Sigingo 4:11 - Mbeti ti Nzapa - Tënë so amu fini

¹¹ KOTA GBIA akiri tënë na lo, atene: “Zo wa laa asara yanga ti zo, zo wa? Zo wa laa asara si zo aga buburu, wala mê ti zo akanga, zo wa? Zo wa laa asara si zo abaa ndo, wala le ti zo akanga, zo wa? Ayeke mbi KOTA GBIA pepe?

Sigingo 4:11 Iomraidhean Croise

Tongo nda ti aye 11:7

Tongaso e zu, e buba ya ti yanga ti kodro ti ala si mbeni zo akiri ama tënë so mba ti lo atene na lo pepe!”

Tongo nda ti aye 18:14

Mbeni ye ti kpene so KOTA GBIA alingbi ti sara pepe ayeke daa? Na ngu ti peko, gi na mara ti ngoi so e yeke daa so, na ndembe so mbi yeke kiri ti ga ge, Sara adu molenge-koli awe.”

Abia (Psaumes) 146:8

KOTA GBIA ayeke zi le ti azo so le ti ala akanga. Azo so ati na sese, KOTA GBIA ayeke mu ala na nduzu; KOTA GBIA aye azo ti mbirimbiri.

Abia (Psaumes) 51:15

Fade mbi yeke fa lege ti mo na azo so ake ndia ti mo si azo ti sarango siokpari ayeke kiri na mbage ti mo.

Abia (Psaumes) 94:9

KOTA GBIA so aleke mê so, lo lingbi ti ma ndo pepe? Lo so lo sara le so, lo lingbi ti baa ndo pepe?

Amato 20:12

Mê so ayeke ma na ndo nga na le so ayeke baa na ndo, ala use kue, KOTA GBIA laa asara ala.

Ésaïe 42:7

Mo yeke zi le ti awaziba, mo yeke zi azo ti kanga na da ti kanga, mo yeke sigigi na azo so ayeke na ya ti sururu, ala so ayeke ku na ya ti vukongo ndo.”

Ésaïe 6:7

Lo ndu yanga ti mbi na le ti wâ ni si lo tene: “Gi so ye so andu yanga ti mo awe, a zi sioni ti mo awe, a zi siokpari na li ti mo awe.”

Jérémie 1:6

Mbi kiri tënë, mbi tene: “Ae, Kota Gbia NZAPA, mbi de maseka mingi; mbi hinga ti tene tënë pepe.”

Jérémie 1:9

Na pekoni, KOTA GBIA ayoro maboko ti lo, lo ndu yanga ti mbi si lo tene: “Baa, mbi zia tënë ti mbi na yanga ti mo.

Ezekiel 33:22

Na lakui, kozoni si zo so asi, maboko ti KOTA GBIA ayeke na ndö ti mbi. Na ndade ni, na ndaperere, tongana zo ni asi, andaa Nzapa azi yanga ti mbi awe, mbi yeke buburu mbeni pepe.

Amos 3:6

Tongana a huru didi na ya ti mbeni gbata ti fa tënë ti bira, fade mbeto alingbi ti gbu azo pepe? Tongana kpale asi na ya ti mbeni gbata, *KOTA GBIA laa asara ye ni pepe?

Matthieu 11:5

awaziba akiri abaa ndo, azo so gere ti ala abuba akiri atambula nzoni, tere ti azo ti buruma aga nzoni, azo so mê ti ala akanga akiri ama ndo, azo azingo na kuâ, a fa Nzoni Tënë na azo ti mawa.

Nzoni Tënë so Luc asu na mbeti 1:20

Me mo yeda na tënë ti mbi pepe; tënë ti mbi so ayeke ga ande taa-tënë tongana ndembe ni alingbi. Tongaso, fade mo yeke ga buburu, mo yeke tene tënë pepe, ngbii asi na ndembe so aye ni kue ayeke si.”

Nzoni Tënë so Luc asu na mbeti 1:64

Gi na pekoni, yanga ti Zakarii azi, lo to nda ti tene tënë si lo gonda Nzapa.

Jean 10:21

Ambeni atene ti ala: “Zo so sioni yingo ayeke na ya ti lo ayeke tene amara ti tënë tongaso pepe! Sioni yingo alingbi ti zi le ti waziba?”