Sigingo 33:9 - Mbeti ti Nzapa - Tënë so amu fini

⁹ Tongana Moïse ali na ya ti da ti bongo ni awe, ngbongboro mbinda ayeke ga ti luti na yanga ti da ni; KOTA GBIA ayeke tene tënë na Moïse.

Sigingo 33:9 Iomraidhean Croise

Tongo nda ti aye 17:22

So Nzapa atene tënë na Abraham awe, lo londo na tere ti Abraham si lo hon.

Tongo nda ti aye 18:33

So KOTA GBIA ahunzi ti tene tënë na Abraham awe, lo hon si Abraham akiri na ndo ti lo.

Abia (Psaumes) 99:7

Na ya ti ngbongboro mbinda, lo yeke tene tënë na ala; ala sara ye alingbi na aye so lo hunda na ala, nga na andia so lo mu na ala.

Sigingo 25:22

Na ndo so laa mbi yeke wara tere na mo, na ndö ti ye ti kangango na yanga ti sanduku ni, na popo ti asheruben use so. Na ndo so laa mbi yeke mu yanga na mo ndali ti azo ti Israel.”

Sigingo 31:18

So KOTA GBIA ahunzi ti tene tënë na Moïse na li ti hoto ti Sinai, lo mu na lo atêne use so lo wani, lo su atënë ti ndia na le ni.

Sigingo 33:10

Azo kue ayeke baa ngbongboro mbinda so aluti na yanga ti da ti bongo ni. Tongaso azo kue ayeke londo si zo oko oko ayeke kuku, akpo li ti lo na sese na yanga ti da ti lo wani.

Sigingo 33:11

KOTA GBIA ayeke tene tënë na Moïse le na le tongana ti so zo ayeke tene tënë na mba ti lo. Na pekoni, Moïse ayeke kiri na ya ti bâbâ. Me Josué, molenge ti Nune, maseka so ayeke mu maboko na Moïse ayeke ngba ti lo na ya ti da ti bongo ni.

Sigingo 33:8

Lakue tongana Moïse ayeke gue na da ti bongo ni, azo kue ayeke londo na nduzu. Zo oko oko ayeke luti na yanga ti da ti lo si lo yeke baa peko ti Moïse ngbii Moïse ali na ya ti da ti bongo ni.

Sigingo 34:3

Ayeke nzoni mbeni zo amu peko ti mo pepe! Mbeni zo asi nga na ndö ti hoto ni pepe; ataa taba, ataa ngasa wala bagara alingbi ti te pere nduru na hoto ni pepe.”

Sigingo 34:5

KOTA GBIA azu na ya ti ngbongboro mbinda si lo luti kâ na tere ti Moïse. Lo di iri ti lo: “KOTA GBIA”.

Sigingo 34:9

Na pekoni, lo tene: “Kota Gbia, tongana mo baa mbi na nzoni le, ayeke nzoni KOTA GBIA, mo tambula na popo ti e! Biani, azo so ayeke azo ti ngangu li. Me ayeke nzoni mo zi sioni ti e na siokpari ti e na li ti e; mo baa e tongana ye so aga ti mo!”

Ezekiel 3:22

Na ndo ni so, maboko ti KOTA GBIA akiri agbu mbi. Lo tene na mbi, lo tene: “Londo, mo gue na popo-hoto; kâ, fade mbi yeke tene tënë na mo.”

Wungo ti azo 11:17

Mbi yeke zu ti tene tënë na mo. Mbi yeke zi mbeni yingo so mbi mu na mo so kete ti kangbi na ala si ala lingbi ti mu maboko na mo, tongaso si gi mo oko laa mo yeke yo azo ni so pepe.

Wungo ti azo 7:89

Na ndembe so Moïse ali na ya ti da ti bongo so KOTA GBIA na azo ti lo ayeke wara tere daa, ti tene tënë na KOTA GBIA, Moïse ama mbeni go so ayeke tene tënë na lo. Go ni alondo na nduzu, na popo ti *asheruben use, na ndö ti *ye ti kangango na yanga ti sanduku ti mbuki. Asheruben ni ayeke na ndö ti sanduku so a zia na ya ni atêne so a su atënë ti mbuki na le ni. Tongaso lo yeke tene tënë na lo.

Ndia ti fani use ni 31:14

*KOTA GBIA atene na Moïse: “Lango ti kuâ ti mo aga nduru awe. Mo iri Josué; mo na lo ague na ya ti da ti bongo so mbi na azo ti mbi, e yeke wara tere daa. Kâ, fade mbi yeke mu yanga na lo.” Tongaso, Moïse na Josué ague na ya ti da ti bongo so KOTA GBIA na azo ti lo ayeke wara tere daa.

Ndia ti fani use ni 31:15

KOTA GBIA asi na ala na ya ti ngbongboro mbinda so aga aluti na yanga ti da ti bongo ni.