Sigingo 38:9 - Mbeti ti Nzapa - Tënë so amu fini

⁹ Na pekoni, lo sara gbagba ti da ni. Na mbage ti Mbongo, lo sara gbagba ni na bongo ti *len so akpengba kpengbango; bongo ni ayo metere baleoku.

Sigingo 38:9 Iomraidhean Croise

1 Agbia 6:36

Na pekoni, a sara gbagba ti kota da ti Nzapa, – so ti tene gbagba ti ya ni – na atêne so a de tere ni dengo, molongo ti atêne ni ayeke ota; na ndö ni, a zia molongo oko ti angbongboro keke ti sedre.

Abia (Psaumes) 100:4

Ala li na ayanga ti kota da ti lo na mungo singila na lo; ala li na ya ti gbagba ti kota da ti lo na hengo bia ti sepela lo. Ala mu singila na lo, ala gonda iri ti lo.

Abia (Psaumes) 84:10

O Nzapa, baa gbia so ayeke *vala ti e, baa na nzoni le zo ti mo so mo zia lo gbia so.

Abia (Psaumes) 84:2

*KOTA GBIA, mo so mo yeke na ndö ti dunia kue, mbi ye tënë ti da ti mo mingi!

Abia (Psaumes) 89:7

KOTA GBIA, na nduzu kâ, zo wa laa alingbi na mo, zo wa? Na popo ti anzapa, mbeni oko tongana mo ayeke daa?

Abia (Psaumes) 92:13

Zo ti mbirimbiri ayeke kono tongana keke ti mburu, lo yeke ga kota tongana keke ti sedre ti Liban.

Sigingo 26:1

Ti da so Nzapa ayeke duti daa, fade azo ti sarango ye na kode ayeke sara ni na amapia-bongo baleoko so ayeke na kamba ti *len so akpengba kpengbango, so a bongbi ni na kua ti tere ti taba so nzoroko ni akpa le ti nduzu, na mbeni so abe bengo si mbeni abe si ayeke za zango. Fade ala yeke kpo alimo ti *asheruben na tere ni.

Sigingo 38:10

A kanga bongo ni na *kongi nga na wen so a sara na wen ti nginza na tere ti angbongboro wen baleuse so a sara na bengba wen. Angbongboro wen ni aluti na ndö ti agere ni baleuse so a sara nga na bengba wen.

Sigingo 40:33

Moïse asara gbagba na tere ti da so Nzapa ayeke duti daa nga na tere ti gbalaka ni si lo zia ridoo na yanga ti gbagba ni. Lege so Moïse ahunzi akua ni kue laa.

Sigingo 40:8

Mo yeke zia abongo ni na tere ti gbagba ti ndo so ayeke nde si ayeke nzoni kue si mo yeke kanga ridoo ni na yanga ti gbagba ni.

Wungo ti azo 3:26

Ala yeke baa nga lege ti abongo na ridoo ti yanga ti gbagba ni; bongo ni angoro da ni nga na gbalaka. Ala yeke baa nga lege ti akamba so agbu li ti da ni na nduzu. Aye so kue, ala laa ayeke baa lege ni.

Wungo ti azo 4:26

Ala yeke yo nga abongo ti tere ti gbagba so angoro da ni na gbalaka, ridoo ti yanga ti gbagba ni, akamba ti kangango na gbagba ni, na akungba nde nde ti sarango na akua ti ala.