Sigingo 4:8 - Mbeti ti Nzapa - Tënë so amu fini

⁸ KOTA GBIA atene lo: “Tongana ala yeda na tënë ti mo pepe, tongana ala ma yanga ti mo na kozo ye ti kpene ni pepe, fade ala yeke yeda na mo na use ye ti kpene ni.

Sigingo 4:8 Iomraidhean Croise

2 Agbia 5:7

So gbia ahunzi ti diko mbeti ni awe, lo suru bongo na tere ti lo si lo tene: “Mbi yeke Nzapa so alingbi ti sara titene zo akui wala titene zo angba na fini? Gbia ti Sirii atokua na mbi mbeni zo titene mbi zi buruma na tere ti lo! Ala baa awe: so gingo yanga laa!”

Mbeti ti Job 5:18

Nzapa ayeke zia ka na tere ti zo, lo laa lo yeke kanga ka ni; lo yeke pika zo, lo laa lo yeke sara si tere ti zo aga nzoni.

Sigingo 4:28

Moïse afa na Aaron atënë so kue KOTA GBIA aye ti tokua lo ngbanga ni. Lo fa nga na lo aye ti kpene so kue KOTA GBIA amu yanga na lo ti sarango ni.

Sigingo 4:7

KOTA GBIA akiri atene: “Kiri na maboko ti mo ni na ndö ti kate ti mo, na gbe ti bongo ti mo.” Moïse asara ye ni. So lo kiri lo zi ni, maboko ti lo ni akiri aga nzoni.

Sigingo 4:9

Tongana ala ke ti yeda na aye ti kpene use so, tongana ala ma yanga ti mo pepe, fade mo to ngu ti Nil, mo tuku na ndö ti kuru sese. Fade ngu ni ayeke ga mene na ndö ti kuru sese ni.”

Ésaïe 28:10

Ala ma lo: ‘BA-BA, BABA, MA-MA, MAMA, GE, KÂ, GE, KÂ!’ ”

Jean 12:37

Ataa aye ti kpene so kue Jésus asara na le ti azo ni, ala ma na be na lo pepe.

Ndia ti fani use ni 32:39

Fadeso, ayeke nzoni ala hinga ye so: mbi, mbi yeke gi mbi oko, na tere ti mbi, mbeni nzapa nde ayeke daa pepe. Mbi laa mbi yeke sara si zo akui, mbi laa mbi yeke sara si zo aduti na fini; mbi laa mbi yeke zia ka na tere ti zo, mbi laa mbi yeke sara si ka ni amu. Zo wa laa alingbi ti gboto zo na maboko ti mbi, zo wa?

Awafango-ngbanga 6:17

Gédéon akiri atene na KOTA GBIA: “Tongana mo baa mbi na nzoni le, ayeke nzoni mo fa na mbi mbeni ye so afa atene, mo laa mo yeke tene tënë na mbi so.