Sigingo 39:5 - Mbeti ti Nzapa - Tënë so amu fini

⁵ Ala sara si akamba ti efod ni na efod ni aga gi ye oko. Ala sara nga ni na kamba ti len so akpengba kpengbango, ala bongbi ni na bongo so nzoroko ni akpa le ti nduzu, bongo so abe bengo, bengba bongo so ayeke za zango. Ala kpo apendere nzoroko na tere ni na kamba so a sara na lôro, alingbi na yanga so KOTA GBIA amu lani na Moïse.

Sigingo 39:5 Iomraidhean Croise

Sigingo 25:4

bongo so nzoroko ni akpa le ti nduzu na bongo so abe bengo, bengba bongo so ayeke za zango, bongo so a sara na *len nga na bongo so a sara na kua ti tere ti ngasa,

Sigingo 28:8

Ala yeke sara titene akamba ti efod ni na efod ni aga gi ye oko. Ala yeke sara nga ni na kamba ti len so akpengba kpengbango, ala yeke bongbi ni na bongo so nzoroko ni akpa le ti nduzu, bongo so abe bengo, bengba bongo so ayeke za zango. Ala yeke kpo apendere nzoroko na tere ni na kamba so a sara na lôro.

Sigingo 29:5

Mo yeke mu abongo ti awayango-sandaga, mo yu na Aaron: yongoro bongo ti gbeni, kaba na gbe ti *efod, efod nga na bozo so ayeke na ndö ti kate. Mo yeke kanga akamba ti efod na ndö ti abongo ni.

Sigingo 39:4

Ala fu akamba use na yanga ti efod ni ti kanga na ni na ndö ti go.

Sigingo 39:6

Ala leke atêne use ti kornaline, ala zia ni na ya ti akadere use ti lôro. Ala kpaka iri ti amolenge ti Jacob na ndö ti atêne ni tongana ti so a yeke kpaka iri ti zo na ndö ti *ye ti kpongo na nzoroko.

Ésaïe 11:5

Fade sarango ye ti mbirimbiri ayeke duti tongana kamba ti ndö ti bongo ti lo, sarango ye lakue na legeni ayeke duti tongana kamba so lo kanga na ngbonda ti lo.

Awayango-sandaga 8:7

Lo yu na Aaron yongoro bongo ti gbeni, lo kanga kamba na ndö ni, lo yu na lo kaba si lo zia *efod na ndö ni; lo kanga akamba ti efod na ndö ni.

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

1 Korente 11:23

Ti mbi, tënë so mbi ma na yanga ti Kota Gbia si mbi fa na ala ayeke so: na bi so ala ka lo, Kota Gbia Jésus amu mapa,

Aye so Nzapa afa 1:13

Na popo ti agere ti lamba ni, mbi baa lo so akpa zo. Lo yu mbeni yongoro bongo, lo kanga na kate ti lo kamba ti ndö ti bongo so a sara na lôro.