Sigingo 5:23 - Mbeti ti Nzapa - Tënë so amu fini

²³ Ngbene ye so mbi gue na mbage ti Faraon si mbi tene tënë na iri ti mo, lo sara sioni na azo ti Israel; me ti mo, mo sara mbeni ye oko pepe ti zi azo ti mo!”

Sigingo 5:23 Iomraidhean Croise

Mbeti ti Job 22:17

Azo ni ayeke tene na Nzapa: “Zia e kpoo! Lo so ngangu ti lo ahon angangu kue so, nyen laa lo lingbi ti sara na e, nyen?”

Abia (Psaumes) 118:26

– Ayeke nzoni KOTA GBIA asara tufa na ndö ti lo so aga na iri ti KOTA GBIA! E so e yeke na ya ti kota da ti KOTA GBIA so, e sara tufa na ndö ti ala.

Sigingo 3:8

Nilaa mbi zu ti zi ala na maboko ti azo ti Ezipte, ti mu ala na sese so ala yeke daa, ti gue na ala na mbeni nzoni sese so akono, so *ngu ti me ti bagara na mafuta ti wotoro asi singo daa. Sese ni ayeke sese ti azo ti Kanaan, ti azo ti mara ti Het, ti Amori, ti Perizi, ti Hivi na ti Yebus.

Sigingo 6:1

KOTA GBIA atene na Moïse: “Fafadeso, mo yeke baa ye so mbi yeke sara na Faraon. Na lege ti ngangu ti maboko ti mbi, mbi yeke sara si lo zia lege na azo ti Israel ti gue. Na lege ti ngangu ti mbi, mbi yeke sara si lo tumba ala na ya ti kodro ti lo!”

Ésaïe 28:16

Ndani laa, tënë so Kota Gbia NZAPA atene ayeke so: “Baa, mbi zia na *Sion têne so mbi tara ni awe, ngangu têne ti gere ti da so a lu ni ngangu. Zo so aluti na ndö ni, fade lo yeke ti pepe.

Jérémie 11:21

Ndani laa, tënë so KOTA GBIA atene na tere ti azo ti Anatot, azo so aye ti fâ mbi si ala tene: “Mo zia ti tene peko ti tënë ti yanga ti KOTA GBIA; tongaso pepe, fade e yeke fâ mo.”

Jean 5:43

Mbi ga na iri ti Babâ ti mbi, me ala ke ti yamba mbi. Tongana mbeni zo nde aga fade na iri ti lo wani, ka ala yeke yamba lo!