Sigingo 5:22 - Mbeti ti Nzapa - Tënë so amu fini

²² Moïse akiri na mbage ti KOTA GBIA si lo tene: “Kota Gbia, mo sara sioni na azo so ngbanga ti nyen? Mo tokua mbi ge ngbanga ti nyen?

Sigingo 5:22 Iomraidhean Croise

1 Agbia 19:10

Élie akiri tënë: “KOTA GBIA Nzapa, mo so ngangu ti mo ahon angangu kue, tënë ti mo agbu be ti mbi mingi. Me azo ti Israel azia lege ti *mbuki ti mo awe, ala kungbi na sese agbalaka ti mo si ala fâ awayanga ti mo. Mbi ngba gi mbi oko si azo ayeke gi lege ti fâ mbi.”

1 Agbia 19:4

Ti lo, lo gue na benyama; lo tambula na ya ti lango oko si lo si kâ. So Élie asi kâ awe, lo duti na gbe ti mbeni kete keke. Lo iri kuâ titene aga amu lo, lo tene: “*KOTA GBIA, fadeso ye ni ahon ndoni awe! Mo mu fini ti mbi. Biani, mbi yeke nzoni mbi hon akotara ti mbi pepe.”

Abia (Psaumes) 73:25

Zo wa laa ayeke mu maboko na mbi na yayu, zo wa? Gi mo oko! Na ndö ti sese so, mbeni ye nde anzere na mbi pepe, gi mo oko.

Sigingo 17:4

Moïse adema tere ti lo na KOTA GBIA: “Nyen laa mbi lingbi ti sara ndali ti azo so? Angba gi kete titene ala bo mbi na têne!”

Jérémie 12:1

*KOTA GBIA, mo yeke mbirimbiri ahon ndoni, mbi lingbi ti dekite na mo pepe; me mbi ye ti hunda na mo tënë na ndö ti alege ti fango ngbanga ti mo: Ngbanga ti nyen si gigi ti azo ti sioni ayeke ga nzoni so? Ngbanga ti nyen si azo so ake tënë ti mo ayeke duti ti ala kpoo so?

Jérémie 20:7

*KOTA GBIA, mo handa mbi si mbi ti na ya ti handa ni. Mo gbu mbi na ngangu, mo hon ndö ti mbi awe. Lakue mbi ga buba na le ti azo; azo kue ayeke he mbi.

Jérémie 4:10

Tongaso mbi tene: ‘Ae Kota Gbia NZAPA! Biani, mo handa azo ti kodro so awe; mo handa nga azo ti Jérusalem, mo tene: Ala yeke duti na siriri! Andaa gi zeme laa ayeke na go ti e!’ ”

Habakuk 2:3

Ye so mo baa na ya ti mbeni ye tongana bango-li so ayeke si na ngoi so alingbi, ngoi ni ayeke ga nduru nduru; tënë ni ayeke mvene pepe. Me tongana ye ni angba ti ninga, mo ku ni, ngbanga ti so nyen na nyen kue, ye ni ayeke si tongana ngoi ni alingbi.

Wungo ti azo 11:11

Moïse atene na KOTA GBIA: “Mo sara sioni na mbi, zo ti kua ti mo, ngbanga ti nyen? Mo ke ti sara nzoni be na mbi si mo zia kungba ti azo so kue na ndö ti mbi ngbanga ti nyen?

Josué 7:7

Na pekoni, Josué atene: “Ae Kota Gbia NZAPA! Mo sara si azo so afâ ngu ti Jourdain ngbanga ti nyen? Mo sara tongaso titene mo zia e na maboko ti azo ti mara ti Amori titene ala hunzi e biani biani? Tongana e ngba fade ti sara kodro na mbage ti ngu ti Jourdain kâ, ka ayeke nzoni mingi!

1 Samuel 30:6

Be ti David afun kue, ngbanga ti azo aye ti bo lo na têne ti fâ lo. Be ti zo oko oko aso mingi ndali ti amolenge ti lo ti koli na ti wali. Me David awara ngangu ndali ti *KOTA GBIA, Nzapa ti lo.