Sigingo 34:9 - Mbeti ti Nzapa - Tënë so amu fini

⁹ Na pekoni, lo tene: “Kota Gbia, tongana mo baa mbi na nzoni le, ayeke nzoni KOTA GBIA, mo tambula na popo ti e! Biani, azo so ayeke azo ti ngangu li. Me ayeke nzoni mo zi sioni ti e na siokpari ti e na li ti e; mo baa e tongana ye so aga ti mo!”

Sigingo 34:9 Iomraidhean Croise

Abia (Psaumes) 135:4

Biani, KOTA GBIA asoro Jacob ndali ti lo wani, lo soro Israel titene aga ye ti lo wani.

Abia (Psaumes) 25:11

KOTA GBIA, ndali ti iri ti mo, mo zi siokpari ti mbi, siokpari ti mbi so ayeke kota mingi.

Abia (Psaumes) 28:9

Mo soo azo ti mo; mo sara tufa na ndö ti ye so aga ti mo awe. Duti tongana wabatango-taba, mo bata ala; mo sara na ala lakue lakue!

Abia (Psaumes) 33:12

Ti ala nzoni, amara so KOTA GBIA ayeke Nzapa ti ala! Ti ala nzoni, azo so KOTA GBIA asoro ala ti ga azo ti lo!

Abia (Psaumes) 78:62

Ngonzo agbu lo na tere ti azo so aga ye ti lo, lo zia ala si a fâ ala kue kue kue.

Abia (Psaumes) 94:14

Biani, KOTA GBIA ayeke ke azo ti lo pepe, azo so aga azo ti lo, lo yeke zia ala pepe.

Sigingo 19:5

Fadeso, tongana ala ma tënë ti mbi si ala bata tënë ti *mbuki ti mbi, fade ala yeke ga azo ti mbi wani na popo ti amara kue. Biani, sese kue ayeke ti mbi.

Sigingo 32:9

KOTA GBIA atene na Moïse: Biani, mbi baa azo so awe; ala yeke azo ti ngangu li!

Sigingo 33:12

Moïse atene na KOTA GBIA: “KOTA GBIA, ma si! Mo wani laa mo tene na mbi, mo tene: ‘Mo mu azo so mo gue na ala’. Me mo fa na mbi zo so alingbi ti mu maboko na mbi pepe. Lani mo laa mo tene na mbi, mo tene: ‘Mbi hinga mo na iri ti mo’; mo tene nga: ‘Mbi yeke baa mo na nzoni le.’

Sigingo 34:7

Mbi yeke sara nzoni be na azo ngbii asi na molongo ti ala saki oko. Azo so asara sioni, azo so asara ngangu li na azo so asara siokpari, mbi yeke kanga be na ala; me zo so tënë ayeke na li ti lo, mbi yeke zia lo senge pepe. Azo so asara siokpari, mbi yeke sara titene siokpari ti azo ni akiri na ndö ti amolenge ti ala na *ahale ti ala ngbii asi na molongo ota ni wala osio ni.”

Ésaïe 48:4

Mbi hinga kue, ala yeke azo ti ngangu li, li ti ala akpengba tongana wen, li ti ala akpengba mingi.

Jérémie 10:16

Ti Nzapa, lo yeke tongana ala pepe, lo so lo yeke mosoro ti Jacob; lo laa lo sara si dunia abaa gigi, mara ti Israel ayeke ye ti lo; iri ti lo ayeke KOTA GBIA so ayeke na ndö ti dunia kue.

Mishe 7:18

Mbeni nzapa wa laa alingbi na mo? Mo laa mo yeke zi siokpari ti tanga ti azo ti mo so angba na fini, mo yeke zia be ti mo na kpengbango li ti azo ni pepe. Ndali ti yengo so mo ye na tanga ti azo ti mo so angba na fini, mo yeke sara ngonzo na tere ti ala ngbii aninga pepe, me ye so anzere na be ti mo ayeke titene mo sara nzoni be na azo.

Zakarii 2:12

KOTA GBIA so ayeke na ndö ti dunia kue - lo so lo tokua mbi na amara so anzi aye ti ala kue, azo ti Sion, tënë so lo tene ayeke so: “Zo so andu ala, andaa lo ndu mboma ti le ti mbi awe.

Wungo ti azo 14:19

KOTA GBIA, ndali ti nzoni be ti mo, zi siokpari ti azo so na li ti ala tongana ti so mo sara, ti to ndani na Ezipte ngbii asi na ndo so.”

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Ndia ti fani use ni 32:9

Me azo ti Israel ayeke azo so aga ti KOTA GBIA, *ahale ti Jacob aga ye ti lo.

Ndia ti fani use ni 4:20

Me ti ala, azo ti Israel, KOTA GBIA amu ala, lo sara si ala sigigi na sese ti Ezipte, ndo so ala baa pasi daa tongana ti zo so ayeke na ya ti kota fur. Lo sara si ala ga azo ti lo wani, tongana ti so ala yeke laso.

Ndia ti fani use ni 9:18

Moïse atene: Na pekoni, mbi ti na sese na gbe ti KOTA GBIA. Mbi ngba na ndo so lango baleosio na bi baleosio tongana ti kozoni; mbi te kobe pepe, mbi nyon ngu pepe. Mbi sara ye so ndali ti siokpari so kue ala sara: ala sara ye so ayeke sioni mingi na le ti KOTA GBIA, ala zia ngonzo mingi na be ti lo.

Ndia ti fani use ni 9:26

Mbi sambela lo, mbi tene: “Kota Gbia NZAPA, mo fâ azo ti mo kue pepe, ala ga ye ti mo awe; mo zi ala na lege ti kota ngangu ti mo, mo sara si ala sigigi na Ezipte na lege ti ngangu ti maboko ti mo.

Ndia ti fani use ni 9:29

Andaa ala yeke azo ti mo, ala ga ye ti mo awe. Mo sara si ala sigigi na lege ti kota ngangu ti mo nga na lege ti maboko ti mo so mo yoro.”