Sigingo 6:23 - Mbeti ti Nzapa - Tënë so amu fini

²³ Aaron amu Elisheba, molenge ti Aminadab ti ga wali ti lo. Elisheba ayeke ita ti Nashon ti wali. Aaron na Elisheba adu amolenge-koli osio: Nadab, Abihu, Elazar na Itamar.

Sigingo 6:23 Iomraidhean Croise

1 Mbai 2:10

Ram adu Aminadab, Aminadab adu Nashon, makonzi ti azo ti mara ti Juda.

1 Mbai 6:3

Amolenge ti Kehat ayeke Amram, Isar, Hebron na Uziel.

Sigingo 24:1

KOTA GBIA atene lani na Moïse, atene: “Mo ma na li ti hoto na mbage ti mbi, mo na Aaron, na Nadab, na Abihu nga na *akangba ti Israel balembarambara. Ala luti yongoro, ala kuku akpo li ti ala na sese.

Sigingo 24:9

Na pekoni, Moïse ama na li ti hoto, lo na Aaron, na Nadab, na Abihu nga na akangba ti Israel balembarambara.

Sigingo 28:1

“Moïse, na popo ti azo ti Israel, mo mu ita ti mo Aaron na tere ti mo, lo na amolenge ti lo Nadab, Abihu, Elazar na Itamar titene ala sara kua na mbi tongana awayango-sandaga.

Awayango-sandaga 10:12

Moïse atene na Aaron nga na amolenge ti lo, Elazar na Itamar so angba na fini so, atene: “Ale ti kobe so azo aga na ni ti mu *sandaga so a yeke gbi ni kue na wâ na KOTA GBIA, ala zi ti lo na ya ni. Tanga ni so angba so, ala mu ni asara na mapa so a sara na mama ni pepe, ala te ni na tere ti gbalaka, ngbanga ti so ayeke mbeni kobe so ayeke nde si ayeke nzoni kue ahon atanga ni.

Awayango-sandaga 10:6

Na pekoni, Moïse atene na Aaron na amolenge ti lo, Elazar na Itamar, atene: “Ala zi ya ti kua ti li ti ala kirikiri pepe, ala suru bongo na tere ti ala pepe ti fa atene, ala yeke na mua. Tongaso pepe, fade ala yeke kui si ala yeke iri ngonzo ti KOTA GBIA na ndö ti bongbi ti azo ti Israel kue. Ala zia a-ita ti ala, azo ti Israel kue atoto kuâ ti azo so KOTA GBIA asara si ala kui kuâ ti wâ so.

Wungo ti azo 1:7

ti mara ti Juda: Nashon, molenge ti Aminadab;

Wungo ti azo 2:3

“Ala so ayeke sara bâbâ ti ala na mbage ti To, ndo so lâ ayeke londo daa, ayeke duti aturugu ti mara ti Juda na tere ti bendere ti ala. Makonzi ti aturugu ti ala ayeke Nashon, molenge ti Aminadab.

Wungo ti azo 20:25

Moïse, mo mu Aaron, lo na molenge ti lo Elazar, mo gue na ala na li ti hoto ti Hor.

Wungo ti azo 20:28

Moïse azi bongo ti Aaron na tere ti lo si lo yu na Elazar. Aaron akui gi na li ti hoto ni so. Na pekoni, Moïse na Elazar alondo na li ti hoto ni si ala zu.

Matthieu 1:4

Ram adu Aminadab; Aminadab adu Nashon; Nashon adu Salman.

Nzoni Tënë so Luc asu na mbeti 1:5

Na ngoi so ando Herode ayeke gbia ti Judée, mbeni wayango-sandaga ayeke daa, iri ti lo Zakarii. Lo yeke mbeni zo ti ya ti bongbi ti awayango-sandaga ti sewa ti Abia; iri ti wali ti lo ayeke Élisabeth; lo nga lo yeke mbeni *hale ti Aaron.

Josué 24:33

Elazar, molenge ti Aaron, akui nga. A lu lo na ndö ti kete hoto so a mu na molenge ti lo Pinas, na sese ti Efraim, ndo so ahoto ayeke daa.