Sigingo 6:25 - Mbeti ti Nzapa - Tënë so amu fini

²⁵ Elazar, molenge ti Aaron ti koli amu mbeni molenge ti Putiel ti ga wali ti lo. Lo na Elazar adu Pinas. So ayeke iri ti ababâ ti asewa ti azo ti mara ti Lévi na lege ti akete mara ti ala laa.

Sigingo 6:25 Iomraidhean Croise

Wungo ti azo 26:57

Wungo ti azo ti mara ti Lévi so a diko ala na lege ti akete mara ti ala ayeke so: Gershon, kotara ti azo ti kete mara ti Gershon; Kehat, kotara ti azo ti kete mara ti Kehat; Merari, kotara ti azo ti kete mara ti Merari.

Wungo ti azo 31:6

Moïse atokua azo saki oko na ya ti mara oko oko na bira, ala na wayango-sandaga Pinas, molenge ti Elazar. Pinas amu aye ti sarango na kua ti da ti KOTA GBIA nga na atatalita titene ahuru si aturugu adekongo ti bira.

Josué 22:13

Azo ti Israel atokua Pinas, molenge ti wayango-sandaga Elazar ti gue na sese ti Galaad titene lo tene tënë na azo ti mara ti Ruben, ala ti mara ti Gad na ala ti ndambo ti mara ti Manase.

Josué 24:33

Elazar, molenge ti Aaron, akui nga. A lu lo na ndö ti kete hoto so a mu na molenge ti lo Pinas, na sese ti Efraim, ndo so ahoto ayeke daa.

Awafango-ngbanga 20:28

Pinas, molenge ti Elazar, molenge ti Aaron laa ayeke bata sanduku ni. Azo ti Israel atene: “Fade e kiri e sara bira na azo ti Benjamin, a-ita ti e? Wala e zia lege ni?” KOTA GBIA akiri tënë na ala: “Ala gue senge, ngbanga ti so kekereke, mbi yeke zia azo ti Benjamin na maboko ti ala.”