Sigingo 5:6 - Mbeti ti Nzapa - Tënë so amu fini

⁶ Gi na lango ni so, Faraon amu yanga na amakonzi ti kua ti Ezipte nga na akapita ti kua ti Israel, atene:

Sigingo 5:6 Iomraidhean Croise

2 Mbai 26:11

Ozias ayeke na aturugu so alingbi ti sara bira. A kangbi ala na ya ti abongbi, alingbi na wungo ti aturugu ni. Wakuasu Yeiel na kota zo ti kua Maaseya adiko wungo ti azo ni, na gbe ti komandema ti Hanania, mbeni makonzi ti aturugu ti gbia.

Sigingo 1:11

Tongaso azo ti Ezipte azia amakonzi ti kua na ndö ti azo ti Israel titene a mu na ala akua ti ngbaa. Nilaa azo ti Israel asara agbata tongana Pitom na Ramses ndali ti batango akungba na akobe ti yaka ti Faraon.

Sigingo 3:7

KOTA GBIA akiri atene: “Mbi baa biani lege so azo ti mbi ayeke baa pasi na Ezipte; mbi ma toto ti ala ndali ti aye ti ngangu so amakonzi ti kua ti Ezipte ayeke sara na ala. Biani, mbi hinga pasi so ala yeke na ya ni.

Sigingo 5:10

Amakonzi ti kua nga na akapita ti kua alondo na yangbo ti gbia asigigi si ala gue, atene na azo ti Israel, atene: “Tënë so Faraon atene ayeke so: A yeke kiri ti mu na ala pere pepe!

Sigingo 5:19

Azo ti Israel so ayeke akapita ti kua abaa so ye ni aga wâ na ala awe, ngbanga ti so a tene na ala, atene: “Fade ala yeke kiri na wungo ti abiriki ni na peko pepe. Na ya ti lango oko oko, ala yeke pika abiriki so wungo ni ayeke tongana ti kozo!”

Sigingo 5:7

“Kozoni, ala yeke mu na azo ti Israel pere ti sara na biriki. Fadeso, ala kiri amu ni na ala pepe, ala wani, ala yeke gue ti gi ni.

Amato 12:10

Zo ti mbirimbiri ahinga ye so lo lingbi ti mu na anyama ti lo; me azo ti sioni ayeke baa mawa ti ti ala pepe.

Wungo ti azo 11:16

KOTA GBIA akiri tënë na Moïse: “Mo bongbi na mbi azo balembarambara na popo ti *akangba ti Israel, ala so mo hinga, mo tene, ala yeke akangba nga na azo so ayeke baa ndo na ndö ti azo ti Israel. Mo ga na ala kue na ya ti da so mbi na azo ti mbi, e yeke wara tere daa. Mo na ala kue ayeke luti na nduzu na dawa ti mbi.

Ndia ti fani use ni 1:15

Tongaso, mbi mu azo so ayeke na li ti amara ti ala, azo ti ndara na azo so iri ti ala awu nzoni, mbi zia ambeni na li ti azo saki oko, ambeni na li ti azo ngbangbo oko, ambeni na li ti azo baleoku, ambeni na li ti azo baleoko. Mbi zia ambeni ti baa ndo na ndö ti akua na ya ti amara oko oko.

Ndia ti fani use ni 16:18

Moïse atene: Ala azo ti Israel, na ya ti agbata so kue *KOTA GBIA Nzapa ti ala ayeke mu na ala, fade ala yeke soro na ya ti mara ti ala oko oko, awafango-ngbanga na akota zo ti tere ti ala; fade ala yeke fâ ngbanga ti azo ti mara ni na legeni.

Josué 24:1

Josué abongbi amara ti Israel kue na Sishem. Lo iri *akangba ti ala, amakonzi ti ala, awafango-ngbanga ti ala nga na awafango-ndia ti ala. Ala ga aluti na dawa ti Nzapa.

Josué 24:4

Mbi mu na Isaac, Jacob na Ezau. Mbi mu sese ti ndö ti hoto ti Seir na Ezau titene aga ti lo. Me Jacob na amolenge ti lo ague ti ala na Ezipte.

Josué 8:33

Azo ti Israel kue na *akangba ti ala, amakonzi ti ala, awafango-ngbanga ti ala na awande so ayeke na popo ti ala, aluti na tere ti sanduku ti mbuki ti KOTA GBIA mbage na mbage. Ala luti na le ti awayango-sandaga so ayeke azo ti mara ti Lévi so ayeke yo sanduku ti mbuki ni. Mbeni ndambo ti azo ni aluti na mbage ti hoto ti Garizim si mbeni ndambo ti ala aluti na mbage ti hoto ti Ebal. Moïse, zo ti kua ti KOTA GBIA amu ando yanga na azo ni ti sara tongaso ti sara tufa na ndö ti azo ti Israel.