Sigingo 4:13 - Mbeti ti Nzapa - Tënë so amu fini

¹³ Moïse atene: “KOTA GBIA, mbi gbu gere ti mo! Tokua mbeni zo nde so mo ye!”

Sigingo 4:13 Iomraidhean Croise

Tongo nda ti aye 24:7

KOTA GBIA, Nzapa ti yayu, asara si mbi zia da ti babâ ti mbi, na kodro so a du mbi daa. Lo sara tënë na mbi si lo deba yanga ti lo na mbi, lo tene: ‘Mbi yeke mu kodro so na *ahale ti mo’. Lo wani laa lo yeke tokua ande *ange ti lo kozo ti mo. Kâ si mo yeke mu mbeni wali na molenge ti mbi.

Tongo nda ti aye 41:35

Na ya ti angu ti nzoni so ayeke ga, ala yeke bongbi akobe so ala yeke wara. Ala yeke gi ambeni ndo na ya ti agbata ti kodro ni titene ala bata *ble daa na gbe ti gbia Faraon.

Tongo nda ti aye 48:16

ayeke nzoni *ange so azi mbi na ya ti ye ti sioni asara tufa na ndö ti amolenge so. Ayeke nzoni iri ti mbi na ti ababâ ti mbi Abraham na Isaac angba ti wu ndali ti ala. Ayeke nzoni ala du amolenge mingi si ala wu mingi na ndö ti sese.”

1 Agbia 19:4

Ti lo, lo gue na benyama; lo tambula na ya ti lango oko si lo si kâ. So Élie asi kâ awe, lo duti na gbe ti mbeni kete keke. Lo iri kuâ titene aga amu lo, lo tene: “*KOTA GBIA, fadeso ye ni ahon ndoni awe! Mo mu fini ti mbi. Biani, mbi yeke nzoni mbi hon akotara ti mbi pepe.”

Sigingo 23:20

“Fade mbi yeke tokua mbeni *ange na dawa ti ala ti bata ala na lege; lo yeke sara si ala si na ndo so mbi leke ndali ti ala.

Sigingo 4:1

Moïse akiri tënë na *KOTA GBIA: “Mbi hinga ape! Fade azo ti Israel ayeke yeda na tënë ti mbi pepe, ala yeke ma nga yanga ti mbi pepe; me fade ala yeke tene: ‘KOTA GBIA asi na mo pepe!’ ”

Sigingo 4:12

Fadeso, mo gue! Fade mbi yeke na mo tongana mo yeke tene tënë; mbi yeke fa na mo tënë so mo lingbi ti tene.”

Sigingo 4:14

Tongaso, ngonzo ti KOTA GBIA alondo tongana wâ na tere ti Moïse si lo tene: “Ita ti mo Aaron, zo ti mara ti Lévi ayeke daa pepe? Mbi hinga, mbi tene, yanga ti lo ayapu na tënë mingi! Baa, lo laa lo yeke ga ti wara mo so. Tongana lo baa mo ande, be ti lo ayeke duti na ngia.

Jérémie 1:6

Mbi kiri tënë, mbi tene: “Ae, Kota Gbia NZAPA, mbi de maseka mingi; mbi hinga ti tene tënë pepe.”

Jérémie 20:9

Tongana mbi tene: “Awe! Mbi yeke kiri ti di iri ti lo na yanga ti mbi pepe, mbi yeke kiri ti fa tënë na iri ti lo pepe”; na ya ti be ti mbi kâ, tënë ni ayeke gbi tongana wâ. Mbi yeke sara ngangu ti mingo ni, me mbi ha gbaa.

Jonas 1:3

Me Jonas alondo ti lo ti kpe ti gue na Tarsis, yongoro na le ti KOTA GBIA. Lo gue, lo si na Zafa. Kâ, lo wara mbeni mangboko so ayeke gue na Tarsis. Lo futa mangboko ni si lo na azo ti ya ni kue alondo ti gue na Tarsis, yongoro na le ti KOTA GBIA.

Jonas 1:6

Kapita ti mangboko ni asi na tere ti lo si atene na lo: “Ee mo! Nyen laa mo yeke sara so? Mo yeke lango? Londo! Mo dekongo, mo iri nzapa ti mo. E hinga pepe, fade lo yeke baa mawa ti e si e kui pepe.”

Matthieu 13:41

fade Molenge ti Zo ayeke tokua a-ange ti lo, ala yeke mu azo so ayeke sara si amba ti ala ayeke ti na ya ti siokpari nga na azo so ayeke sara aye ti sioni, ti sigigi na ala na ya ti *Kodro-gbia ti yayu,

Jean 6:29

Jésus akiri tënë na ala: “Kua so Nzapa ahunda na ala ti sarango ni ayeke ti ma na be na zo so lo tokua lo.”

Awafango-ngbanga 2:1

*Ange ti *KOTA GBIA alondo na Gilgal asi na Bokim. Lo tene na azo ti Israel: “Mbi laa mbi sara si ala sigigi na kodro ti Ezipte si mbi gue na ala na kodro so mbi deba yanga ti mbi ti mu na akotara ti ala. Mbi tene, mbi yeke kiri ti buba pepe *mbuki so mbi na ala e sara.