Sigingo 5:12 - Mbeti ti Nzapa - Tënë so amu fini

¹² Tongaso azo ti Israel akangbi tere ti ala na ya ti kodro ti Ezipte kue ti ro aholengo pere ti pika na biriki.

Sigingo 5:12 Iomraidhean Croise

Sigingo 15:7

Mo yeke kota ahon ndoni! Mo yeke kinda azo so alondo ti ke mo. Tongana ngonzo ti mo alondo tongana wâ, ngonzo ni ayeke gbi ala tongana holengo pere.

Sigingo 5:11

Ala wani, ala gue, agi ni na ndo so ala lingbi ti wara ni daa. Me wungo ti biriki so ala yeke pika angba lakue tongana ti kozo.”

Sigingo 5:13

Amakonzi ti kua ni ayeke suku na ala, atene: “Ala hunzi kua ti ala! Na ya ti lango oko oko, ala sara wungo ti abiriki so a hunda na ala, legeoko tongana ti so lani a yeke mu na ala pere!”

Ésaïe 47:14

Ala yeke tongana pere, fade wâ ayeke gbi ala kue. Ala lingbi ti zi tere ti ala na ya ti menga ti wâ ni pepe. Wâ ni so ayeke ale ti wâ so e yeke to na kobe pepe, wala wâ so zo ayeke duti na tere ni titene tere ti lo amu wâ pepe.

Ésaïe 5:24

Ndani laa, fade ala yeke ga tongana pere so wâ agbi ni, ala yeke ga tongana holengo pere so menga ti wâ agbi ni kue. Ala yeke duti tongana pere so gunda ni afun na ya ti sese, tongana kongo so pupu ahon na ni tongana fuku ti sese. Biani, ye so KOTA GBIA so ayeke na ndö ti dunia kue afa, ala ke ni; tënë ti Nzapa ti Israel, lo so lo yeke nde si lo yeke nzoni kue, ala baa ni tongana mbumbuse ye.

Joël 2:5

Ala yeke huru na ndö ti ahoto si toto ti hurungo ti ala ni ayeke tongana toto ti apusu ti mbarata; tongana toto ti menga ti wâ so ayeke gbi holengo pere. Ala yeke londo ti ga tongana angangu turugu so aleke tere ti ala na molongo ti tiri bira.

Abdias 1:18

Fade ahale ti Jacob ayeke ga tongana wâ si ahale ti Joseph ayeke ga tongana menga ti wâ. Me ahale ti Ezau ayeke ga tongana holengo pere so a zia wâ daa si agbi kue. Fade mbeni zo oko ti mara ti Ezau ayeke ngba na fini pepe.” *KOTA GBIA laa atene tënë so.

Nahum 1:10

Awato ti ala ni ayeke tongana gba ti akeke ti ki so ali ya ti tere kirikiri; awato ni anyon samba ahon ndö ti ala awe. Fade ala yeke gbi kue tongana holengo pere.

1 Korente 3:12

Na ndö ti gere ti da ni, ambeni zo asara da na lôro, wala na wen ti nginza wala na atêne ti ngangu ngere, ambeni asara ti ala da ni na keke wala na amara ti holengo pere nde nde.