Sigingo 5:4 - Mbeti ti Nzapa - Tënë so amu fini

⁴ Gbia ti Ezipte atene na ala: “Moïse na Aaron, ala ye titene azo so ado kua ti ala azia ngbanga ti nyen? Ala kiri na yanga ti akua ti ala ti ngbaa!”

Sigingo 5:4 Iomraidhean Croise

Sigingo 1:11

Tongaso azo ti Ezipte azia amakonzi ti kua na ndö ti azo ti Israel titene a mu na ala akua ti ngbaa. Nilaa azo ti Israel asara agbata tongana Pitom na Ramses ndali ti batango akungba na akobe ti yaka ti Faraon.

Sigingo 2:11

So Moïse aga koli awe, mbeni lâ, lo gue na mbage ti a-ita ti lo si lo baa angangu kua so a mu na ala ti sarango ni. Lo baa nga mbeni zo ti Ezipte so ayeke pika mbeni hebro, mbeni ita ti Moïse ni.

Sigingo 6:5

Fadeso, mbi wani, mbi ma demango tere ti azo ti Israel so azo ti Ezipte asara ala na ngbaa; mbi dabe ti mbi na mbuki ti mbi na ala.

Jérémie 38:4

Na pekoni, akota zo ti kodro ni atene na gbia Sedesias: “E ye gi kuâ ti Jérémie, ngbanga ti so atënë so lo yeke tene, asara si be ti aturugu nga na be ti azo ti kodro kue awoko. Koli so aye nzoni ti azo ti kodro so pepe, me lo ye gi sioni ti ala.”

Amos 7:10

Amasia, wayango-sandaga ti Betel atokua na Yeroboam, gbia ti Israel, atene: “Amos ayeke gi lege ti kinda mo na ndö ti mbata ti mo ti gbia taa na kodro ti Israel. Azo ti kodro ni alingbi ti kanga be na atënë ti lo mbeni pepe.

Nzoni Tënë so Luc asu na mbeti 23:2

Ala to nda ti bi tënë na li ti lo, atene: “E wara koli so, lo yeke pusu azo ti mara ti e ti sara wusuwusu, lo yeke kanga lege na ala titene ala futa lapo na kota gbia ti Rome; lo tene nga, ni wani, ni yeke *Mesii, ni yeke gbia.”

Awatokua 24:5

E baa so, koli so ayeke sioni mingi: lo yeke bi wusuwusu na popo ti azuife ti dunia kue, lo yeke makonzi ti sioni bongbi so iri ni bongbi ti Nazaret.