Sigingo 4:15 - Mbeti ti Nzapa - Tënë so amu fini

¹⁵ Fade mo yeke tene tënë na lo, mo yeke zia na yanga ti lo tënë so lo lingbi ti tene. Ti mbi, fade mbi yeke na ala use kue na ndembe so ala yeke tene tënë; mbi yeke fa na ala ye so ala lingbi ti sara.

Sigingo 4:15 Iomraidhean Croise

2 Samuel 14:3

Na pekoni, mo gue, mo wara gbia. Tënë so mbi yeke tene na mo so, fade mo tene na lo.” Yoab afa na lo tënë so lo lingbi ti tene.

Abia (Psaumes) 25:12

Tongana mbeni zo akpe mbeto ti KOTA GBIA, fade KOTA GBIA ayeke fa na lo lege so lo lingbi ti soro ni.

Abia (Psaumes) 51:15

Fade mbi yeke fa lege ti mo na azo so ake ndia ti mo si azo ti sarango siokpari ayeke kiri na mbage ti mo.

Sigingo 3:12

Nzapa atene na lo: “Fade mbi yeke na mo. Ye so ayeke fa atene mbi laa mbi tokua mo ayeke so: Tongana mo zi azo ti Israel na sese ti Ezipte mo sigigi na ala, fade mo na ala ayeke voro mbi na ndö ti hoto so.”

Sigingo 4:12

Fadeso, mo gue! Fade mbi yeke na mo tongana mo yeke tene tënë; mbi yeke fa na mo tënë so mo lingbi ti tene.”

Sigingo 4:28

Moïse afa na Aaron atënë so kue KOTA GBIA aye ti tokua lo ngbanga ni. Lo fa nga na lo aye ti kpene so kue KOTA GBIA amu yanga na lo ti sarango ni.

Sigingo 4:30

Aaron atene na ala peko ti atënë so kue KOTA GBIA atene na Moïse; lo sara nga aye ti kpene na le ti azo ni si ala baa.

Ésaïe 51:16

Mbi gbara yayu, mbi zia gere ti sese si mbi tene na azo ti *Sion: ‘Ala laa ayeke azo ti mbi; mbi zia tënë ti mbi na yanga ti ala, mbi bata ala na gbe ti de ti maboko ti mbi.’ ”

Ésaïe 59:21

KOTA GBIA atene: “Tënë ti *mbuki so mbi na ala e yeke sara laa: yingo ti mbi ayeke duti na ndö ti ala, mbi yeke zia tënë ti mbi na yanga ti ala; tënë ni ayeke hon yongoro na yanga ti ala pepe, na yanga ti amolenge ti ala pepe, na yanga ti amolenge ti amolenge ti ala pepe, ti londo fadeso ti gue na ni, kpu na kpu. Tënë so mbi KOTA GBIA, mbi tene laa.”

Jérémie 1:9

Na pekoni, KOTA GBIA ayoro maboko ti lo, lo ndu yanga ti mbi si lo tene: “Baa, mbi zia tënë ti mbi na yanga ti mo.

Jérémie 36:32

Tongaso Jérémie amu mbeni rulo nde si lo mu na wakuasu Baruk, molenge ti Neria. Baruk asu na le ni atënë ti yanga ti Jérémie; so ti tene, atënë so kue ayeke na le ti rulo so Yoakim, gbia ti Juda agbi ni so. Lo su nga na le ti rulo ni ambeni tënë mingi so akpa tere na ti kozo rulo ni.

Wungo ti azo 16:28

Moïse atene: “Fade ala hinga atene, KOTA GBIA laa atokua mbi ti sara aye so kue. Mbi sara aye na li ti mbi wani pepe.

Wungo ti azo 22:38

Balaam akiri tënë na Balak: “Baa, mbi laa, mbi ga awe so! Fadeso, tënë ti nyen laa mbi lingbi ti tene, nyen? Gi tënë so Nzapa ayeke zia na yanga ti mbi laa mbi yeke tene.”

Wungo ti azo 23:12

Balaam akiri tënë: “Alingbi mbi tene pepe gi tënë so KOTA GBIA azia na yanga ti mbi ti tene?”

Wungo ti azo 23:16

*KOTA GBIA aga awara Balaam si azia mbeni tënë na yanga ti lo ti tene. Na pekoni, lo tene na Balaam: “Kiri na tere ti Balak, tënë so mo yeke tene na lo laa.”

Wungo ti azo 23:5

KOTA GBIA azia mbeni tënë na yanga ti Balaam si lo tene na lo: “Kiri na tere ti Balak; tënë so mo yeke tene na lo laa.”

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Nzoni Tënë so Luc asu na mbeti 21:15

Biani, fade mbi wani, mbi yeke mu na ala tënë ti tenengo ni na ndara so awato ti ala alingbi pepe ti dekite na ni wala ti ke ni.

1 Korente 11:23

Ti mbi, tënë so mbi ma na yanga ti Kota Gbia si mbi fa na ala ayeke so: na bi so ala ka lo, Kota Gbia Jésus amu mapa,

1 Korente 15:1

A-ita, mbi yeke kiri ti dabe ti ala na ndö ti Nzoni Tënë so mbi fa na ala, ala yamba ni si be ti ala ayeke gi na ndö ni so.

Ndia ti fani use ni 18:18

Fade mbi yeke tokua na ala mbeni wayanga-Nzapa tongana mo; wayanga-Nzapa ni ayeke duti mbeni ita ti ala. Mbi yeke zia tënë ti mbi na yanga ti lo si lo yeke tene na ala atënë so kue mbi yeke mu yanga na lo ti tene.

Ndia ti fani use ni 5:31

Me ti mo, mo ngba ge na tere ti mbi. Fade mbi yeke fa na mo atënë ti yanga ti mbi kue, aye so ndia afa nga na atënë ti ndia so fade mo yeke fa ni na ala titene ala sara ye alingbi na ni na ya ti kodro so mbi yeke mu na ala titene aga ti ala.”

1 Samuel 16:3

Na ndembe ti mungo sandaga ni, fade mo iri Yese. Mbi wani, mbi yeke fa na mo ye so mo lingbi ti sara. Zo so mbi yeke fa ande lo na mo, mo yeke tuku mafuta na li ti lo titene lo ga gbia.”