Sigingo 34:4 - Mbeti ti Nzapa - Tënë so amu fini

⁴ Moïse aleke atêne use si aga kpangbara tongana ti kozoni so. Na kota ndaperere, lo londo, lo gue na li ti hoto ti Sinai alingbi gi na yanga so KOTA GBIA amu na lo. Lo mu atêne ni si lo gue na ni.

Sigingo 34:4 Iomraidhean Croise

Sigingo 19:20

KOTA GBIA azu na ndö ti hoto ti Sinai, na li ti hoto ni, lo iri Moïse si Moïse ague na ndö ti hoto ni.

Sigingo 19:3

Moïse ague na li ti hoto ti wara tere na Nzapa. Kâ na li ti hoto ni, KOTA GBIA airi lo si atene na lo: “Baa, tënë so fade mo yeke tene na azo ti mara ti Jacob, azo ti Israel ayeke so:

Sigingo 32:16

Atêne ni, Nzapa laa asara; mbeti ni, Nzapa wani laa asu na le ti atêne ni.

Sigingo 34:1

KOTA GBIA atene na Moïse: “Mo leke akpangbara têne use tongana ti kozoni so. Fade mbi yeke su na le ni gi atënë so ayeke lani na le ti akozo têne so mo fâ ya ni so.

Ndia ti fani use ni 10:1

Moïse atene: Tongaso *KOTA GBIA amu yanga na mbi, atene: “Mo leke ambeni kpangbara têne use tongana ti kozoni so; mo leke nga mbeni sanduku ti keke. Na pekoni, mo ga na li ti hoto na mbage ti mbi.

Ndia ti fani use ni 10:3

Tongaso mbi leke sanduku ni na keke ti akasia, mbi leke akpangbara têne use tongana ti kozoni so si mbi gue na ni na li ti hoto ni.