Sigingo 40:9 - Mbeti ti Nzapa - Tënë so amu fini

⁹ “Fade mo yeke mu mafuta ti tukungo na li ti zo ti zia lo nde, mo yeke tuku ni na ndö ti da ni nga na ndö ti aye so kue ayeke na ya ni. Tongaso mo yeke zia da ni na agbakuru ni kue nde ndali ti mbi. Na pekoni, da ni ayeke ga ye ti mbi biani.

Sigingo 40:9 Iomraidhean Croise

Abia (Psaumes) 45:7

Gbia, mbata ti mo ti gbia ayeke tongana ti Nzapa, ayeke ngba lakue lakue. Na ya ti kodro-gbia ti mo, mo yeke sara komandema na legeni.

Sigingo 37:29

Lo sara mafuta so a yeke tuku na li ti zo ti zia lo nde nga na yombo ti nzoni ni so a yeke zö na wâ. Zo ti sarango yombo laa asara ni.

Sigingo 39:39

– gbalaka so ala sara na bengba wen, gbanda ni so ala sara na bengba wen, ayongoro keke ti yongo na ni na agbakuru ni kue; – kota sembe na gere ni;

Sigingo 40:8

Mo yeke zia abongo ni na tere ti gbagba ti ndo so ayeke nde si ayeke nzoni kue si mo yeke kanga ridoo ni na yanga ti gbagba ni.

Ésaïe 11:2

Fade yingo ti *KOTA GBIA ayeke duti na ndö ti lo: yingo ti ndara na ti hingango popo ti nzoni na sioni, yingo ti mungo wango na ti ngangu, yingo ti hingango ndo na ti kpengo mbeto ti KOTA GBIA.

Ésaïe 61:1

Yingo ti Kota Gbia NZAPA ayeke na ndö ti mbi. Biani, *KOTA GBIA atuku mafuta na li ti mbi, lo tokua mbi ti fa nzoni tënë na awayere, ti kanga ka ti be ti azo so be ti ala afâ, ti tene na azo so a gbu ala na ngbaa atene, a zi ala awe, ti tene na azo ti kanga atene, ala yeke sigigi na ya ti kanga!

Ezekiel 28:14

Mo *sheruben so mo yeke bata zo, mo so mo yoro *kpangi ti mo yongoro na nduzu, mbi zia lani mo na ndö ti hoto ti mbi so ayeke nde si ayeke nzoni kue; mo yeke tambula na popo ti atêne so ale ti wâ ayeke sigigi daa.

Awayango-sandaga 8:10

Na pekoni, Moïse amu mafuta ti tukungo na li ti zo, lo tuku na ndö ti da so Nzapa ayeke duti daa nga na aye so kue ayeke na ya ni ti zia ni nde ndali ti Nzapa.

Wungo ti azo 7:1

Na lango so Moïse ahunzi ti sara da so a zia nde ndali ti *KOTA GBIA awe, lo tuku mafuta na ndö ti da ni ti zia ni nde ndali ti KOTA GBIA. Lo zia aye ti ya ti da ni kue nde ndali ti KOTA GBIA. Lo tuku mafuta na ndö ti gbalaka nga na ndö ti aye kue ti sarango na kua ti gbalaka ni ti zia ni nde ndali ti KOTA GBIA.

Matthieu 3:16

Gi so Jésus awara bateme awe, lo sigigi na ya ti ngu ni. Na ndembe ni so, yanga ti yayu azi, lo baa Yingo ti Nzapa so azu tongana *mbipa si aga na ndö ti lo.

Jean 3:34

Zo so Nzapa atokua lo, lo yeke tene gi atënë ti Nzapa, ngbanga ti so Nzapa amu Yingo ti lo ahon ndoni na zo ni.

2 Korente 1:22

lo nga laa lo zia nzoroko ti lo na ndö ti e, lo zia Yingo ti lo na be ti e ti fa atene, anzoni ye so lo bata ndali ti e, fade lo yeke mu ni kue na e.

2 Korente 1:4

Lo yeke de be ti e na ya ti apasi so kue e yeke baa. Tongaso si e wani, e ga azo so alingbi ti de be ti azo so kue ayeke na ya ti pasi, e lingbi ti de be ti azo gi tongana ti so Nzapa ade be ti e so.

Ahebro 9:21

Na pekoni, Moïse amu mene ni si lo fi na tere ti da ti bongo ni nga na tere ti akungba so kue ala mu ti sara na kua ti Nzapa.

1 Jean 2:20

Ti ala, a-ita, ala wara Yingo-Vuru so Christ amu na ala si ala kue ahinga taa-tënë awe.