Sigingo 4:17 - Mbeti ti Nzapa - Tënë so amu fini

¹⁷ Ti keke ni, mu na maboko ti mo! Fade mo yeke sara aye ti kpene na ni.”

Sigingo 4:17 Iomraidhean Croise

2 Agbia 4:29

Élisée atene na Gehazi: “Leke tere ti mo; mu keke ti mbi ti wayanga-Nzapa, mo gue! Tongana mo wara mbeni zo na lege, mo bara lo pepe. Tongana mbeni zo abara mo, mo yeda pepe. Fade mo yeke zia keke ti mbi na ndö ti le ti molenge-koli ni.”

Sigingo 14:16

Ti mo, mu keke ti mo, mo yoro ni na nduzu na ndö ti kota ngu-ingo; mo kangbi ya ti ngu ni mbage na mbage titene azo ti Israel ahon na popo ni na ndö ti kuru sese.

Sigingo 17:9

Moïse atene na Josué: “Soro ambeni koli, mo gue, mo tiri bira na azo ti mara ti Amalek. Kekereke, mbi yeke luti na li ti hoto, keke ti Nzapa na maboko ti mbi.”

Sigingo 4:2

Tongaso KOTA GBIA ahunda lo, atene: “Nyen laa ayeke na maboko ti mo so?” Moïse akiri tënë: “Keke laa.”

Sigingo 4:20

Tongaso Moïse amu wali ti lo na amolenge ti lo ti koli, lo zia ala na ndö ti lele si lo kiri na sese ti Ezipte. Lo mu na maboko ti lo keke so Nzapa atene na lo ti mu ni so.

Wungo ti azo 20:8

“Mu nduru keke ti mo, mo na ita ti mo Aaron, ala bongbi azo ti Israel kue na ndo oko. Na dawa ti azo ni, ala tene tënë na têne so si fade têne ni ayeke mu ngu na ala. Mo sara titene ngu asigigi na ya ti têne ni si bongbi ti azo ti Israel anyon ni, ala, na anyama ti ala.”

1 Korente 1:27

Me Nzapa asoro ye so azo ti dunia so abaa na le ti ala tongana ye ti buba ti zia kamene na le ti azo ti ndara; lo soro ye so azo ti dunia so abaa na le ti ala tongana ye so ayeke na ngangu pepe ti zia kamene na le ti azo ti ngangu.