Sigingo 6:3 - Mbeti ti Nzapa - Tënë so amu fini

³ Ando mbi si na Abraham, na Isaac nga na Jacob tongana ‘Nzapa so ngangu ti lo ahon angangu kue’. Me iri ti mbi so ayeke ‘KOTA GBIA’ so, mbi fa ni na ala pepe.

Sigingo 6:3 Iomraidhean Croise

Tongo nda ti aye 13:18

Abram amu ada ti lo ti bongo si lo gue ti duti na ndo so akeke ti shene ti Mamre ayeke daa na Hebron. Lo leke mbeni gbalaka ndali ti KOTA GBIA kâ.

Tongo nda ti aye 17:1

Abram ayeke na ngu balegumbaya na gumbaya si KOTA GBIA asi na lo; lo tene na lo: “Mbi yeke Nzapa so ngangu ti mbi ahon angangu kue. Tambula na lege so mbi ye; mo sara aye ti mo kue gi na legeni.

Tongo nda ti aye 22:14

Abraham adi iri ti ndo ni so “KOTA GBIA ayeke baa lege ti mungo ye na zo.” Ndani laa laso azo ayeke tene: “Na ndö ti hoto laa KOTA GBIA ayeke baa lege ti mungo ye na zo.”

Tongo nda ti aye 28:3

Ayeke nzoni Nzapa so ngangu ti lo ahon angangu kue asara tufa na ndö ti mo. Lo yeke sara titene mo du amolenge, ala wu mingi. Lo yeke sara titene azo ti amara mingi mingi abaa gigi na lege ti mo.

Tongo nda ti aye 35:11

Nzapa akiri atene na lo: “Mbi yeke Nzapa so ngangu ti mbi ahon angangu kue. Mo du amolenge, ala wu mingi. Fade mbeni mara na amara mingi ayeke baa gigi na lege ti mo. Fade agbia ayeke sigigi na ya ti mo.

Tongo nda ti aye 48:3

Lo tene na Joseph: “Nzapa so ngangu ti lo ahon angangu kue, asi ando na mbi na gbata ti Luz, na sese ti Kanaan si lo sara tufa na ndö ti mbi.

Abia (Psaumes) 68:4

Me azo ti mbirimbiri ayeke sara ngia, ala yeke dodo na ngia na le ti Nzapa, ngia ti ala ni ahon ndoni.

Abia (Psaumes) 83:18

Ayeke nzoni kamene na mbeto agbu ala lakue lakue. Ayeke nzoni kota kamene agbu ala si ala kui kue!

Sigingo 15:3

KOTA GBIA ayeke ngangu zo ti bira. Iri ti lo ayeke KOTA GBIA!

Sigingo 23:21

Ala kpe mbeto ti lo, ala ma yanga ti lo. Ala sara ye ti songo be na lo pepe, fade lo yeke zi siokpari na li ti ala pepe, ngbanga ti so lo yeke sara ye na iri ti mbi.

Sigingo 3:14

Nzapa atene na Moïse: “MBI YEKE SO MBI YEKE”. Fade mo tene na azo ti Israel, mo tene: “MBI YEKE laa atokua mbi na ala.”

Ésaïe 42:8

Mbi yeke KOTA GBIA, so iri ti mbi laa. Gonda so ayeke ti mbi, mbi yeke zia na mbeni zo nde pepe; nengo so ayeke ti mbi, mbi yeke zia na ayanda pepe.

Ésaïe 44:6

*KOTA GBIA, Gbia ti Israel, lo so lo yeke zi azo ti lo, lo so lo yeke na ndö ti dunia kue, tënë so lo tene ayeke so: “Mbi yeke kozoni, mbi yeke ndangba ni. Mbeni Nzapa nde ayeke pepe, gi mbi oko.

Jérémie 16:21

Ndani laa KOTA GBIA atene: “Ti fadeso, mbi yeke fa na azo ni ngangu ti mbi na komandema ti mbi, tongaso si fade ala hinga atene, mbi laa mbi yeke KOTA GBIA.”

Jérémie 33:2

“Lo so lo sara ye, lo so lo leke ye si ye ni aluti mbirimbiri, lo so iri ti lo ayeke KOTA GBIA, tënë so lo tene ayeke so:

Ezekiel 20:5

Mo tene na ala, mo tene: Tënë so Kota Gbia NZAPA atene ayeke so: Na lango so mbi soro Israel, mbi yoro maboko ti mbi na nduzu, mbi deba yanga ti mbi na *ahale ti sewa ti Jacob. Mbi sara si ala hinga mbi na sese ti Ezipte; mbi yoro maboko ti mbi na nduzu, mbi deba yanga ti mbi na ala, mbi tene: ‘Mbi yeke KOTA GBIA, Nzapa ti ala.’

Ezekiel 37:13

Tongana mbi zi yanga ti adu ti kuâ ti ala, tongana mbi sara si ala sigigi na ya ti adu ti kuâ ni, ala azo ti mbi, fade ala yeke hinga atene, mbi laa mbi yeke KOTA GBIA.

Ezekiel 37:6

Mbi yeke zia akamba ti tere na tere ti ala, mbi yeke sara titene kasa ti tere ti ala asigigi si mbi yeke kanga tere ti ala na poro. Na pekoni, mbi yeke zia pupu na ya ti ala si ala yeke kiri ti duti na fini. Tongaso, fade ala yeke hinga atene, mbi laa mbi yeke KOTA GBIA.”

Jean 8:58

Jésus akiri tënë na ala, atene: “Biani, mbi tene na ala taa-tënë: kozo si a du Abraham, ‘Mbi Yeke.’ ”

Aye so Nzapa afa 1:4

Jean laa atokua mbeti so na *a-Eglize mbarambara so ayeke na sese ti Azii. Ayeke nzoni Nzapa, lo so lo yeke laso, lo yeke ando si lo yeke ga, asara nzoni be na ala si amu na ala siriri! Ayeke nzoni ayingo mbarambara so ayeke luti na dawa ti mbata ti lo ti gbia amu ye so na ala!

Ruth 1:20

Noemi atene na ala: “Ala iri mbi Noemi pepe; me ala iri mbi Mara, so ti tene: ‘zo ti mawa’. Ala iri mbi zo ti mawa, ngbanga ti so Nzapa so ngangu ti lo ahon angangu kue asara si aye ti vundu mingi asi na mbi.