Sigingo 6:7 - Mbeti ti Nzapa - Tënë so amu fini

⁷ Mbi yeke sara titene ala, azo ti Israel, ala ga azo ti mbi si mbi yeke duti Nzapa ti ala. Ala yeke hinga atene, mbi laa mbi yeke KOTA GBIA, Nzapa ti ala, lo so lo zi ala na gbe ti angangu kua ti Ezipte.

Sigingo 6:7 Iomraidhean Croise

Tongo nda ti aye 26:3

Mo duti na kodro ni; mbi yeke ande na mo si mbi yeke sara tufa na ndö ti mo, ngbanga ti so mbi yeke mu asese so kue na mo na *ahale ti mo. Mbi yeke sara ye alingbi na tënë ti yanga ti mbi so mbi deba na babâ ti mo Abraham so.

Tongo nda ti aye 28:13

KOTA GBIA ayeke luti nduru na Jacob si atene na lo: “Mbi yeke KOTA GBIA, Nzapa ti babâ ti mo Abraham na Nzapa ti Isaac. Sese so mo yeke lango daa so, fade mbi yeke mu na mo, na *ahale ti mo.

1 Agbia 20:28

Wayanga-Nzapa akiri aga abaa Akab, gbia ti Israel, lo tene: “Tënë so KOTA GBIA atene ayeke so: ‘Ndali ti so azo ti Sirii atene mbi KOTA GBIA, mbi yeke Nzapa ti ahoto, me Nzapa ti kpangbara sese pepe, fade mbi yeke zia gba ti azo so na maboko ti mo. Tongaso si ala azo ti Israel, ala hinga atene, mbi yeke KOTA GBIA.’ ”

1 Agbia 8:60

Tongaso si fade amara ti ndö ti sese kue ahinga atene, KOTA GBIA oko laa ayeke Nzapa, mbeni Nzapa nde ayeke daa pepe.

Néhémie 1:10

KOTA GBIA, e yeke azo ti kua ti mo, e yeke azo ti mo! E laa mo zi e na gbe ti ngbaa na lege ti kota ngangu ti mo nga na lege ti ngangu ti maboko ti mo.

Abia (Psaumes) 100:3

Ayeke nzoni ala hinga atene, KOTA GBIA ayeke Nzapa. Lo laa lo sara e si e yeke azo ti lo. E yeke azo ti lo, e yeke tongana ataba ti lo so lo yeke bata ala.

Abia (Psaumes) 81:6

mbeni tënë ti ndia so Nzapa alu ndali ti sewa ti Joseph na ndembe so lo gue ti tiri bira na azo ti Ezipte. Mbi ma mbeni go so mbi hinga ni pepe, atene:

Sigingo 13:14

Gbanda, tongana amolenge ti ala ahunda ala, atene: ‘Nda ti ye so ala sara so ayeke nyen?’ Fade ala kiri tënë na ala, atene: ‘Na ngangu ti maboko ti KOTA GBIA, lo sara si e sigigi na Ezipte, ndo so lani e yeke angbaa daa so.

Sigingo 13:3

Moïse atene na azo ni, atene: “Lango so lani ala sigigi na sese ti Ezipte, ndo so ala yeke angbaa daa so, ala dabe ti ala na ni! Biani, na lege ti ngangu ti maboko ti KOTA GBIA, lo zi ala, lo sigigi na ala na ya ti kodro ni. Mapa so a sara na mama ni, fade ala te ni pepe.

Sigingo 14:18

Tongana mbi fa gonda ti mbi na ndö ti Faraon, na ndö ti apusu ti mbarata ti lo nga na ndö ti azo ti kpengo na mbarata ti lo, fade azo ti Ezipte ayeke hinga atene, mbi laa mbi yeke KOTA GBIA.”

Sigingo 14:4

Mbi yeke sara titene be ti Faraon akpengba si lo tumba peko ti ala. Tongaso, fade mbi yeke fa gonda ti mbi na ndö ti Faraon nga na ndö ti aturugu ti lo kue. Tongaso si azo ti Ezipte ahinga atene mbi laa mbi yeke KOTA GBIA.” Nilaa azo ti Israel asara ye ni tongaso.

Sigingo 15:16

Mbeto na kota mbeto agbu ala. KOTA GBIA, so ala baa ngangu ti maboko ti mo, mbeto ahon ndö ti ala si tënë ahunzi na yanga ti ala, ngbii azo ti mo ahon na mbage ti ngu ni; azo ti mo so mo vo ala so.

Sigingo 15:2

KOTA GBIA ayeke ngangu ti mbi, mbi yeke he bia na lo. Lo laa lo soo mbi! Lo yeke Nzapa ti mbi, mbi yeke sepela lo! Lo yeke Nzapa ti babâ ti mbi, mbi ye ti he bia ti fa kota ti lo.

Sigingo 16:12

“Mbi ma kasango ndo ti azo ti Israel. Tene na ala, mo tene: ‘Na lakui so, fade ala yeke te nyama, kekereke na ndaperere, ala yeke te mapa ya ti ala asi si ala hinga atene, mbi laa mbi yeke KOTA GBIA, Nzapa ti ala.’ ”

Sigingo 16:6

Moïse na Aaron atene na azo ti Israel kue, atene: “Na lakui so, ala yeke hinga atene, KOTA GBIA laa azi ala na Ezipte asigigi na ala.

Sigingo 2:11

So Moïse aga koli awe, mbeni lâ, lo gue na mbage ti a-ita ti lo si lo baa angangu kua so a mu na ala ti sarango ni. Lo baa nga mbeni zo ti Ezipte so ayeke pika mbeni hebro, mbeni ita ti Moïse ni.

Sigingo 6:6

Ndani laa, fade mo yeke tene na azo ti Israel, mo tene: ‘Mbi laa mbi yeke KOTA GBIA. Mbi yeke zi ala na gbe ti akua ti ngbaa ti Ezipte; mbi yeke zi ala na gbe ti ngbaa so azo ti Ezipte azia ala daa. Mbi yeke yoro maboko ti mbi si mbi yeke fâ ngbanga ti ngangu na ndö ti azo ti Ezipte si mbi yeke zi ala, azo ti Israel.

Sigingo 7:17

Tënë so KOTA GBIA atene ayeke so: ye so ayeke fa ti hinga atene mbi yeke KOTA GBIA ayeke so: mbi yeke pika ngu ti Nil na keke so ayeke na maboko ti mbi so si ngu ni ayeke ga mene.

Ésaïe 41:20

Tongaso, fade azo kue ayeke baa, azo kue ayeke hinga, ala kue ayeke ma ya ni atene, aye so kue, maboko ti KOTA GBIA laa asara ni, Nzapa ti Israel so ayeke nde si ayeke nzoni kue.

Ésaïe 49:23

Agbia ayeke ga ababâ ti batango ala, amolenge ti agbia ti wali ayeke ga amama ti batango ala. Agbia ni ayeke kuku, akpo li ti ala na sese na dawa ti mo, ala yeke su sese so ayeke na tere ti gere ti mo. Tongaso fade mo yeke hinga, mo tene: mbi yeke KOTA GBIA; azo so azia be ti ala na ndö ti mbi, kamene ayeke gbu le ti ala pepe.”

Ésaïe 49:26

Azo so asara ngangu na mo, mbi yeke sara titene ala te kasa ti tere ti ala wani, ala yeke nyon mene ti ala si ahon ndö ti ala tongana zo so anyon fini vin si ahon ndö ti lo. Tongaso, fade azo kue ayeke hinga atene, mbi yeke KOTA GBIA, wasongo mo, wazingo mo, mbi, ngangu Nzapa ti Jacob!”

Ésaïe 51:15

Mbi laa mbi yeke KOTA GBIA, Nzapa ti ala. Mbi yeke yingi le ti kota ngu-ingo; mbi yeke sara si *amapo ni atoto. Iri ti mbi ayeke KOTA GBIA so ayeke na ndö ti dunia kue.

Ésaïe 60:16

Fade mo yeke nyon ngu ti me ti bagara ti amara nde, mo yeke te anzoni ye ti agbia ti ala. Tongaso, fade mo yeke hinga, mo tene, mbi KOTA GBIA laa mbi yeke wasongo mo, wazingo mo, ngangu Nzapa ti Jacob.

Ésaïe 63:8

Lo tene tënë ti azo ti Israel, lo tene: “Biani, ala yeke azo ti mbi; amolenge ti mbi so alingbi ti handa mbi pepe.” Lo laa lo yeke wasongo ala.

Jérémie 30:22

Fade ala yeke duti azo ti mbi si mbi yeke duti Nzapa ti ala.”

Jérémie 31:33

So tënë ti yanga ti KOTA GBIA laa: Na peko ti alango ni so, mbuki so mbi na azo ti Israel e yeke sara ni ayeke so: mbi yeke su andia ti mbi taa na ya ti be ti ala, mbi yeke su ni na ndö ti be ti ala; mbi yeke duti Nzapa ti ala si ala yeke duti azo ti mbi.

Ezekiel 20:19

Mbi laa mbi yeke *KOTA GBIA, Nzapa ti ala! Ala sara ye na lege ti andia nga na lege ti asarango ye so mbi fa; ala sara ye alingbi na ni.

Awayango-sandaga 11:44

Mbi laa mbi yeke KOTA GBIA Nzapa ti ala: alingbi ala sara ye tongana azo so ayeke nde si ayeke nzoni kue, ngbanga ti so mbi yeke nde si mbi yeke nzoni kue. Akete nyama so ayeke gbani na ndö ti sese, alingbi ala ga *sioni ndali ti ala pepe.

Awayango-sandaga 11:45

Biani, mbi KOTA GBIA laa, mbi sara si ala sigigi na kodro ti Ezipte titene mbi duti Nzapa ti ala. Tongaso, ayeke nzoni ala duti azo so ayeke nde si ayeke nzoni kue, ngbanga ti so mbi yeke nde si mbi yeke nzoni kue.”

Zakarii 13:9

Fade mbi yeke mu ota mbage ti azo so angba na fini so, mbi yeke hon na ala na le ti wâ ti zi sioni ye na tere ti ala tongana ti so a yeke kporo wen ti nginza na ya ti wâ ti zi sioni ye na tere ni. Mbi yeke tara ala ti zi sioni ye na tere ti ala tongana ti so a yeke tara lôro na le ti wâ ti zi sioni ye na tere ni. Fade ala yeke iri mbi ti mu maboko na ala; ti mbi, mbi yeke ma ala. Mbi yeke tene: ‘Ala yeke azo ti mbi’, ala yeke tene: ‘KOTA GBIA ayeke Nzapa ti e.’ ”

Wungo ti azo 15:41

Mbi yeke KOTA GBIA Nzapa ti ala; mbi laa mbi sara si ala sigigi na kodro ti Ezipte titene mbi duti Nzapa ti ala. Mbi yeke KOTA GBIA Nzapa ti ala.”

Matthieu 22:32

‘Mbi laa mbi yeke Nzapa ti Abraham, Nzapa ti Isaac na Nzapa ti Jacob.’ ” Jésus akiri atene: “Nzapa ayeke Nzapa ti akuâ pepe, me lo yeke Nzapa ti azo so ayeke na fini.”

Rome 8:31

Tongaso, fade e yeke tene nyen na ndö ti tënë so? Tongana Nzapa ayeke na e, zo wa laa alingbi ti ke e?

Ndia ti fani use ni 14:2

Biani, ala yeke azo ti mara so a zia ala nde ndali ti KOTA GBIA Nzapa ti ala. Na popo ti amara ti sese kue, gi ala laa KOTA GBIA Nzapa ti ala asoro ala titene ala ga azo ti lo wani.

Ndia ti fani use ni 26:18

Laso KOTA GBIA asara si ala mu zendo so, atene: fade ala yeke duti azo ti lo wani, ala yeke sara ye alingbi na atënë ti ndia ti lo kue.

Ndia ti fani use ni 29:12

Tongaso si ala ga azo ti lo laso si lo ga Nzapa ti ala alingbi na zendo so lo mu na ala nga na dengo ba ti yanga ti lo so lo de na akotara ti ala Abraham, Isaac na Jacob.

Ndia ti fani use ni 29:13

Mbuki so mbi hunda na ala ti yeda na ni na lege ti dengo ba ti yanga ti ala so ayeke gi ndali ti ala oko pepe;

Ndia ti fani use ni 29:5

Kobe ti ala ti tengo ni ayeke lani mapa pepe, ngu ti ala ti nyongo ni ayeke vin wala angangu samba pepe. Aye so kue asi titene ala hinga atene, lo yeke KOTA GBIA Nzapa ti ala.

Ndia ti fani use ni 4:20

Me ti ala, azo ti Israel, KOTA GBIA amu ala, lo sara si ala sigigi na sese ti Ezipte, ndo so ala baa pasi daa tongana ti zo so ayeke na ya ti kota fur. Lo sara si ala ga azo ti lo wani, tongana ti so ala yeke laso.

Ndia ti fani use ni 7:6

Biani, ala azo ti Israel, ala yeke azo so a zia ala nde ndali ti KOTA GBIA Nzapa ti ala. Ala yeke azo so lo soro ala na popo ti amara kue ti sese ti ga azo ti lo wani.

Ahebro 11:16

Me kodro so nzara ni ayeke sara ala so ayeke kodro so ayeke nzoni ahon atanga ni kue, so ti tene kodro ti yayu. Ndani laa kamene asara Nzapa pepe titene ala iri lo Nzapa ti ala. Biani, lo leke mbeni gbata ndali ti ala.

1 Pierre 2:10

Ando, ala yeke azo ti Nzapa pepe, me fadeso ala ga azo ti lo awe. Ando, Nzapa abaa mawa ti ala pepe, me fadeso lo baa mawa ti ala awe.

Aye so Nzapa afa 21:3

Mbi ma mbeni kota go so alondo na mbage ti mbata ti gbia ni, atene: “Fadeso, da so Nzapa aduti daa asi na popo ti azo awe! Lo yeke sara kodro na ala, ala yeke duti amara ti lo. Lo wani, lo yeke duti na ala, lo yeke duti Nzapa ti ala.

Aye so Nzapa afa 21:7

Zo so aso benda, fade mbi yeke mu aye so na lo; mbi yeke duti Nzapa ti lo si lo yeke duti molenge ti mbi.