Sigingo 4:31 - Mbeti ti Nzapa - Tënë so amu fini

³¹ Azo ti Israel ayeda na tënë ni si ala hinga atene, KOTA GBIA ayeke ga ti mu maboko na ala, ngbanga ti so lo baa lege so ala baa pasi. Tongaso, ala kuku akpo li ti ala na sese ti voro lo.

Sigingo 4:31 Iomraidhean Croise

Tongo nda ti aye 17:3

Abram ati, lo kpo li ti lo na sese. Nzapa atene tënë na lo, atene:

Tongo nda ti aye 24:26

Koli ni akuku akpo li ti lo na sese si lo voro KOTA GBIA,

Tongo nda ti aye 29:32

Lea amu ngo, lo du molenge-koli si lo di iri ti lo Ruben, ngbanga ti so lo tene: “KOTA GBIA abaa vundu ti be ti mbi awe. Fadeso koli ti mbi ayeke ye mbi.”

Tongo nda ti aye 50:24

Joseph atene na a-ita ti lo: “Mbi ga nduru ti kui awe. Me fade Nzapa ayeke ga ti mu maboko na ala, ti mu ala ti sigigi na ala na ya ti kodro so ti gue na ala na sese so lo deba yanga ti lo ti mu na Abraham, Isaac na Jacob.”

1 Mbai 29:20

Na pekoni, David atene na bongbi ti azo ni: “Ala mu singila na KOTA GBIA, Nzapa ti ala.” Tongaso, azo ni kue amu singila na KOTA GBIA, Nzapa ti akotara ti ala. Ala kuku akpo li ti ala na sese na dawa ti KOTA GBIA nga na dawa ti gbia.

2 Mbai 20:18

Yosafat akuku, akpo li ti lo na sese. Azo ti Jérusalem kue na azo ti Juda akuku nga na sese na dawa ti KOTA GBIA ti voro lo.

2 Mbai 32:8

Ngangu ti gbia ni ayeke gi ngangu ti zo; me ngangu ti e ayeke KOTA GBIA, Nzapa ti e so ayeke mu maboko na e si lo yeke tiri bira ndali ti e.” Azo ni aluti na ndö ti tënë ti Ezekias, gbia ti Juda.

2 Mbai 7:3

Azo ti Israel kue abaa wâ so alondo na yayu azu si gonda ti KOTA GBIA asi singo na ya ti kota da ni. Ala kuku akpo li ti ala na sese so a leke pendere pendere na têne; ala sepela KOTA GBIA, atene: “Biani, lo yeke nzoni; nzoni be ti lo angba kpu na kpu!”

Néhémie 8:6

Esdras amu singila na KOTA GBIA, lo so lo yeke kota Nzapa. Azo kue ayo maboko ti ala na nduzu si ala tene: “Amen, Amen!” Na pekoni, ala kuku, akpo li ti ala na sese ti voro KOTA GBIA.

Mbeti ti Job 1:20

Tongaso Job alondo, lo suru kota bongo ti lo ti de si lo kio kua ti li ti lo. Na pekoni, lo ti, lo kpo li ti lo na sese

Sigingo 12:27

Fade ala kiri tënë na ala, atene: ‘So ayeke *sandaga ti Pake ndali ti KOTA GBIA laa. Na ndembe so azo ti Israel ayeke lani na Ezipte, KOTA GBIA asara ye ti ngangu na kodro ni, me lo hon hongo na ndö ti ada ti e, lo luti pepe; lo bata asewa ti e.’ ” Tongaso azo ti Israel akuku akpo li ti ala na sese ti voro KOTA GBIA.

Sigingo 14:31

Azo ti Israel abaa so, na lege ti ngangu ti maboko ti lo, KOTA GBIA ahon ndö ti azo ti Ezipte. Nilaa ala kpe mbeto ti KOTA GBIA si ala zia be ti ala na ndö ti KOTA GBIA nga na ndö ti Moïse, zo ti kua ti lo.

Sigingo 19:8

Azo kue ayeda yanga oko, atene: “Atënë so kue KOTA GBIA atene so, fade e yeke sara ye alingbi na ni.” Moïse akiri na peko ti tënë ti azo ni na KOTA GBIA.

Sigingo 19:9

KOTA GBIA atene na Moïse: “Baa, mbi yeke ga ti si na mo na ya ti gba ti nengo mbinda. Tongaso, azo ti Israel alingbi ti ma go ti mbi na ndembe so mbi yeke tene tënë na mo si ala lingbi ti zia be ti ala na ndö ti mo kpu na kpu.” Moïse akiri atene peko ti atënë ti azo ni na KOTA GBIA.

Sigingo 2:25

Nzapa abaa azo ti Israel si tënë ti ala agbu be ti lo.

Sigingo 3:16

Fadeso, gue, mo bongbi *akangba ti Israel si mo tene na ala: ‘KOTA GBIA, Nzapa ti akotara ti ala, Nzapa ti Abraham, Nzapa ti Isaac na Nzapa ti Jacob asi na mbi, lo tene: Mbi yeke ga biani ti mu maboko na ala ndali ti ye so azo ayeke sara na ala na Ezipte.

Sigingo 3:18

“Azo ti Israel ayeke ma ande mo; tongaso mo na akangba, ala yeke gue na ndo ti gbia ti Ezipte si ala yeke tene na lo: ‘KOTA GBIA, Nzapa ti ahebro afa tere ti lo na e. Fadeso, mu na e lango ota, e gue na benyama, e mu *sandaga na KOTA GBIA, Nzapa ti e.’

Sigingo 3:7

KOTA GBIA akiri atene: “Mbi baa biani lege so azo ti mbi ayeke baa pasi na Ezipte; mbi ma toto ti ala ndali ti aye ti ngangu so amakonzi ti kua ti Ezipte ayeke sara na ala. Biani, mbi hinga pasi so ala yeke na ya ni.

Sigingo 33:10

Azo kue ayeke baa ngbongboro mbinda so aluti na yanga ti da ti bongo ni. Tongaso azo kue ayeke londo si zo oko oko ayeke kuku, akpo li ti lo na sese na yanga ti da ti lo wani.

Sigingo 34:8

Hio tongaso, Moïse akuku, akpo li ti lo na sese ti voro KOTA GBIA.

Sigingo 4:5

KOTA GBIA atene: “So laa ayeke fa biani na azo ti Israel atene, mbi KOTA GBIA, Nzapa ti akotara ti ala, Nzapa ti Abraham, Nzapa ti Isaac na Nzapa ti Jacob, mbi si na mo.”

Sofonii 2:7

Tanga ti azo ti Juda so angba na fini, fade sese ni ayeke ga ti ala; ala yeke gue na anyama ti ala ti te pere na ando ni so; na bi, ala yeke lango na ya ti ada ti Askalon. Biani, KOTA GBIA, Nzapa ti ala ayeke ga ti sara nzoni na ala, lo yeke sara si gigi ti ala akiri aga nzoni.

Nzoni Tënë so Luc asu na mbeti 1:68

“E gonda *Kota Gbia, Nzapa ti Israel, ngbanga ti so lo ga ti baa azo ti lo, ti zi ala na gbe ti ngbaa.

Nzoni Tënë so Luc asu na mbeti 8:13

Ambeni zo ayeke tongana ndö ti têne so ale ti kobe atuku daa; tongana ala ma tënë ni, ala yamba ni na ngia, me tënë ni ali na ya ti be ti ala pepe; ala ma na be gi na ya ti kete ngoi, tongana ye ti tarango be asi na ala, ala do lege ni azia.

Ruth 1:6

Kâ na sese ti Moab, Noemi ama a tene, *KOTA GBIA aga ti sara nzoni na azo ti lo si ala wara kobe ti tengo ni. Tongaso, Noemi na awali ti amolenge ti lo aleke tere ti ala ti zia sese ti Moab, ti kiri na sese ti Juda.