Sigingo 6:12 - Mbeti ti Nzapa - Tënë so amu fini

¹² Me Moïse akiri tënë na KOTA GBIA, atene: “Baa, azo ti Israel ama mbi pepe. Fade Faraon ayeke ma mbi tongana nyen, mbi so yanga ti mbi ane nengo na tenengo tënë so?”

Sigingo 6:12 Iomraidhean Croise

Sigingo 3:11

Moïse atene na Nzapa, atene: “Mbi yeke zo wa ti gue na ndo ti Faraon ti zi azo ti Israel na sese ti Ezipte ti sigigi na ala?”

Sigingo 3:13

Moïse atene na Nzapa: “Nzoni ma! Fade mbi yeke gue ti wara azo ti Israel si mbi yeke tene na ala: ‘Nzapa ti akotara ti ala atokua mbi na ala’. Me tongana ala hunda mbi, atene: ‘Iri ti lo ayeke nyen?’ Fade mbi yeke tene na ala nyen?”

Sigingo 4:1

Moïse akiri tënë na *KOTA GBIA: “Mbi hinga ape! Fade azo ti Israel ayeke yeda na tënë ti mbi pepe, ala yeke ma nga yanga ti mbi pepe; me fade ala yeke tene: ‘KOTA GBIA asi na mo pepe!’ ”

Sigingo 4:10

Moïse atene na KOTA GBIA: “KOTA GBIA, mbi gbu gere ti mo! Ngbene ye ngbii asi laso, ataa so mo ngba ti tene tënë na mbi fadeso, mbi hinga ti tene tënë nzoni pepe. Yanga ti mbi na menga ti mbi ane nengo na tenengo tënë.”

Sigingo 6:13

Tongaso KOTA GBIA amu yanga na Moïse na Aaron ti gue ti tene tënë na azo ti Israel nga na Faraon, gbia ti Ezipte; tongaso si azo ti Israel alingbi ti sigigi na kodro ti Ezipte.

Sigingo 6:30

Me Moïse akiri tënë na dawa ti KOTA GBIA, atene: “Mbi so yanga ti mbi ane nengo na tenengo tënë so, fade Faraon ayeke ma mbi tongana nyen?”

Sigingo 6:9

Moïse atene peko ti atënë so kue na azo ti Israel, me ala ma lo pepe, ngbanga ti so angangu kua ti ngbaa asara si be ti ala awoko.

Ésaïe 6:5

Tongaso mbi tene: “Mawa na mbi, mbi kui awe! Mbi yeke zo so tënë ti yanga ti mbi ayeke *sioni, mbi yeke lango na popo ti azo so tënë ti yanga ti ala ayeke *sioni. Mbi baa na le ti mbi wani Gbia, KOTA GBIA so ayeke na ndö ti dunia kue.”

Jérémie 1:6

Mbi kiri tënë, mbi tene: “Ae, Kota Gbia NZAPA, mbi de maseka mingi; mbi hinga ti tene tënë pepe.”

Jérémie 6:10

Zo wa laa mbi yeke tene tënë na lo, zo wa? Zo wa laa mbi yeke gboto mê ti lo si lo ma mbi? A fâ mê ti ala na *ganza pepe, ala lingbi ti zia mê ti ala kpoo pepe. KOTA GBIA, ala yeke he tënë ti mo na ngia, tënë ti mo anzere na ala pepe.

Awayango-sandaga 26:41

Tongaso, ala yeke hinga atene, mbi nga, mbi sara ngangu li na ala si mbi tokua ala na kodro ti awato ti ala. Mbeni lâ, tongana ala fâ be ti ala na *ganza si ala sara tere ti ala kete, ala yeda titene mbi pika ala ndali ti sioni ti ala,

Awatokua 7:51

“Ala azo ti ngangu li, ala so a fâ be ti ala na mê ti ala na ganza pepe so, lakue ala yeke ke tënë ti Yingo-Vuru! Ala yeke tongana akotara ti ala!

Ndia ti fani use ni 30:6

Fade KOTA GBIA Nzapa ti ala wani laa ayeke fâ be ti ala na *ganza, be ti ala na ti *ahale ti ala, tongaso si ala yeke ye KOTA GBIA Nzapa ti ala na be ti ala kue nga na yingo ti ala kue si ala lingbi ti duti na fini.