Sigingo 5:2 - Mbeti ti Nzapa - Tënë so amu fini

² Faraon atene: “KOTA GBIA ni ayeke zo wa si mbi ma yanga ti lo ti zia lege na azo ti Israel ti gue so? Mbi hinga KOTA GBIA ni pepe; mbi yeke zia nga azo ti Israel ti gue pepe!”

Sigingo 5:2 Iomraidhean Croise

2 Agbia 18:35

Na popo ti anzapa kue ti akodro so, nzapa wa laa azi kodro ti lo na maboko ti mbi si fade KOTA GBIA alingbi ti zi Jérusalem na maboko ti mbi?’ ”

2 Mbai 32:14

Na popo ti anzapa so kue ababâ ti mbi afâ azo ti ala kue kue kue so, nzapa wa laa awara ngangu ti zi azo ti lo na maboko ti ababâ ti mbi si fade nzapa ti ala alingbi ti zi ala na maboko ti mbi?

2 Mbai 32:15

Fadeso, ala zia Ezekias ahanda pepe, lo pusu ala na ya ti ye tongaso pepe! Ala zia be ti ala na ndö ti lo pepe, ngbanga ti so mbeni nzapa oko ti amara nde wala ti mbeni kodro-gbia alingbi ti zi azo ti lo na maboko ti mbi wala na maboko ti ababâ ti mbi pepe. Biani, fade nzapa ti ala ayeke zi ala na maboko ti mbi pepe.’ ”

2 Mbai 32:19

Ala yeke tene tënë ti Nzapa ti Jérusalem tongana ti so azo ayeke tene tënë ti anzapa ti amara nde so azo asara ni na maboko ti ala.

Néhémie 9:10

Mo sara aye ti dongo be na aye ti kpene na tere ti Faraon na azo ti kua ti lo, nga na tere ti azo ti kodro ti lo kue, ngbanga ti so mo hinga lege ti sarango ye ti ala so ala sara na baba na tere ti akotara ti e. Mo sara si iri ti mo awu si angba ti wu laso.

Mbeti ti Job 15:25

Biani lo yoro maboko na le ti Nzapa; lo gi yanga ti Nzapa, lo so ngangu ti lo ahon angangu kue.

Mbeti ti Job 15:26

Lo ba li ti lo na sese na peko ti kota *vala ti lo, lo mu loro ti gue ti tiri na Nzapa.

Mbeti ti Job 21:15

Lo so a tene, ngangu ti lo ahon angangu kue so, lo yeke ti lo zo wa si e ga ngbaa ti lo? Tongana e sambela lo, nyen laa e yeke wara na pekoni nyen?”

Abia (Psaumes) 10:4

Na lege ti baba ti lo, zo ti sioni ayeke hunda tere ti lo pepe. Ti be ti lo, lo tene: “Nzapa ayeke daa lawa!”

Abia (Psaumes) 12:4

Ayeke nzoni KOTA GBIA ahunzi azo ti handango zo so kue; lo fu yanga ti azo ti sioni yanga

Abia (Psaumes) 12:5

na ala so ayeke tene: “Ndali ti kpengbango yanga ti e, fade e yeke hon ndö ti azo kue; ndali ti tënë ti yanga ti e, mbeto ti mbeni zo ayeke sara e pepe.”

Abia (Psaumes) 14:1

Bia ti David; bia so ayeke ndali ti makonzi-bia. Azo so li ti ala ayeke daa pepe ayeke tene na be ti ala: “Nzapa ayeke daa lawa!” Azo so abuba awe, ala sara sioni ye so akpa titene zo asara pepe; zo oko ti sara nzoni ayeke daa pepe.

Sigingo 3:19

Me mbi hinga so gbia ti Ezipte ayeke zia lege na ala pepe titene ala gue, gi tongana a gbu lo na ngangu si.

Sigingo 7:17

Tënë so KOTA GBIA atene ayeke so: ye so ayeke fa ti hinga atene mbi yeke KOTA GBIA ayeke so: mbi yeke pika ngu ti Nil na keke so ayeke na maboko ti mbi so si ngu ni ayeke ga mene.

Amato 30:9

Biani, tongana mbi yeke na gba ti aye, mbi lingbi ti bere tënë ti mo, mbi tene: ‘KOTA GBIA ni ayeke zo wa?’ Wala tongana mbi yeke wayere, mbi lingbi ti nzi ye. Tongaso, fade mbi yeke buba iri ti Nzapa ti mbi.

Jérémie 42:13

Jérémie akiri atene: “Me tongana ala ke ti ma yanga ti KOTA GBIA, Nzapa ti ala si ala tene: ‘Ên-en, e ye ti duti na ya ti kodro so pepe;

Jérémie 48:26

Moab abaa tere ti lo kota ahon KOTA GBIA. Ayeke nzoni a mu na lo samba, lo nyon ngbii lo de samba ni na sese. Tongaso si lo nga lo ga ye so azo ayeke he ni na ngia.

Daniel 3:15

Fade ala yeke kiri ti ma toto ti tatalita, ti ngoli, ti kete kundi na ti kota kundi, ti kalangba na mara ti angoli nde nde na aye ti sarango na mozoko nde nde. Ala yeke fadeso nduru ti kuku na sese ti voro yanda ti lôro so mbi sara ni so? Tongana ala ke, fade a yeke bi ala biaku na ya ti kota wâ so ayeke za ngangu. Nzapa wa si ayeke zi ala na maboko ti mbi?”

Jean 16:3

Azo ni ayeke sara ye so na ala, ngbanga ti so azo ni ahinga Babâ wala mbi pepe.

Rome 1:28

So ala ke ti hinga Nzapa awe, lo zia ala titene hingango ndo ti ala aga kirikiri si ala sara ye so zo alingbi fade ti sara pepe.

2 Tesalonike 1:8

lo yeke ga ande na ya ti menga ti wâ. Biani, azo so ahinga Nzapa pepe si ala ke Nzoni Tënë ti Kota Gbia ti e Jésus so, lo yeke kiri na peko ti sioni ti ala na ala.

Awafango-ngbanga 2:10

Na pekoni, azo so kue a du ala na ngoi ti Josué akui, ala mu peko ti ababâ ti ala. Ambeni zo so a du ala na peko, ala hinga KOTA GBIA pepe, ala hinga nga pepe aye so lo sara ndali ti azo ti Israel.

1 Samuel 2:12

Amolenge ti Heli ayeke asioni zo mingi. Ala yeke kpe mbeto ti *KOTA GBIA pepe.

1 Samuel 25:10

Nabal akiri tënë na azo ti kua ti David, atene: “David ni ayeke zo wa? Molenge ti Yese ni ayeke zo wa? Fadeso angbaa mingi ayeke kpe na ndo ti awa ti ala.