Sigingo 39:8 - Mbeti ti Nzapa - Tënë so amu fini

⁸ Na pekoni, azo ti sarango ye na kode asara bozo so ayeke na ndö ti kate. Ala sara ni tongana ti so a sara na *efod so. Ala sara ni na kamba ti *len so akpengba kpengbango, ala bongbi ni na bongo so nzoroko ni akpa le ti nduzu, bongo so abe bengo, bengba bongo so ayeke za zango. Ala kpo apendere nzoroko na tere ni na kamba so a sara na lôro.

Sigingo 39:8 Iomraidhean Croise

Abia (Psaumes) 89:28

Ti mbi, mbi yeke sara titene lo ga kozo molenge ti mbi ti koli, gbia so ayeke kota ahon agbia kue ti sese.

Sigingo 25:7

atêne ti kornaline na ambeni pendere têne nde nde ti ngangu ngere so a yeke zia na tere ti *efod nga na tere ti bozo so ayeke na ndö ti kate ti kota wayango-sandaga.

Sigingo 26:1

Ti da so Nzapa ayeke duti daa, fade azo ti sarango ye na kode ayeke sara ni na amapia-bongo baleoko so ayeke na kamba ti *len so akpengba kpengbango, so a bongbi ni na kua ti tere ti taba so nzoroko ni akpa le ti nduzu, na mbeni so abe bengo si mbeni abe si ayeke za zango. Fade ala yeke kpo alimo ti *asheruben na tere ni.

Sigingo 28:4

Abongo so ala yeke fu ayeke so: bozo, *efod, kaba, yongoro bongo ti gbeni so a sara apendere nzoroko na tere ni, bongo so a yeke kanga na li tongana kpoto nga na kamba ti ndö ti bongo. Ita ti mo Aaron na amolenge ti lo ayeke yu abongo ni titene ala sara kua na mbi tongana awayango-sandaga.

Sigingo 39:9

Yongoro ti bozo ni ayeke santimetere baleuse na oku, alingbi tere mbage na mbage kue tongana a kungbi ya ni use.

Ésaïe 59:17

Lo kanga mbirimbiri na tere ti lo tongana kazaka ti wen, lo mu songo zo na kuâ tongana kpoto ti wen, lo mu kiringo na peko ti sioni na zo tongana bongo so lo yu, lo mu ngangu ti lo ti tiringo na bira tongana kota bongo ti de.

Efeze 6:14

Ala luti na nduzu! Ala kanga taa-tënë tongana kamba ti ndö ti bongo ti ala; ala yu sarango ye ti mbirimbiri tongana kazaka ti wen;