Sigingo 6:4 - Mbeti ti Nzapa - Tënë so amu fini

⁴ Na pekoni, mbi sara *mbuki na ala; mbi mu zendo ti mu na ala sese ti Kanaan so ala duti ando daa tongana awande.

Sigingo 6:4 Iomraidhean Croise

Tongo nda ti aye 12:7

KOTA GBIA asi na Abram si lo tene na Abram, lo tene: “Mbi yeke mu ande kodro so na *ahale ti mo.” Abram aleke mbeni gbalaka na ndo so ndali ti KOTA GBIA so asi na lo.

Tongo nda ti aye 15:13

KOTA GBIA atene na Abram: “Ayeke nzoni mo hinga so ahale ti mo ayeke gue ande ti duti na mbeni kodro so ayeke ti ala pepe. Fade azo ayeke mu ala na ngbaa si azo ni ayeke sara pasi na ala na ya ti ngu ngbangbo osio.

Tongo nda ti aye 15:18

Gi na lango ni so KOTA GBIA asara *mbuki na popo ti lo na Abram, lo tene: “Mbi yeke mu ande kodro so na ahale ti mo. Kodro ni ayeke londo na ngu ti Ezipte ague ngbii asi na *bale ti Efrate.

Tongo nda ti aye 17:13

Ngbaa so a du lo na da ti ala, na lo so a vo lo vongo na nginza, alingbi a fâ ala na ganza. Tongaso si nzoroko ti mbuki ti mbi ayeke ngba na tere ti ala; mbuki so ayeke ngba kpu na kpu.

Tongo nda ti aye 17:4

“Ti mbi, mbuki so mbi leke ndali ti mbi na mo ayeke so: fade mo yeke ga babâ ti azo ti amara mingi mingi.

Tongo nda ti aye 23:4

“Mbi yeke wande so aduti na popo ti ala, mbi yeke wande so aga ndali ti mbeni kete ngoi. Ayeke nzoni ala mu na mbi mbeni sese ti ala titene mbi lu kuâ ti wali ti mbi daa, wali ti mbi so ahon na tere ti mbi so.”

Tongo nda ti aye 26:3

Mo duti na kodro ni; mbi yeke ande na mo si mbi yeke sara tufa na ndö ti mo, ngbanga ti so mbi yeke mu asese so kue na mo na *ahale ti mo. Mbi yeke sara ye alingbi na tënë ti yanga ti mbi so mbi deba na babâ ti mo Abraham so.

Tongo nda ti aye 26:4

Mbi yeke sara titene ahale ti mo awu mingi tongana atongoro ti le ti nduzu; mbi yeke mu asese so kue na ala. Fade a yeke sara tufa na ndö ti amara ti ndö ti sese kue na lege ti ahale ti mo.

Tongo nda ti aye 28:13

KOTA GBIA ayeke luti nduru na Jacob si atene na lo: “Mbi yeke KOTA GBIA, Nzapa ti babâ ti mo Abraham na Nzapa ti Isaac. Sese so mo yeke lango daa so, fade mbi yeke mu na mo, na *ahale ti mo.

Tongo nda ti aye 28:4

Ayeke nzoni tufa so lo sara na ndö ti Abraham so, lo sara ni na ndö ti mo, na *ahale ti mo. Tongaso kodro so Nzapa amu ando na Abraham si mo yeke duti daa tongana wande so, kodro ni ayeke ga ti mo.”

Tongo nda ti aye 6:18

Me mbi yeke leke ande *mbuki ti mbi na mo. Mo li na ya ti mangboko ni, mo na amolenge ti mo, wali ti mo, na awali ti amolenge ti mo.

2 Samuel 23:5

Sewa ti mbi ayeke tongaso na le ti Nzapa pepe? Ndali ti so mbi na lo, e sara *mbuki ti lakue lakue, a leke andia ti mbuki ni kue awe. Asongo benda nga na aye ti nzoni kue ti mbi, lo lingbi ti sara si amai maingo pepe?

Abia (Psaumes) 105:11

lo tene: “Mbi yeke mu na mo sese ti Kanaan titene aga ti mo na ti ahale ti mo.”

Abia (Psaumes) 105:12

Na ngoi ni so, ala wu mingi pepe, a lingbi ti diko wungo ti ala, ala yeke lani awande na sese ni.

Sigingo 13:4

Laso na nze ti Abib laa ala sigigi.

Sigingo 13:5

Tongana KOTA GBIA asara si ala si na kodro ti azo ti Kanaan, azo ti mara ti Het, ti Amori, ti Hivi nga na ti azo ti Yebus, fade ala yeke sara matanga so na ya ti nze so. Kodro so KOTA GBIA adeba yanga ti lo na akotara ti ala ti mu ni na ala laa; ngu ti me ti bagara na mafuta ti wotoro asi singo daa.

Sigingo 6:8

Na pekoni, mbi yeke sara titene ala li na ya ti kodro so mbi deba yanga ti mbi ti mu na Abraham, na Isaac nga na Jacob. Mbi yeke mu kodro ni na ala, azo ti Israel titene aga ti ala. Mbi laa mbi yeke KOTA GBIA!’ ”

Ésaïe 55:3

Ala dingi mê ti ala, ala ma mbi, ala ga na mbi. Ala ma mbi si fade ala yeke duti na fini. *KOTA GBIA atene: “Mbi na ala, e yeke sara *mbuki so ayeke ngba lakue lakue; mbi yeke mu na ala anzoni ye so mbi mu zendo ni na David.

Wungo ti azo 10:29

Moïse atene na Hobab, molenge ti kogara ti lo Reuel, zo ti mara ti Madian, atene: “E yeke gue fadeso na kodro so *KOTA GBIA amu zendo ti mu na e so. Ga, e na mo, e gue; fade mo nga, mo yeke wara mbeni mbage ti anzoni ye so KOTA GBIA atene tënë ti mungo ni na azo ti Israel.”

Awatokua 7:5

Nzapa amu na lo mbeni sese na kodro ni pepe titene aga ti lo wani, ataa kete kete ndo titene lo zia gere ti lo daa. Me Nzapa atene na lo: ‘Fade mbi yeke mu kodro ni na mo titene aga ti mo na *ahale ti mo.’ Andaa na ndembe ni so, Abraham ayeke na molenge pepe.