufa na ndö ti mo, ngbanga ti so mbi yeke mu asese so kue na mo na *ahale ti mo. Mbi yeke sara ye alingbi na tënë ti yanga ti mbi so mbi deba na babâ ti mo Abraham so.

Tongo nda ti aye 28:13

KOTA GBIA ayeke luti nduru na Jacob si atene na lo: “Mbi yeke KOTA GBIA, Nzapa ti babâ ti mo Abraham na Nzapa ti Isaac. Sese so mo yeke lango daa so, fade mbi yeke mu na mo, na *ahale ti mo.

Tongo nda ti aye 35:12

Sese so mbi mu na Abraham na Isaac, mbi yeke mu ni na mo, na *ahale ti mo so a yeke du ala na peko ti mo.”

Néhémie 9:15

Tongana nzara asara ala, mo mu na ala kobe so alondo na yayu titene ala te. Tongana nzara ti ngu asara ala, mo sara si ngu asigigi na ya ti têne si ala nyon. Mo tene na ala ti gue ti mu sese so mo yoro ando maboko ti mo na nduzu, mo deba yanga ti mo ti mu na ala titene aga ti ala.

Sigingo 13:5

Tongana KOTA GBIA asara si ala si na kodro ti azo ti Kanaan, azo ti mara ti Het, ti Amori, ti Hivi nga na ti azo ti Yebus, fade ala yeke sara matanga so na ya ti nze so. Kodro so KOTA GBIA adeba yanga ti lo na akotara ti ala ti mu ni na ala laa; ngu ti me ti bagara na mafuta ti wotoro asi singo daa.

Sigingo 32:13

Dabe ti mo na azo ti kua ti mo Abraham, Isaac na Jacob, ala so mo wani, mo deba yanga ti mo na ala, mo tene: ‘Fade mbi yeke sara titene *ahale ti ala awu tongana atongoro ti le ti nduzu. Sese so mbi mu zendo ni na ala, fade mbi yeke mu ni na ahale ti ala si aga ye ti ala kpu na kpu.’ ”

Sigingo 6:2

Nzapa akiri atene na Moïse: “Mbi laa mbi yeke KOTA GBIA.

Sigingo 6:4

Na pekoni, mbi sara *mbuki na ala; mbi mu zendo ti mu na ala sese ti Kanaan so ala duti ando daa tongana awande.

Sigingo 6:6

Ndani laa, fade mo yeke tene na azo ti Israel, mo tene: ‘Mbi laa mbi yeke KOTA GBIA. Mbi yeke zi ala na gbe ti akua ti ngbaa ti Ezipte; mbi yeke zi ala na gbe ti ngbaa so azo ti Ezipte azia ala daa. Mbi yeke yoro maboko ti mbi si mbi yeke fâ ngbanga ti ngangu na ndö ti azo ti Ezipte si mbi yeke zi ala, azo ti Israel.

Ezekiel 20:15

Na benyama, mbi yoro lani maboko ti mbi na nduzu, mbi deba yanga ti mbi, mbi tene: kodro so mbi mu na ala si ayeke pendere ahon akodro kue, kodro so ngu ti me ti bagara na mafuta ti wotoro asi singo daa so, mbi yeke gue na ala na ya ni pepe.

Ezekiel 20:23

Na benyama, mbi kiri mbi yoro maboko ti mbi na nduzu, mbi deba yanga ti mbi na ala, mbi tene: fade mbi yeke kangbi ala na popo ti amara, mbi yeke kangbi ala na ya ti akodro wande.

Ezekiel 20:28

Mbi sara si ala li na kodro so mbi yoro lani maboko ti mbi na nduzu, mbi deba yanga ti mbi ti mu na ala. Na ya ti kodro ni, le ti ala agi ndo so akete hoto kue ayeke daa nga na akeke so gba ti akugbe ayeke daa. Kâ laa, ala mu asandaga ti ala, ala mu amatabisi ti ala ti gingo na yanga ti mbi, ala mu asandaga so fion ni afun nzoni nga na sandaga ti samba.

Ezekiel 20:42

Fade mbi yeke mu ala, mbi kiri na ala na sese ti Israel, sese so mbi yoro maboko ti mbi na nduzu, mbi deba yanga ti mbi ti mu na akotara ti ala. Tongaso, fade ala yeke hinga atene, mbi laa mbi yeke KOTA GBIA.

Ezekiel 36:7

Ndani laa, tënë so mbi Kota Gbia NZAPA, mbi tene ayeke so: Mbi yoro maboko ti mbi na nduzu, mbi deba yanga ti mbi, mbi tene: Amara nde so angoro ala, ala laa kamene ni ayeke kiri ti gbu le ti ala.

Ezekiel 47:14

Ala yeke kangbi sese ni na popo ti ala; zo oko oko ayeke wara alingbi na ti mba ti lo. Biani, mbi yoro ando maboko ti mbi na nduzu, mbi deba yanga ti mbi ti mu sese ni na akotara ti ala. Tongaso sese ni ayeke ga ye ti ala.

Wungo ti azo 10:29

Moïse atene na Hobab, molenge ti kogara ti lo Reuel, zo ti mara ti Madian, atene: “E yeke gue fadeso na kodro so *KOTA GBIA amu zendo ti mu na e so. Ga, e na mo, e gue; fade mo nga, mo yeke wara mbeni mbage ti anzoni ye so KOTA GBIA atene tënë ti mungo ni na azo ti Israel.”

Wungo ti azo 11:12

Mbi laa, mbi mu ngo ti azo so kue? Mbi laa mbi du ala? Si mo tene na mbi: yo ala tongana ti so mama ti molenge ayeke yo kete molenge ti lo ti mu me na lo; mo yo ala ngbii asi na sese so mbi mu na akotara ti ala na lege ti zendo so.

Wungo ti azo 14:30

Mbi deba yanga ti mbi lani ti mu na ala kodro ni titene ala duti daa. Mbi deba yanga ti mbi awe, fade ala yeke li na ya ti kodro ni pepe, gi Kaleb, molenge ti Yefune na Josué, molenge ti Nune.

Wungo ti azo 23:19

Nzapa ayeke zo pepe titene lo tene mvene, lo yeke senge zo ti sese pepe ti duti na yanga use use. Tënë so lo tene, fade lo yeke sara ni pepe? Tënë so lo tene, fade lo yeke sara ye ti peko ni pepe?

Ndia ti fani use ni 32:40

Biani, mbi yoro maboko ti mbi na nduzu, mbi deba, mbi tene: Fini ti mbi kpu na kpu!

Ndia ti fani use ni 4:31

Biani, KOTA GBIA Nzapa ti ala ayeke Nzapa so ayeke baa mawa ti zo. Fade lo yeke zia ala pepe, lo yeke hunzi ala pepe; mbuki so lo deba yanga ti lo ti sara na akotara ti ala, be ti lo ayeke girisa na ni pepe.

Josué 24:13

Mbi mu na ala azo ti Israel, mbeni sese so ala baa pasi si awara ni pepe. Mbi mu na ala agbata so ala laa aleke ni pepe, me ala yeke lango daa. Mbi mu na ala ayaka ti vinye na akeke ti olive so ala laa alu ni pepe, me ala yeke te ale ni.’ ”

Aye so Nzapa afa 10:6

si lo deba yanga ti lo na iri ti Nzapa so ayeke na fini kpu na kpu, lo so lo sara yayu na aye ti ya ni kue, sese na aye ti ndö ni kue, kota ngu-ingo na aye ti ya ni kue. Ange ni atene: “Alingbi ti zia mbeni ngoi na ndö ni pepe!

1 Samuel 15:29

Kota Gbia, lo so lo yeke gonda ti Israel ayeke tene mvene pepe. Lo yeke zo pepe titene lo kiri na peko na ndö ti tënë ti lo.”