Sigingo 5:1 - Mbeti ti Nzapa - Tënë so amu fini

¹ Na pekoni, Moïse na Aaron ague, awara gbia Faraon si ala tene na lo: “Tënë so KOTA GBIA, Nzapa ti Israel atene ayeke so: ‘Zia azo ti mbi ague na benyama si ala sara matanga kâ ti gonda na mbi.’ ”

Sigingo 5:1 Iomraidhean Croise

1 Agbia 21:20

Élie ague, atene peko ti tënë ni na Akab si Akab atene na Élie: “Ae, wato ti mbi, mo kiri mo wara mbi awe!” Élie akiri tënë: “Taa-tënë, mbi kiri mbi wara mo, ngbanga ti so mo ka tere ti mo ti sara ye so ayeke sioni na le ti KOTA GBIA.

Abia (Psaumes) 119:46

Na dawa ti agbia, mbi yeke tene tënë ti aye so mo hunda; kamene ayeke sara mbi pepe.

Sigingo 10:3

Moïse na Aaron ague na ndo ti Faraon si ala tene na lo: “Tënë so KOTA GBIA, Nzapa ti ahebro atene ayeke so: ‘Mo yeke ke ti sara tere ti mo kete na dawa ti mbi ngbii asi lawa? Zia lege na azo ti mbi titene ala gue, avoro mbi.

Sigingo 10:4

Tongana mo ngba ti ke, kekereke, mbi yeke tokua agbadola na ndö ti sese ti mo.

Sigingo 10:9

Moïse akiri tënë: “E kue laa e yeke gue, amaseka na ambakoro, akoli na awali, ataba na angasa ti e nga na abagara ti e. Biani, alingbi e sara matanga ndali ti KOTA GBIA.”

Sigingo 3:18

“Azo ti Israel ayeke ma ande mo; tongaso mo na akangba, ala yeke gue na ndo ti gbia ti Ezipte si ala yeke tene na lo: ‘KOTA GBIA, Nzapa ti ahebro afa tere ti lo na e. Fadeso, mu na e lango ota, e gue na benyama, e mu *sandaga na KOTA GBIA, Nzapa ti e.’

Sigingo 33:13

Fadeso, tongana mo baa mbi na nzoni le biani, fa na mbi lege ti mo si mbi hinga mo. Tongaso si fade mo yeke baa mbi na nzoni le. Ayeke nzoni mo hinga, mo tene, mara so ayeke azo ti mo.”

Sigingo 4:23

Mbi mu yanga na mo ti zia lege na lo ti gue ti voro mbi, me mo ke. Ndani laa, mbi yeke fâ kozo molenge ti mo ti koli.’ ”

Sigingo 6:11

“Gue mo tene tënë na Faraon, gbia ti Ezipte, titene lo zia lege na azo ti Israel ti sigigi na ya ti kodro ti lo.”

Sigingo 6:27

Moïse na Aaron laa atene tënë na Faraon, gbia ti Ezipte titene lo zia lege na azo ti Israel ti sigigi na ya ti kodro ti lo.

Sigingo 7:16

Mo tene na Faraon, mo tene: ‘KOTA GBIA, Nzapa ti ahebro atokua mbi ti tene na mo, atene: Zia lege na azo ti mbi titene ala gue, avoro mbi na benyama.’ Me mo ye ti ma pepe ngbii asi laso.

Sigingo 7:2

Atënë so kue mbi mu yanga na mo daa, fade mo yeke tene ni na Aaron, ita ti mo. Na pekoni, lo laa lo yeke tene peko ni na Faraon titene Faraon azia lege na azo ti Israel ti sigigi na ya ti kodro ti lo.

Sigingo 8:1

KOTA GBIA atene na Moïse: “Tene na Aaron, mo tene: ‘Yoro maboko ti mo nga na keke ti mo na ndö ti *abale, na ndö ti angu so ayeke sua na ya ti adu nga na ndö ti angu ti *alende; mo sara si akongba asigigi amu ya ti Ezipte kue.’ ”

Sigingo 8:16

KOTA GBIA atene na Moïse: “Kekereke na kota ndaperere, mo londo mo gue, mo luti na dawa ti Faraon na ndembe so lo yeke gue na yanga ti *bale ti Nil. Fade mo tene na lo, mo tene: ‘Tënë so KOTA GBIA atene ayeke so: Zia lege na azo ti mbi titene ala gue, avoro mbi.

Sigingo 8:17

Tongana mo ke ti zia lege na azo ti mbi titene ala gue, fade mbi yeke tokua asioni vuma na ndö ti mo, na ndö ti azo ti gbe ti mo, na ndö ti azo ti kodro ti mo nga na ya ti ayangbo ti mo. Asioni vuma ni ayeke si singo na ya ti ada ti azo ti Ezipte, ala yeke mu ndö ti sese ti kodro so kue ala yeke duti daa.

Sigingo 8:20

KOTA GBIA asara ye ni tongaso: gba ti asioni vuma ali na ya ti yangbo ti gbia Faraon, na ya ti ada ti azo ti gbe ti lo na ti azo ti kodro ti Ezipte kue. Asioni vuma ni abuba kodro ni kue.

Sigingo 8:27

KOTA GBIA asara ye alingbi na ye so Moïse ahunda: asioni vuma ni ahon yongoro na tere ti Faraon, na tere ti azo ti gbe ti lo nga na tere ti azo ti kodro ti lo. Mbeni vuma oko angba pepe.

Sigingo 9:1

KOTA GBIA atene na Moïse: “Gue na ndo ti Faraon si mo tene na lo, mo tene: ‘Tënë so KOTA GBIA, Nzapa ti ahebro atene ayeke so: Zia lege na azo ti mbi titene ala gue, avoro mbi.

Sigingo 9:2

Tongana mo ngba ti ke, tongana mo ngba ti gbanzi ala,

Ésaïe 25:6

Na ndö ti hoto ti *Sion, *KOTA GBIA so ayeke na ndö ti dunia kue ayeke leke matanga ndali ti azo kue, matanga ti nyama ti mafuta na ti vin ti nzoni ni, ti nyama ti mafuta so awoko pendere na vin so ayeke nzoni mingi.

Ezekiel 2:6

“Ti mo, molenge ti zo, sara mbeto ti ala pepe, sara mbeto ti tënë ti yanga ti ala pepe. Azo ni ayeke dekite na mo mingi; ye ni ayeke duti, mo baa mo tene, mo yeke na popo ti aki wala mo duti na ndö ti akparakongo. Me mo sara mbeto ti tënë ti yanga ti ala pepe, tere ti mo ado na le ti ala pepe. Biani, ala yeke azo ti mara ti ngangu li.

Matthieu 10:18

Fade azo ni ayeke mu ala ti gue na ala na gbe ti akomanda na agbia ndali ti mbi si ala, adisiple ti mbi, ala yeke tene ye so ala hinga na ndö ti mbi na azo ni nga na azo ti amara nde.

Matthieu 10:28

Azo so ayeke fâ tere ti zo, ala sara mbeto ti ala pepe; azo ni alingbi ti fâ yingo ti zo pepe. Me ayeke nzoni ala kpe mbeto ti Nzapa so alingbi ti sara si tere ti zo na yingo ti lo kue abuba na ndo so wâ ayeke gbi daa lakue.

Awatokua 4:29

Fadeso, Kota Gbia, mo ma atënë so ala tene ti zia mbeto na be ti e. Mo mu na e ngangu ti fa tënë ti mo na mbeto pepe.

1 Korente 5:8

Tongaso, e sara matanga ti Pake ni na ngbene mama ti mapa pepe, so ti tene na asiokpari na aye ti sioni; me e sara matanga ni na mapa so asara na mama ni pepe, so ti tene na vurungo be nga na tenengo taa-tënë.