Sigingo 4:1 - Mbeti ti Nzapa - Tënë so amu fini

¹ Moïse akiri tënë na *KOTA GBIA: “Mbi hinga ape! Fade azo ti Israel ayeke yeda na tënë ti mbi pepe, ala yeke ma nga yanga ti mbi pepe; me fade ala yeke tene: ‘KOTA GBIA asi na mo pepe!’ ”

Sigingo 4:1 Iomraidhean Croise

1 Agbia 13:3

Gi na lango ni so, zo ti Nzapa ni afa na Yeroboam ye so fade ayeke si; lo tene: “Fade gbalaka ni ayeke kungbi si mburu ti wâ ti mafuta ti anyama so ayeke na ndö ni ayeke tuku na sese. Ye so laa ayeke fa biani atene, KOTA GBIA laa atene tënë so.”

Sigingo 2:14

Lo kiri tënë na Moïse, lo tene: “Zo wa laa azia mo makonzi titene mo fâ ngbanga na popo ti e, zo wa? Mo ye ti fâ mbi tongana ti so mo fâ zo ti Ezipte so?” Tongaso mbeto agbu Moïse si lo tene: “Azo ahinga tënë ti ye so mbi sara so awe!”

Sigingo 3:15

Nzapa akiri atene na Moïse: “Fade mo tene na azo ti Israel, mo tene: ‘KOTA GBIA, Nzapa ti akotara ti ala, Nzapa ti Abraham, Nzapa ti Isaac, Nzapa ti Jacob laa atokua mbi na ala.’ So iri ti mbi kpu na kpu laa; iri so azo ti angoi kue ayeke iri mbi na ni laa.

Sigingo 3:16

Fadeso, gue, mo bongbi *akangba ti Israel si mo tene na ala: ‘KOTA GBIA, Nzapa ti akotara ti ala, Nzapa ti Abraham, Nzapa ti Isaac na Nzapa ti Jacob asi na mbi, lo tene: Mbi yeke ga biani ti mu maboko na ala ndali ti ye so azo ayeke sara na ala na Ezipte.

Sigingo 3:18

“Azo ti Israel ayeke ma ande mo; tongaso mo na akangba, ala yeke gue na ndo ti gbia ti Ezipte si ala yeke tene na lo: ‘KOTA GBIA, Nzapa ti ahebro afa tere ti lo na e. Fadeso, mu na e lango ota, e gue na benyama, e mu *sandaga na KOTA GBIA, Nzapa ti e.’

Sigingo 4:10

Moïse atene na KOTA GBIA: “KOTA GBIA, mbi gbu gere ti mo! Ngbene ye ngbii asi laso, ataa so mo ngba ti tene tënë na mbi fadeso, mbi hinga ti tene tënë nzoni pepe. Yanga ti mbi na menga ti mbi ane nengo na tenengo tënë.”

Sigingo 4:30

Aaron atene na ala peko ti atënë so kue KOTA GBIA atene na Moïse; lo sara nga aye ti kpene na le ti azo ni si ala baa.

Sigingo 4:31

Azo ti Israel ayeda na tënë ni si ala hinga atene, KOTA GBIA ayeke ga ti mu maboko na ala, ngbanga ti so lo baa lege so ala baa pasi. Tongaso, ala kuku akpo li ti ala na sese ti voro lo.

Sigingo 6:12

Me Moïse akiri tënë na KOTA GBIA, atene: “Baa, azo ti Israel ama mbi pepe. Fade Faraon ayeke ma mbi tongana nyen, mbi so yanga ti mbi ane nengo na tenengo tënë so?”

Sigingo 6:30

Me Moïse akiri tënë na dawa ti KOTA GBIA, atene: “Mbi so yanga ti mbi ane nengo na tenengo tënë so, fade Faraon ayeke ma mbi tongana nyen?”

Jérémie 1:6

Mbi kiri tënë, mbi tene: “Ae, Kota Gbia NZAPA, mbi de maseka mingi; mbi hinga ti tene tënë pepe.”

Ezekiel 3:14

Tongaso yingo so fade ayo mbi na nduzu so ahon na mbi. Maboko ti KOTA GBIA agbu mbi si ayeke ngangu ahon mbi. Tongaso mbi hon, be ti mbi na vundu, be ti mbi ayeke so songo.

Awatokua 7:25

Lo baa ti lo, lo tene fade a-ita ti lo, azo ti Israel ayeke hinga atene, na lege ti lo laa Nzapa ayeke sara titene ala sigigi na gbe ti ngbaa; me azo ti Israel ama ya ni pepe.

Awafango-ngbanga 6:17

Gédéon akiri atene na KOTA GBIA: “Tongana mo baa mbi na nzoni le, ayeke nzoni mo fa na mbi mbeni ye so afa atene, mo laa mo yeke tene tënë na mbi so.